رواية اقدار للكاتبه ضاقت انفاسي كاملة

تذكير بمساهمة فاتح الموضوع :

قبل كل شيء الرواية الى الكاتبة
ضاقت انفاسي او ابرار
قراءة ممتعه

السلام عليكم ورحمة الله وبركاته .....
عدت لكم من جديد بروايه جديده ...أتمنى تنال إعجابكم
وأتمنى ما تحرومني من ردودكم Smile

لا أحلل من ينقل الروايه بدون علمي او ذكر إسمي ....
لا تلهيكم الروايه عن الصلاه
»«
«»
»«

البارت الاول

**
**
**
**
**

بنرفزه طالع أمه : قلت لك ما أبيها
أمه بقهر منه طالعته وهو مكتف يدينه : وبعدين معك أمها كل ما تشوفني تقول تقدم لها فلان وعلان
ولا تنسى البنت ما يعيبها شيء ذكيه وحلوه وتذكر تراها ابنة عمك !
وأصغر منك بسنه تدرس سنه اولى تخصص هندسه
قاطعها بجعرفه وهو يرجع شعره للخلف : سألت عنها تقديرها بالجامعه مو
ذاك الزود وبعدين أنا قلت لك ما ابغى وحده تقرب لي
تأففت أمه : صدق ابوك لما قال ندور لك عروس من الحين علشان نحيرها لك لوقت ما تتخرج بس الظاهر رح تصك الاربعين وما رح تلاقي وتركت الصاله وطلعت وهي مفوره
من العصبيه
طالعته أسيل وهي رافعه حاجب وتناظره بنص عين : ما أدري ليه مستعجلين بعدك صغير
و تراك زودتها بطلباتك
احسن شيء روح على الخياط وفصل تفصيل
أحسن لك
لانك مستحيل تلاقي
طالعها بغرور : والله هذي حياة لطول العمر
مو يوم ويومين
والمسأله يبغى لها روقان وتفكير
انا اخطط للمستقبل مو نلعب قاعدين
وشروطي للي حاطها لازم ألاقيها وما رح اتنازل عن شرط واحد
ناظرته أسيل باستخفاف وهي رافعه حاجب : كل شيء ولا تتنازل يا أخوي
وحركت شفايفها دليل على السخريه
وقف بغروره المعتاد وأعطاها نظره خلتها تعدل
شفايفها وتمحي أثار السخرية وطلع من الصاله
تأففت بعد ما طلع وقلبها للحين يدق بقوه
تخاف من تقلب مزاجه إذا عصب ما يعرف احد
**
**
**
**
**
ركضت باتجاه الباب وركعت وهي تتنفس بسرعه
من اثر الركض
رفعت رأسها وأخذت نفس لما سمعت الباب انفتح
رسمت ابتسامة طفوليه بريئه : وين عيشه ؟!
ناظرتها وهي عافسه ملامحها : مو فاضيه
يلا بسرعه ارجعي لبيتكم
ردت بحماس طفولي : بس عيشه قالت لي بالمدرسه بعد العصر نلعب
وببراءه كملت : وقالت لي عيشه ما رح تكونين إنت موجوده
ناظرت عيون هالطفله للي تلمع ببريق غريب : اسمها عائشه مو عيشه !!
حكت رأسها بطفوله : ايه نسيت
حست نفسها مشمئزه وهي تناظر شعرها : روحي على جدتك خلها تنظف شعرك من هالجيوش
ترى ما لي خلق تعدين عائشه والبنات بالقمل للي معسكر برأسك
ارجعي لجدتك بسرعه
ردت بحماس طفولي : الحين اروح لجدتي أقولها تنظف شعري
وبعدها أرجع ألعب
وغادرت وهي تركض متحمسه
تنهدت وهي تناظرها وقفلت الباب ورجعت للداخل
**
**
**
**
**
دخلت البيت متحمسه وهي تركض باتجاه جدتها للي جالسه بالحوش جلست على ركبها عند جدتها وتكلمت وهي تلهث : يمه خالتي ام سعود قالت لي علشان تنظفين شعري وألعب مع بناتها
مسكتها من اذنها بحزم : مو قلت لك تنظفين المطبخ ؟!
برطمت شفتها بطفوله : نسيت
تركت اذنها : حسبي الله على عدوك
كل عقلك باللعب !،
متى تعقلين ؟!
اذا شفت رجلك معتبه باب البيت احش رجولك
فضحتيني بين هالجيران
حشى شعرك مزرعه للقمل ما في طريقة الا
غطست رأسك فيها
نعبو رأسك من وين تستوردينه ؟!
وبصرخه : انقلعي على المطبخ أشوف
تخصرت بعد ما وقفت وهي ماده بوزها : يعني ما رح تنظفين شعري علشان ألعب ؟!!
مسكت النعال وحذفته عليها بدون ما يصيبها : الحين أراويك كيف تلعبين يا قليلة الحياء
ابتسمت بطفوله وهي تشوف عصبية جدتها وبسرعه توجهت للمطبخ
**
**
**
واقفه عند الشباك وتراقب الباب الرئيسي
عفست ملامحها بخيبه : ماما رجعت !
اسماء وهي مستلقيه على بطنها ورافعه رجلينها وتحركهم يمين يسار وتكتب واجباتها : والله لأقول لأمي عنك
قبل ما تطلع نبهت عليك ما تلعبين بالشارع
عائشه وهي تراقب لعل وعسى امها تطلع للزياره : والله كيفي أبغى اطلع ما لك دخل
لفت بسرعه لما حست شعرها انشد : انا وش قلت لك.؟!
وتخططين كمان متفقه معها لما أطلع للزياره
تلعبين بالشارع ؟!
فتحت عيونها متفاجئه : مين قالك ؟!
وبتذكر : ساره قالت لك!!
اسماء وهي تكمل حل واجباتها بسخريه : قصدك فأره مو ساره
عائشه بدفاع عن صديقتها : حرام تشتمين الناس علشانهم فقراء تشوفين نفسك عليها ؟!
ام سعود زمت شفتيها باستخفاف : عشتو !!
وإلي ما يرد على امه وش نقول له ؟!
عائشه بندم طفولي : آسفه ماما خلاص ما رح اطلع للشارع
ام سعود بتهديد : يا ويلك اذا طلعتي للشارع
إنت وأخواتك المهابيل
اسماء اتربعت : حنا مهابيل ؟!
ام سعود وهي طالعه من الغرفه : يا ويلكم اذا طلعتم !
دخلت نهى الكبيره وهي تناظر امها واقفه عند باب الغرفه : لا تخافي يمه ما رح أخليهن يطلعن للحوش
هزت راسها ام سعود واخذت سعود وطلعت من البيت
****
**
**
**
قفلت الجوال وناظرته وهو نازل من الدرج
تكلمت بشماته : عزام يقولك ابوي روح حق
ام سعيد وجيب الطلبيه
وختمت كلامها بابتسامة شماته
ناظرها بعصبية : وش قصدك من هالابتسامه ؟!
بلعت اسيل ريقها بخوف : ولا شيء
وباعتراض : اتصلي فيه وقولي له مو فاضي
الحين
المغرب امرهم
بتردد خافت يهب بوجهها : بس قال الحين يروح يجيب
قاطعها بغضب : خلاص قفلي حلقك
وتركها وطلع
مطت شفتها بقرف شايف نفسه بقوه
بس يستاهل تعرفه ما يحب احد يطلب منه
طلبات
يحب يشتغل بكيفه
**
**
**
**
دخلت تركض وفتحت الباب بكل قوه
وقفت وهي تلهث : نهى
السيارة السوداء رح تيجي بعد شوي
نهى وقفت وهي تحط يدها على فمها : اسكتي لو كانت أمي كان فضحتينا
وبعدين وش أعمل لها ؟!
عائشه بطفوله : مو انت قلت لي لما تيجي السياره أخبرك
نهى بتصريف : علشان اشوف السياره يعجبني لونها
خلاص انقلعي برا
كشت عليها عائشه وطلعت من الغرفه
اسماء قفلت الدفتر : قومي نشوفه
نهى سحبت كتاب وتوجهت خارج الغرفه : بسرعه قبل ما يروح
**
**
**
**
نزل من السياره وطرق الباب ناظر للبيت الملاصق وهو يبتسم على البنت ماسكه الكتاب بيدها والكتاب مقلوب
وجالسه تناظره
دوم يشوفها لما ييجي
ما ينكر جمالها بالرغم من صغرها توقع انها معجبه فيه
بس غروره ما يسمح يناظر من هذي الطبقه
فتحت ام السعيد الباب : حياك الله يا وليدي
عزام عفس ملامحه وناظرها بفوقيه : مستعجل
دخلت ام سعيد وهي تستعجل حفيدتها بالاغراض
نزل عزام نظره على طفله مرتبه وملامحها حلوه : لو سمحت ؟
رد بهدوء : نعم ؟!
عائشه بتفكير طفولي : كم اشتريت سيارتك ؟!
عقد حواجبه باستغراب : ليه تسألين ؟!
عائشه ببراءه : أبغى اشتري مثلها لأختي لما أكبر
اشرت على نهى هذي اختي تحب سيارتك
تحب تشوفها لما تيجي هنا
وتقول لي إذا جاءت السياره أناديها
هز رأسه والحين عرف السبب دوم لما ييجي
تكون جالسه عند باب بيتهم وهو ظن انها معجبه فيه
استخف افكاره بعدها صغيره ما يتوقع تعرف هذي الامور وبفضول سأل بهدوء : اختك بأي صف ؟!
عائشه حكت راسها : اولى اعدادي
هز راسها وتأكد انها صغيره وما تفهم بهذي الامور بس غروره صور له انها من المعجبات
طلعت معجبة بالسياره وبنفسه صدق بنت فقر
أخذ الجبنه واللبنه من سارة وتوجه للسيارة
بدون ما يناظر جهة نهى
وغادر الحاره بهدوء
قفلت نهى الكتاب وناظرت اسماء بخيبه : راح
اسماء وهي تناظر حولها : ادخلي بسرعه قبل ما تيجي أمي
هزت راسها وبسرعه دخلوا البيت
**
**
**
**
**
تلعب مع عائشه بالحوش ومستمتعه معها باللعب
نهى بتحذير جالسه على الكرسي وتناظرهم : أنا نبهتك يا عائشه ترى امي إذا رجعت وشافت ساره هنا يا ويلك
عائشه تتابع اللعب بدون مبالاه: ما يخصك !
اسماء وهي تلعب معهن الطوف : خلاص نقول لها جاءت لنا ودخلت غصب عنا وطردناها ورفضت ترجع لبيتهم
عائشه تخصرت باعتراض : انا ما أكذب !
رح اقول لها انا احب ساره وابغى ألعب معها
وناظرت ساره : صح يا ساره ؟!
ابتسمت ساره ببراءة وهزت راسها بالموافقه
نهى بتوعد : خلي حبك ينفعك يا عشعش
طنشتها عائشه وهي تلعب
قاطع لعبهم دخول ام سعود ناظرتهن بتوعد لما شافت ساره
ودخلت للبيت بدلت ملابسها
وطلعت للحوش : يلا يا بنات نبغى نتعشى
عائشه ناظرت امها بتكذيب : بس حنا ما نتعشى الحين !!
ام سعود خزتها بعيونها بتوعد : كيفي الحين نبغى نتعشى
وناظرت ساره : يلا روحي عند جدتك الحين
تلاقينها تدورك
عائشه وهي تحضن ساره : لا أنا عزمتها على العشاء
ام سعود ضغطها وصل الف وهي تشوفها حاطه راسها براس ساره
تقدمت وهي تناظر عائشه بتوعد وأبعدتها عن ساره : يلا ارجعي بيتكم يا ساره مره ثانية تتعشين عندنا
هزت ساره راسها بابتسامة وتوجهت خارج البيت تركض
قفلت ام سعود باب الحوش بالمفتاح حتى ما ترجع ساره ودخلت
البيت وهي ناويه على عائشه
عائشه طلعت من المطبخ وهي مختصره: ماما تكذبين ما في اكل بالمطبخ ؟!
ام سعود اقتربت منها بصوت حنون : جيعانه يا ماما ؟!
هزت راسها عائشه رأسها بطفوله وهي تتكتف
مسكتها ام سعود من يدها وخلعت نعالها ونزلت فيها ضرب : كم مره قلت لك ابعدي راسك عن هالزفته ؟!
صايره حاتم الطائي بالكرم !!
وقفت ام سعود عن الضرب ورفعت يدها بتهديد والنعال بيدها : خلي هالحركه تتكرر
عائشه وهي تبكي : لانك بخيله ما تبغين تخلينها تأكل !
فتحت ام سعود عيونها بصدمه من كلامها
هذي للي تبغى تضربها وتخلص عليها لسانها طويل
تقدمت وهي تمثل انها تضربها
وبسرعه هربت عائشه وهي تتحلطم
ابتسمت ام سعود على حركة عائشه
وبعدها ناظرت بحده نهى واسماء : وليه تخلينها تدخل ؟ !
كم مره قلت ما ابغى احد يدخل البيت وانا مو موجوده ؟!
نهى بدفاع :،يمه عائشه دخلتها
وانت تعرفين هالساره لزقه
ام سعود بحزم : ما ابغى هالحركه تتكرر
مو فاتح الحوش منتزه
اسماء عفست ملامحها : ان شاء الله
قاطعتهم عائشه رجعت للصاله وهي تمسح دموعها : والله لألعب مع ساره هذي صديقتي
وأحبها
ضحكت أم سعود بداخلها على حركتها
بس حاولت تخفي ابتسامتها صرخت عليها بتمثيل : عائشه
ونهضت ام سعود نفسها بتمثيل لضربها
وسرعان ما هربت مره ثانية للغرفه
**
**
**
**
طلعت من بيت ام سعود وصارت تمشي بخطوات بطيئه
رفعت نظرها للسماء والشمس بدأت بالغروب
امنيتها تكون عندها اخت مثل عائشه تلعب معها طول الوقت !
وقفت باب بيتهم حطت يدها على بطنها
وهي تشعر بالجوع
بلعت ريقها وهي تتمنى لو رضيت ام سعود
تتعشى
عندهم !
وش رح ينقصهم لو تعشت عندهم ؟!
فتحت الباب بهدوء وقفلته خلفها بهدوء
وهي تتذكر اليوم ما اكلت الا على الفطور لبن
جدتها صايمه اليوم الخميس
وما عملت غداء
دخلت على جدتها وهي تناظر جدران البيت القديم عكس بيت عائشه حلو ومرتب
قاطع نظراتها ام سعيد : بسرعه جهزي معي الفطور
ما في وقت عن الاذان
بابتسامه لا تغادر شفتها دائما : ان شاء الله
دخلت اسم يطلق عليه مطبخ
ناظرت الفطور زيت و زيتون ولبنه وجبنه
بلعت ريقها وهي تتخيل سفره بيت ابو سعود اكيد كل ما تشتهي النفس موجود
تنهدت واخذت الصينيه وحطتها قدام جدتها
ورجعت تجيب الشاهي
حطته وناظرت جدتها جالسه تدعي وهي رافعه يدينها
نادت جدتها تقول لها تدعي ربنا يرزقهم فلوس علشان تأكل دجاج ولحمه : يمه
اشرت لها بيدها تسكت حتى تكمل دعاء
قطع دعاء الجده الاذان
شربت الجده كوب المويه وسمت بالله وبدأت
تفطر
وساره تأكل بهدوء
ناظرت جدتها بنظره محرومه: ليه
ما نطبخ دجاج..
قاطعتها الجده بحده : قولي الحمد لله
غيرك مو ملاقي هاللقمه !
وانت تتكبرين على رزق الله !
هزت راسها بالنفي : مو قصدي بس يعني تنويع
خزتها ام سعيد : قاعده على بنك علشان هالتنويع
اقول كملي اكل بلا كثره حكي
ابتسمت بألم وتابعت اكلها بصمت
وهي تتخيل عائشه قاعده تتعشى افضل انواع الاكل
**
**
**
**
دخل البيت قرفان حاله من هالدوام رمى نفسه على الكنبه بعد ما رد السلام
سلموا عليه البنات بهدوء وسعود بحضنه
ابو سعود بقرف : مليت هالدوام قرفت هالتدريس !
ام سعود وهي تمد له القهوه : ان شاء الله
يطلع لك نقل هنا وترتاح
عائشه ببراءه: انت يا بابا تتدلع كثير
معلمتي لما تدرسنا ما تتعب
لانه ما في شيء يتعب بس انت تتدلع !
نهض نفسه وناظرها وهو عافس ملامحه : اقول بلا كثره حكي
وقلدها بسخريه «تتدلع»
ام سعود بشبح ابتسامه وبنفسها صادقه عائشه : العشاء جاهز
ابو سعود خزها : اشوف عاجبك كلام هالملسونه ؟!
ام سعود ببراءه اشرت على نفسها ببراءه : أنا ؟!
نهى تقاطعهم بضجر : يلا جوعانين
ام سعود وقفت :،يلا العشاء جاهز
بسرعه غسلوا يدينكم وتعالوا
**
**
**
في اليوم الثاني
ام سعيد بصراخ : ساره يا ساره
عفست ملامحها بنعس وتوجهت للحمام غسلت وجهها وطلعت لجدتها :،صباح الخير
ام سعيد : وين الخير الساعه 6.30 وبعدك نايمه
ساره وهي تفرك عيونها : يا يمه اليوم عطله
ام سعيد وهي تشتغل : بلا عطله بلا بطيخ
الحين مرزوق يمر ويجيب الحليب
هزت راسها بطاعه وتوجهت للباب لما سمعت صوت الهرن
فتحت الباب وابتسمت لما سمعته يقول بصوته الغليظ : بسم الله الرحمن الرحيم
حملت معه الحليب للداخل
مرزوق يكلم ام سعيد : ترى عجلي بالجبنه
ام سعيد باعتراض:،حنا للي نتعب فيهم وتعطيني اجره قليله ؟!
زيد شوي..
قاطعها بحزم : ولا ازيد فلس واحد
لا تنسين انا اشتري الحليب وادبر زبائن
بس انت تأخذين اجره يدك
على وش أزيدك ؟!
مو معجبك الحين أرجع الحليب وأشوف وحده
قاطعته بقهر : خلاص اسكت
طلع من البيت وام سعيد تدعي على طمعه وجشعه
ما يعطيها أجرتها إلا بالقطاره
وعندها إلتزامات من وين تجيب ؟!
ابتسمت بألم وهي تشوف ساره متحمسه بالشغل
علشان تكمل بسرعه وتروح تلعب
**
**
**
على الفطور مجتمعين ابو عزام غمض عيونه للحظات : يا سلااااام
بحياتي ما ذقت اطيب من هاللبن
ام عزام بتأييد : حتى الجبنه ما شاء الله
وناظرت عزام : ذوق يا عزام صدقني رح يعجبك
عزام عفس ملامحه بقرف وصد بوجهه : ما احبه
اسيل رفعت حاجب بتكذيب : صورتك للي منزلها على صفحتك بالنت وانت تفطر مع خالي
وحاط اللبنه بحلقك كيف صارت ذي ؟!
رد باختصار : ما يخصك
وناظر ابوه للي يكلمه: وش صار على موضوع ابنة عمك ؟!
عزام بهدوء ناظر ابوه : بصراحه مو ناوي الحين اخطب
عالاقل اكمل البكالوريوس وما اقدر احيرها طول هالفتره
وهذي دنيا تتغير
وختم كلامه «الله يوفقها مع غيري »
عفست ام عزام بوزها ما عجبها كلامه وبنظرها هالبنت ما تتعوض
اماابو عزام هز راسه بتفهم : يلا عجل علشان تجهز نفسك لصلاه الجمعه
**
**
**
**
نهى عافسه ملامحها بقهر: متى يطلع بابا لصلاه الجمعه ؟!
اسماء وهي ترتب الغرفه : ليه ؟!
نهى لوت شفتها : نسيتي اليوم مسلسل «.....»
ما بقى عليه الا 5 دقائق
اسماء ضربت جبهتها : ناسيه !
وش الحل ؟!
دخلت عائشه باستغراب: ما ادري كيف بابا مدرس تربيه إسلامية!!
نهى واصله حدها ردت من طرف خشومها : ليه ان شاء الله؟!
عائشه باستغراب : تدرون بعده ما لبس !!
تأففت نهى : يا حبيبي
عائشه تكمل : المفروض انه
قاطعتها نهى بعصبية : المفروض تنقلعي من وجهي اشوف !
تركتهم وطلعت عائشه من الغرفه
اسماء صفرت بتعجب : يا لطيف شو فلسفجيه هالبنت !!
مين يصدق إنها بثاني ابتدائي !!
**
**
**
**
طرقت الباب طرقات متتابعه
فتحت ساره الباب وابتسمت لما شافتها
دخلت عائشه بفرح : جهزي حالك بسرعه
بابا رح يأخذنا للمنتزه والالعاب يلا تعالي
ابتسمت ساره بفرح : لحظه اقول لامي
ام سعيد ناظرتهم : وش فيه ؟!
عائشه وهي تمسك يد ساره : طالعين وابغى ساره تروح معنا
ام سعيد ناظرت ساره مستانسه وفرحانه
تنهدت : خلاص روحي
انا طالع لوحده من الحريم لا تتأخرين !
ساره بابتسامة وسيعه : ان شاء الله يمه
طلعت الجده من البيت
عائشه تستعجلها : يلا بسرعه بدلي ملابسك
ساره ناظرت ملابسها وهزت راسها بهدوء
عائشه بابتسامة: انا برا انتظرك بالسياره
طلعت تركض باتجاه السياره
ام سعود وهي تحط الاغراض أشرت لعائشه تركب مع أخواتها
ركبت أم سعود السياره وقبل ما يحرك أبو سعود وقفته عائشه : استنى
ام سعود باستغراب : وش فيه ؟!
عائشه متحمسه : ساره رح تيجي معنا
ابو سعود حرك السياره بسرعه: صدق ما عندك سالفه!!
ام سعود بحده : كم مره قلت لك لا تروحين لها ؟!
ما ردت عائشه وهي تناظر من القزاز الخلفي
ساره وهي تحس بالاحراج من تصرف أمها وأبوها
**
**
**
طلعت من البيت بسرعه علشان تطلع معهم وما تأخرهم
ركضت أسرع لما شافت السياره حركت
اشرت لهم بيدها علشان يشوفونها وتروح معهم
تعبت من الركض وجلست على الرصيف بتعب وهي تناظر السياره بعيده
كان نفسها تروح معهم وتشوف الالعاب !
لامت نفسها أكيد تأخرت عليهم علشان كذا حركوا....
بررت لنفسها انها ما تأخرت بعد ما طلعت
عائشه من عندها
لانها ما لقت شيء جديد تلبسه فطلعت خلف
عائشه
وما تأخرت !
وقفت بهدوء ولفت ادراجها وهي تحس بالخيبه كان نفسها تروح بس وتلعب
مسحت دمعه غصب عنها تسللت من عينها
وقفت عند بيت عائشه ناظرته لدقائق
وعادت بعدها ادراجها للبيت
دخلت البيت فاضي هادي
توجهت للتلفاز شغلته وجلست تتابع افلام الكرتون
بهدوء
استغربت مر وقت وجدتها ما رجعت
بدأ البيت يسوده الظلام
توجهت للاناره وشغلتها تخاف من الظلام
ورجعت مكانها بهدوء تناظر كل شوي الباب
زفرت براحه لما سمعت الباب انفتح
وركضت باتجاه جدتها بفرح : تأخرتي كثير !!
عقدت حواجبها : انت ما رحت مع عائشه ؟!
ساره بخيبه ناظرت جدتها : لا
وابتسمت بفرح : خلاص المره الجايه اروح معهم
علشان خالتي ام سعود ما تزعل اني ما رحت معهم ..
ام سعيد وهي تجلس على الكنبة وبتحقيق : وليه ما رحتي ؟!
ساره هزت كتوفها : طلعت بس ما لحقتهم صاروا متحركين
ركضت خلف السياره وأشرت لهم بس ما سمعوني
أم سعيد طالعت حفيدتها الخبله ما تدري لمتى تبقى كذا وبغضب : يالخبله ما يبغون يأخذونك
هزت راسها بعدم اقتناع : لو كانوا ما يبغون اروح معهم
كان ما قالت لي عيشه !
زمت أم سعيد شفتها بضيق : غبيه
روحي اعملي لي شاهي ترى راسي مصدع
هزت راسها بطاعه : ان شاء الله
قلبها يتقطع على هذي الطفله قلبها طيب
وعلى نياتها
ما تدري كيف رح تواجه هالحياه ..
**
**
**
**
**
يتبع ....

[size=32]يتبع بارت 12
[/size][size=32]

***
***
***
•**

عش يومك

أمس انتهى وغداً لا نملك ضماناً لمجيئه فقط اليوم هو ما نملكه ونملك الإستمتاع به. عش يومك واستفد من تجارب
الماضي من غير أن تعيش مشاكله وهمومه . ثق بخالقك الذى يعطى للطائر رزقه يوما بيوم .
هل سمعت عن طائر يملك حقلاً أو حديقة ؟ ، إنه اليقين بالله والتوكل عليه والثقة بما عنده .الأفضل قادم شريطة أن
تحسن الظن بخالقك ولا تضيع يومك.
)()
)()
()(
()(

**
**
***
تمر الايام واحسها بنفس اللون والطعم
من بعد تلك الصدمه احس فقدت روحي ..ما اشوف شيء جميل بالحياه ....
اتظاهر بالابتسامه وبداخلي حزن قطع قلبي !
مرت الايام بسرعه والحين انا بالايام الاخيره من العده !
العده نعم!!!
الحين انا ساره أرمله الاستاذ هاني !
شعور فقده لا يوصف بالرغم ما عشت معه وما شفته الا للحظات !
بس انكسار فرحتي هذا للي اوجعني !
وكلام الناس ذبحني !
اصبحت نقطة للتشائم !
وكأني أول وحده يموت زوجها بليلة الحفله !
أخذت نفس عميق ....
وذاكرتها ترجع لذاك اليوم !
فرح انقلب لعزاء بلحظه !
طلبت من عمي ابو راكان أقضي العده في بيت اخوي نادر
حتى اهرب من نظرات الشفقه والحزن من حولي !
والاهم حتى اهرب من خالتي وكلامها للي يسم البدن !
أصرت خالتي تروح لنادر وكأنها حالفه يمين ما تتركني لوحدي !
_ ساره يا ساره
زفرت بضيق وانا اسمع صوتها من بعد وفاة هاني وانا ما اطيق اسمع صوتها
مع ذلك مجبوره اكتم ضيقي وما ابين شيء !
طلعت اشوف وش تبغى !
ناظرتها جالسه مع ام هزاع وبهدوء : نعم خالتي !
ام محمد بفوقيه : جددي القهوه !
ام هزاع تناظر ساره بتدقيق : عجلي فيها !
ما رديت عليها ودخلت بس وقفت قريب وانا اسمع كلامهم !
_ وش قلت يا ام هزاع ما بقى شيء على العده وتخلص !
اذا تبغينها لهزا
_ قاطعتها ام هزاع وكأنها ملسوعه : لا لا هذي فالها مو كويس !
اخاف على ولدي يخطبها من هنا ويموت من هنا !
فكينا منها اعوذ بالله من هالطاري !
_ صادقه ما ظنيت احد يتقدم لها بعد هالسالفه !
الناس تخاف !
اخذت نفس عميق والدموع تلمع بعيونها !
خانتني دمعه على خدي نزلت مسحتها !
امسح دموعي لعلها تغسل الوجع للي بداخلي
دخلت 16 من شهر ولقبي بالمجتمع أرمله !
بدأت أجهز القهوه والعبره خانقيتني !
متى تنسى الناس هالسالفه ؟!
والا رح تبقى ملتزقه فيني طول حياتي ؟!
ما ادري وش قلة عقول الناس ؟!
وين الايمان بالقدر ؟!
ربنا كتب له يموت بذاك اليوم ....انا وش دخلني يحطوني السبب بموته !
احس نفسي ضايعه لا مستقبل ولا ماضي !

***
***
•••
•••

حطيت القهوه وانا اراقب خالتي تتكلم بالجوال !
كملت مكالمتها وقفلت الجوال وبفرح تكلمت : نوره حامل !
ابتسمت بألم وانا اهمس : الله يبارك لها فيه !
للحين مجروحه من عزام ...تزوج وما انتظر انتهي من العده !
كان نفسي اشوفه عريس واحضر زواجه !
طلبت منه ينتظرني بس رمى طلبي بعرض الحائط !
بحجة ما يقدر يؤجل الزواج اكثر من كذا !
من لما جيت هنا ما شفت احد منهم ولا احد زارني !
بحجة ما يدخلون بيت نادر !
_ علامك انطرمتي ؟!
ناظرتها وابتسمت مجامله : نعم خالتي !
_ ام هزاع تكلمك !
ناظرتها وانا ماسكه نفسي واتظاهر بالبرود : نعم !
ام هزاع : وش ناويه لما تخلص العده تعملين ؟!
طالعتها وش هالحرمه الملقوفه وبحده : ناوي احفر قبرك وارتاح منك !
ام هزاع بفزع : اعوذ بالله منك يا وجه النحس !
ما استبعد عنك بعد ما دفنتي الرجال وهو بعز شبابه،!
بس وش نقول بحظك النحس،!
ساره طلعت عن سكوتها للحظات : جعل النحس يصيبك انت وعيالك
ام محمد بنظرتها المرعبه : سويييير تكلمي عدل !
استغفرت بداخلي ما لي مزاج اسمع سخافة حديثهن قررت المغادرة
بس جلست وانا اشوف مها داخله !
يا حبي لها !
يمكن للي خفف علي الايام الماضيه الشجار بين خالتي ومها
والردح للي ما ينتهي وكأنك تشوف مسلسل
ونادر ضايع بينهم !!!
مها برفعه حاجب وهي تناظر ام هزاع :ولدك الزفت وش عنده مرابط عند باب بيتنا طول اليوم !
ام هزاع بقهر من ولدها للي متعلق بساره : والله واقف بالشارع !
متى ما سجلوا الشارع بإسمك تعالي اعترضي !
مها بغضب : وقسم بالله لو اشوفه مقرب من البيت الا امسح فيه الارض !
قاطعتها ام محمد : لك داخل الباب اما برا وش دخلك ؟!
مها ترفع اصبعها وبتهديد مباشر : وقسم بالله لو اشوفه مقرب من ساره ما يحصل له خير !
قولي له يترك البنت بحالها وخليه يروح يشوف له شغله احسن له !
ام هزاع تؤشر على ساره بانقراف : ما بقى الا وجه النحس حتى يخطبها ولدي !
اصلا ولدي الف وحده تتمناه !
مو ييجي يراكض خلف الارامل !
وبعدين ولدي انا اتصلت فيه ييجي يوصلني للبيت !
مها وهي تحط شنطتها وبسخريه : اوووه يوصلك !
عاد نسيت انه بيتك بعيد عننا 100 كيلو
وبحده : ترى تطلعين رجلك من الباب تلاقيني الرجل الثانيه على باب بيتكم !
ام هزاع بانسحاب : اعوذ بالله من هاللسان !
ما اقول الا يكون بعونك يا ام محمد !
ناظرت مها وهي تجلس وترمي الشاله بعد ما طلعت ام هزاع وهي تتأفف: اوف حرررر
ابتسمت وانا اشوف خالتي تتمتم بكلام
الظاهر
اختصرت حتى ما تعلق بلسان مها !

**
**
**
**
ام عزام بفرح : الحمد لله
متى تعدي ايام الحمل واشوف حفيدي !
اسيل بغيره : يعني عيالنا مو عاجبينك ؟!
ابو عزام : عيال الولد يختلفون !
غلاتهم ومعزتهم غير !
اسيل بقهر : يا سلاااام !
حرك عزام حواجبه يغيضها !
اسيل كشت عليه : مالت عليك وعلى زوجتك !
نوره بنعومه ضحكت : انا وش دخلني !
ام عزام ابتسمت : كل عيالكم غاليين بس لا تزعلين يا ساره
اوه قصدي اسيل !
اسيل : من وين جبتي ساره !
والله هالدبه مشتاق لها زمان ما شفتها !
سلمان : وش رأيك اخذك لها ؟!
اسيل قرصته بعيونها : يالكذاب !
وبعدين زوجي رافض فكره اني اروح لها !
ام عزام : امي تقول كم يوم وراجعين !
الله يسامحك يا ابو عزام لو تركتني اروح لها !
ابو عزام ونبره صوته فيها غضب : دامه متبري من اهله ولا كأنه يعرفنا !
وحنا بعد ما نعرفه ولا يشرفنا ندخل بيته !
دامك تكلمينها بالجوال انتهينا !
سلمان : سمعت عمتي ام عمار تقول لجدي انه خلف شفط كل الورثة للي طلعت لساره من هاني !
خلاها تعطيه وكاله عامه بكل شيء !
ابو عزام انقهر : هذا مال يتيمه رح ينسأل عنه !
اسيل : أنا سمعت انه ساره سامحه له يؤخذ للي يبغى
سلمان بانفعال : اففف من الغباء للي عايشه فيه !
نوره باستغراب : ما عمري شفتها ساره !!
تشبه عيال عمتي ام محمد ؟!
سلمان ضحك : تعرفين خلف ؟!
فوله وانقسمت نصفين !
رفعت حاجب وبعدها ناظرت اسيل للي تتكلم : لا تردين عليه تراه كذاب !
والله البنت عسل بس ما ادري ليه حظها مايل كذا ؟!

***
***
***
***
جهزت اغراضي وجلست مع سعديه
اليوم راجع بما انها انتهت العده !
سعديه باندماج بنقل الاخبار : ايه انا سمعته يقول لصديقه ما بقى الا هالارمله اتزوجها ؟!
ابتسمت واخفيت معالم الألم وانا اردد بداخلي
صدق المثل «رضينا بالهم والهم ما رضي فينا »
الحين هزاع العطال البطال رافضني ؟!
لأي حد وصلت ؟!
إلي ما يسوى وجالس على اهله عله يرفضني !
اخخخخ من حظي !
متى تبتسم لي الحياه ؟!
لو وافق عبدالله علي كان حالي مو كذا !
حتى ماجد يقولون خطب !
بعده صغير اتوقع عمره 21 !
ويدرس ما ادري كيف خطب ؟!
اتمنى اشوفها للي خطبها ؟!
وش فيها مميز حتى يختارها حسب كلام خالتي ويطلب من اهله يخطوبنها !
حتى زوجة عزام اتمنى اشوفها !
ابغى اشوف للي سلبت عقل عزام وخالتي تقول عنه مجنون نوره !
_ صدق انك ممله
وضربتني على رأسي!
اخخخخ يا مجرمه وش بغيتي،؟
_ طول وقتك سرحانه !
مين اخذ عقلك؟؟؟
العريس وتسهل لقبره !
لا تقولين قاعده بترسمين على الثاني !
ترى انحرك انا بعدني ما شفت ولا خاطب وانت تمسكين الثاني !
ابتسمت مجامله وما رديت لانه كلامها يضيق الخلق !
تابعت ثرثرتها : ما قلت لك !
هزيت راسي بالنفي : لا ما قلتي لي ؟!
_ فرح للي كانت بالشعبه ب يقولون زوجها طلقها ؟!
مسكينه بعدها صغيره ومطلقه !
مثلك بالضبط صغيره وارمله !
بس هي وضعها احسن شوي منك !
على الاقل الناس تخطبها اما انت الناس تنفر منك تخاف على عيالها !
هذا هو طبع سعديه صريحه لحد الوقاحه
تجرحك بالكلام بدون مبالاه كل شيء على لسانها تتكلم فيه بدون ما توزن كلامها !
رديت عليها بجلافه : والله هذا نصيب وربنا قدر موته بذيك اللحظه !
ضربتني على كتفي بمزح : علامك زعلتي ؟ !
انا وش دخلني هذا كلام الناس !
هزيت راسي وانا متأكده ما في بيت بالقريه الا نشرت قصتي عنده ام هزاع وخالتي !
قاطعتنا خالتي وهي تناظر سعدية بقرف : يلا قومي هذا خلف وصل !
***
***
•••
***
في السياره
ما ادري هذا خلف والا استبدلوه خلال فتره العده !
للي يسمع كلامه ما يصدق !
ناظرت خالتي للي تعرض قضيتي وين ما راحت وكأنها حامليتني على ظهرها !!!
_ والحين هذي اختك طاحت بكبدنا،!
ما رح احد يقرب منها !
_ ليه وش ناقصها ؟!
ألف واحد يتمناها !
لا تسمعي كلام هالمريضين لانه كل شيء قضاء وقدر !
ما تدري وين الخير لها !
عسى ان تكرهوا شيئا وهو خير لكم !
ربنا كتب لها الخير بموته !

انا ما أصدق انه للي يتكلم خلف !!
من وين نازله عليه الحكمه !
طالعني بالمرايه : أي شيء تحتاجينه لا يردك لسانك !
انا تحت الخدمه !
لحظه معقول اذني ضاربه وما عدت اسمع واميز الكلام !
ام محمد بهمس غاضب : بعد ما شفطت فلوسها وسرقتهم
قاطع امه بغضب من كلامها وطالعني : ساره انا سرقت فلوسك ؟!
بلعت ريقي من غضبه نظراته تخوف ورديت وانا أشوف نظراته تحثني على الاجابه : لا
انا مسامحك خذ للي تبغى !
نقزت لما إلتفتت علي خالتي بغضب : ايا قليله الاصل انا للي اصرف عليك وتحملتك طول هالسنين وبالاخير تتبرعين بفلوسك لهذا الطماع !
خلف مستانس من اجابتي : الدم ما يصير مي !
وانا اخوها وانت الغريبه !
فأكيد رح تعطيني انا
صدت بوجهها بزعل لجهة الشباك وبقهر تكلمت: الحيه ما تعض بطنها !
لكن يصير خير

الله يكون بعوني عليها دوم خلف يحطني بوجهها وينسحب !
حطيت يدي على قلبي وانا اشوفها تلتفت لي وكأنها بركان : من اليوم ورايح فلس واحد ما اصرف عليك !
وخلي اخوك الحنون يصرف عليك !

وش هالورطه !
ما رح تسكت اليوم ولا رح تتركني بحالي !
استغرب من حالها سمعت انها تملك فلوس كثيره بالبنك والحين حاطه عينها على فلوسي !
صدق بني ادم ما يملي عينه الا التراب !!!
***
***
***
***
***
من البارحه وصلت هنا وانا مرتاحه بشوفة عمي ابو راكان
اذا غبت عنه احس بالحنين يمكن اتخيله مكان ابوي !
علشان كذا أحن له !
او معاملته الحلوه لي هي السبب!
الحين جالسه في بيت عمي ابو راكان بانتظار عزام وزوجته نوره
متشوقه اشوفها !
وقفت وانا اشوف عزام داخل وماسك بيدها !
شوقي لعمي عزام دفعني اتقدم خطوات بلهفه وأسلم عليه بشوق وكأني ما شفته من سنين !
ابتسم لي : اخبارك يا دبه ؟!
ابتسمت من قلب وكأن الروح ردت لي برجوعي هنا : الحمد لله !
ومديت يدي أسلم على نوره وانا فاتح عيوني بصدمه من نعومتها وحلاتها
مدت يدها وسلمت علي ببرود !
حسيتها من النظره الاولى مغروره ومتكبره !
ما ادري يمكن شكلها يوحي كذا ؟!
جلسنا ورجعت عادتي بتوزيع الابتسامات !
ابو راكان بهدوء،: مين للي رجعكم ؟!
رديت بابتسامه : خلف !
ام راكان : علامها ام محمد ما جاءت تسلم !
ابو عزام : المفروض يمه انت تروحين لها !
رديت بهدوء وعيوني تتسارق لنوره : خالتي تعبت البارحه من الطريق والحين نايمه !
جاءت عيني بعين نوره ابتسمت لها بتلقائيه بس تفاجأت لما صدت للجهة الثانيه ؟!
همست لي نسرين : لا تهتمين تراها تغار على عزام من الهواء !
الظاهر انها غارت لاني سلمت على زوجها !
دخل سلمان بعد ما استأذن وعلى طول توجه لي وسلم بس قهرني وهو يقول : هلا بخلف !
لو ماجد هنا كان استانس بشوفتك !
طالعت حولي باستغراب ابحث بعيوني عن ماجد : وين ماجد ؟!
سلمان ضحك بشماته : مسكين بعد الخطوبه سحبه عمي ابو ماجد للبيت !
وحلف عليه ما يدخل بيت جدي الا بعد التخرج !
جلس جنبي سلمان سألته : ليه ؟!
سلمان : بعدين سالفه طويله !
وطالع جده : عمي عبدالله اتصل فيني يقول جوالك مغلق !
احس صار وجهي بالالوان متأكد الحين يناظروني لانه رفضني !
احسها بصمه عار !
حاولت الانشغال واطرقع اصابعي بدون ما ارفع نظري وهم يتكلمون عنه !
للحين متعقده من هذي السالفه !
يا كثر عقدي !
رفعت نظري ولفت انتباهي ابو تالا يناظرني !
احس نفسي ملخبطه وبسرعه استأذنت وطلعت !
**
**
**
**
دخلت البيت وزفرت بضيق وانا اسمع صوت خلف وام عمار صوتهم طالع !
احسهم مثال للاسره الفاشله !
خلف عنيد وعصبي وام عمار عنيده وما تسكت له !
يمكن السبب حسب ما شفته ام عمار !!
لا تظنون اني واقف بصف اخوي !
بس ام عمار دوم بكلامها تحسسه انه اقل منها !
وتهينه بالكلام وتفتخر بأهلها !
اكيد هذا الكلام يهدم ويقطع اوصال الموده والمحبه !
وقفت وانا اشوف ام عمار تردح : بتشوف اذا ما خليت ابوي يربيك !
ويعرفك قدرك !
خلف بكره : انقلعي من وجهي قبل ما ابتلش فيك !
ترى مو رايق لك !
بسرعه انقلعي للبيت جهزي الاكل !
ام عمار : جعلك بالسم للي يهري معدتك ويريحني منك !
وناظرتني : يا حظك ترملتي ؟!
متى ييجي دوري و اترمل ؟!
وطلعت بعد ما ضربت الباب بقوه !
ضايقني كلامها !
مهما كان خلف سيء ببقى أخوي وما احد يطيب له بأهله !
ما أدري هل تضايقت على حال خلف
او لانها ذكرتني بأني ارمله ؟!
جلست وانا اشوف خلف يؤشر لي بالجلوس : تعالي يا ساره ابغاك بسالفه !
جلست وانا اردد بقلبي الله يستر !
بدأ كلامه بمقدمه : شوفي يا ساره ابغى اقولك موضوع بس توعديني يبقى سر بيننا لوقت معين !
هزيت راسي وعقلي يفكر وش هالموضوع : وعد
اخذ نفس عميق وناظرني : الدنيا ما توقف عند نقطه وحده !
لا تفكري انه خلاص بعد وفاه هاني وقفت الحياه !
انت غلطانه !
بعدك صغيره بأول الحياه !
لازم تعيدي التجربه وتخوضي الحياه من جديد !
انا بصراحه خطبك مني واحد
قاطعته بتلقائيه : ما ابغى اتزوج
ناظرني بحده خلتني ابلع لساني وللحظات رجع لكلامه بهدوء : لو هاني كان مكانك وانت للي ربنا اخذ امانتك !
تقنعيني انه ما رح يتزوج من بعدك ؟!
ساره ردي علي انت وضعك الحين صعب !
مو بالسهل احد يخطبك لانك تعرفين عقول الناس المريضه !
تراها فرصه وما تتعوض !
تابع كلامه لما شافني ساكته : انا زوجتك البارحة !
فتحت عيوني باستنكار دوبني البارحه طالعه من العده والحين يزوجني !
تنرفز من نظرتي : لا تناظري كذا !
شوفي هذا الزواج لمصلحتك !
وانت الربحانه من كل الجهات !
اسمعي ونفذي كلامي بدقه
ناظرته بصدمه وانا مو مستوعبه الموضوع !
أكيد عقله ضارب يزوجني بهذي السرعه
**
**
**
مر على خطوبتي أكثر من 3 أشهر
وانا مو مرتاحه !
كيف ابوي يرضى انخطب بذي الطريقه ؟!
كان حلمي اجلس معه ونتفاهم مع بعض قبل الملكه حتى اعرف مدى توافق عقولنا مع بعض !
اما أملك بدون ما اشوف العريس !
بس ملكه والزواج بعد ما اكمل دراسه ؟!
يعني بعد 8 سنوات !
ابوي مو صاحي وش هالشرط ؟!
أي خطوبه تمتد 8 سنوات !
طالعت امي وهي تكلمني !
_ وش فيك يمه سرحانه ؟!
رديت بضيق : مو مرتاحه لموضوع هالخطوبه !!
_ ما تدري وين الخير ؟!
اسماء مستلقيه على الكنبه وتقلب بالجوال : انا سمعت ابوي يبغى يؤجل علشان بأي فرصه يطلقك منه !
عفست ملامحي : يا سلام !
انا شفته علشان اتطلق منه !!
اسماء : يا بختك ابوه عميد الجامعه !!
وبلقافه : للحين يمه ما تبغين تقولين لنا كيف ابوي زوج عائشه وهو رافض فكره زواجها !
مطت امي شفتها بضيق: خلي عنك اللقافه يا اسماء !
يعني كيف زوجها ؟!
وش هالاسئله البايخه ؟!
بصراحه مو داخله راسي هالسالفه كذا فجأة أبوي يقولي ترى اليوم ملكنا بالمحكمه !
اسماء نهضت نفسها وتربعت : الحين ولد العميد يخطب هذي ؟!
وش عرفهم فيها !
و كيف ابوي يقبل يزوج دلوعته لأكره مخلوق على قلبه !
ترى طول الفصل وابوي يشتكي من ماجد !
وما يطيقه !
وفجأه يزوجه ابنته!
ام سعود : يا حظهم بعائشه عاقله ومثقفه وأخلاق وجمال !
اسماء : يا يمه وش عرفهم فيها !
لا تقولين يعرفون ابوي !
خلينا صريحين ترى للي يتعامل معه ويشوف اخلاقه مستحيل يناسبه !
ام سعود بحده : ما تستحين تتكلمين على ابوك كذا ؟ !
وش فيها اخلاق ابوك ؟!
اسماء مطت شفتها : عصبي ويتكلم من رؤوس خشومه !
وبعدين ليه اهل العريس ما شفناهم
ولا احد منهم جاء ؟!
ام سعود بضجر من لقافة اسماء : قلت لك ابوك قال لهم انه عائشه ما تدري وبعدها صغيره وما يبغى يخبرها الحين !
بعد الثانوي يفرجها ربك !
خلاص قفلي الموضوع !
ابتسمت بإحباط على شكل اسماء وهي تتحلطم
كل الطرق للوصول لهذا العريس مقفله بوجهي !
للحين ابوي يظن اني ما ادري !
للصدفه سمعت امي تخبر اخواتي
والا كنت مثل غايب طوشه !
ما ادري عن شيء !

**
**
**
••
بعد يومين
كالعاده ابو راكان بغضب : ولدك هذا متى يترك البنت بحالها ؟!!
كيف يزوجها وحنا ما ندري ؟!
ام محمد ببرود ظاهري وبداخلها تغلي من القهر : علمي علمك ما عرفت الا الحين !
ام راكان : خلاص اترك عيال اخوك بحالهم !
زوجها وش عليك منهم !
ابو راكان قارب على الانفجار : انت متخيله الوضع !
سكت بقهر وطلع من بيت ام محمد
يتمنى يشوف خلف ويفرغ كل قهره فيه !
وقفه ابو تالا : وش صار يبه !
ابو راكان بغضب : تزوجت وراحت مع زوجها !
اخخخخ من هالخلف لمتى يحرك هالبنت مثل الدميه بيده يزوجها على كيفه !
وبغضب اكبر تعرف مين للي تزوجها ؟!
ابو زيد !
ابو تالا بهتت ملامحه من الصدمه وما تكلم !!!
**
**
**
**

يتبع...

[/size]

[size=32]واقفه وصوتها مهزوز بس تتظاهر بالفرح : ما اقدر اتركه !
[/size][size=32] هذا زوجي !
عزام بغضب ماسك قبضة يده ما يضربها : انت غبيه ؟!
كيف توافقين على هالزواج !
هزت كتوفها وش ترد وش تقول او تعترض وخلف مزوجها بدون علمها وكل شيء منتهي !
عزام وهو ماسك اعصابه : امشي معي وباكر تتطلقين منه فاهمه !
اوجعني قلبي ارمله ومطلقه بنفس السنه !
اخذت نفس اجمع قوتي قدام عزام : ما اقدر اتركه مريض يحتاج من يرعاه !
هزها بقوه : ليه هو متزوج ممرضه متنقله !
نزلت عيونها ما عندها القوه تواجه عزام !
وتهديدات خلف قدام عيونها !
وبنبره رجاء لعزام : اتركني عنده ما اقدر اتركه حرام مريض!
طالعها بقهر وبتوعد : مستحيل تبقين على ذمته ولو على جنازتني !
وتركها وغادر المستشفى !
نعم انا بالمستشفى الحين !
مرافقه مع زوجي الجديد !
اخذني خلف له هنا !
عمركم شفتم عروس كذا !
دخلت غرفته وناظرته وزفرت بضيق من ضعف شخصيتي !
أتمنى يكون عندي القوه وما اسكت لخلف !
كيف يزوجني لشايب !
ويحضرني للمستشفى أرافق معه !
ما ادري كم دفع هالشايب مهر لخلف !
اتمنى ألاقي مكان فاضي وافرغ كل الكبت للي بداخلي !
ما ادري عن اقداري وش مكتوب لي !
صديت بوجهي لجهة الباب لما شفته فتح عيونه بضعف !
حاله يبكي الصخر الله يعافينا ويكفينا شر الجلطات !
يا رب ادم علينا نعمة الصحه !
ناظرته وهو يتكلم بضعف : ابغى مويه !
ناولته بهدوء وانا اشوف يدينه ترتجف من الضعف !
دخل الدكتور المشرف على حالته!
وطمنه انه في تحسن !
وباكر رح يخرجونه
بعدها طلع ورجعت وجلست مكاني بملل اندب حظي !
للحين مقهوره من خلف !
تبغون الصراحه ام عمار وقليله عليه !
قهرني كيف يزوجني ويرميني كذا !
وانا كنت حاسه كلامه بالسياره مو لله !
اكيد الحين خالتي فرحانه وتشمت فيني على هالزواج !
بس للي متأكد منه عمي ابو راكان ما رح يسكت لخلف ورح يخلصني من هالورطه !
**
**
**
مسك يد سلمان وبابتسامه ماكره : تعال ابغى أسلم على عمي !
سلمان بقرف : يا اخي فكني !
ما اصدقت اكمل الماده حتى اخلص من وجهه !
تبغاني اروح له برجليني !
يا اخي هالدكتور غثيث !
ماجد : تعال خليني انغص عليه تعرف انه ما يطيقني هههه
مشى خلفه سلمان على مضض
طرق الباب بهدوء وهو يبتسم : يقال اني مؤدب !
دخل لما سمعه يقول : تفضل !
نزل ابو سعود نظارته وعفس ملامحه وهو يشوف ماجد : نعم !
ماجد يستخف دمه : اشتقتلك يا دكتور
قصدي يا عمي !
وبوقاحه جلس على الكنبه!
أبو سعود بغيض : وش تبغى بسرعه تراني مشغول !
ماجد وهو يريح على الكنبة ويؤشر لسلمان : تعال اجلس
وناظر ابو سعود : امممم ابغى قهوه !
ضرب ابو سعود المكتب بيده وبغضب : انت وش تبغى مني ؟!
متى تجوز عن حركاتك الوقحه !
احترم منصب ابوك هنا على الاقل !
فتح عيونه ماجد وهو يمثل الصدمه : علامك عصبت يا عمي !
هذا وانا تارك محاضراتي وجاي اسأل عن خطيبتي !
ارتفع الضغط عند ابو سعود واشر على الباب : اطلع لا بارك الله فيك !
وبتوعد : لو على جثتي ما تزوجتها ولا لمحت لها خيال !
والحين انقلع ولا ابغى اشوف رقعه وجهك يالداشر !
دفه خارج المكتب بغضب وقفل الباب !
طالعه سلمان بشماته : عجبك الحين !
ماجد بكل وقاحة : اهم شيء نكدت عليه !
ولعب حواجبه بانتصار !
سلمان هز راسه باسف : الظاهر انك استخفيت !
وللحين عمي عامل عليك حصار !
ماجد بضيق : شيء يقهر !
وقسم بالله السالفه ما تستاهل !
والله اني مشتاق لجدي ولجدتي !
سلمان بلقافه : ما خبرتك ساره تزوجت! .
ماجد كش عليه : يا سخفك !
سلمان وهو يكتم ضحكته : والله تزوجت بعد ما طلعت من العده
فتح ماجد عيونه بصدمه : صدق ؟؟؟؟
سلمان سحبه : تعال نجلس واعطيك التفاصيل !!
***
***
***
**
**
**
اليوم كتبوا له خروج
مشيت بالممرات وانا اجر العربايه ما أدري وين عياله ؟!
ما أحد زاره من اهله ؟!
تذكرت الاجر بمساعدة هالشايب وربي رح ييسر من يساعدني لما اصير بعمره
ابتسمت لفعل الخير وانا اردد ربي يكتب لي الاجر
وقفت العربايه على جنب وبهدوء : كلمته وابتسمت له وانا أشوف ملامح الحزن بوجهه : دقيقه اصرف الدواء !
اقتربت من الصيدليه
ومديت الوصفه بهدوء وانا عيوني على زوجي وابتسم له وبداخلي ابغى ابكي على حالي وحاله !
صديت برعب لما سمعت الصوت الساخر : عيونك لا يطيروا على الشايب !
احمر وجهي بفشيله وحرج وما رديت مسكت العلاج وقبل ما اغادر رجع تكلم بسخريه جرحتني : الله يرحمه مقدما !
سحبت الدواء وتوجهت للعربايه ودفيتها وانا ماسكه دموعي !
هذا ولد عمي الصيدلاني !
كيف ما انتبهت انه يشتغل هنا !
خبري فيه مسافر !
متى استقر هنا ؟!
وش يبغى يسخر مني !
مو رفضني وانتهى الموضوع !
وقفت عند البوابه الخارجيه والعبره بحلقي ما ادري مين للي رح يرجعنا ؟!
تكلم هالشايب وكأنه فهم سبب وقوفي : انا اتصلت بالسواق يرجعنا
طلعت للمواقف للحظه تمنيت تضربني سياره واموت وارتاح من هالدنيا !
الحين اكيد هزاع وأمه يتشمتون فيني !
مقهوره ابغى اموت وارتاح من الحياه !
**
**
**
**
مر اسبوع على زواجي للي فهمت انه مقاطع عياله وحلف يمين الا يقهرهم ويتزوج ويسجل كل الورث بإسمي !
لا تستغربوا من وين جبت هالمعلومات !
اكيد من الخدم !
للحين وضعه مستقر !
جلست بالصاله متربعه وعيوني على التي في !
استغربت من دخوله المفاجئ وبصراخ؛ وين ابوي ؟!
وصوت من خلفه : عملها وتزوج !
وقسم بالله ليندم ونذبحها قدام عيونه !
وناظروني بغضب: وين زوجته ؟!
انا من الخوف اشرت فوق
وبسرعه توجهوا يبحثون عن زوجته !
متأكده ظنوا اني من الخدم !
نظراتهم تقول كذا ؟!
شفتم فائده اللبس البسيط !
قاعده اهذر وحياتي بخطر !
باين انهم مو ناويين على خير !
وبسرعه توجهت لغرفتي لبست عباتي وطلعت من البيت والرعب تملكني !
لو استفردوا فيني ما اتوقع ابقى على قيد الحياه !
يا روح ما بعدك روح !
وقفت على الشارع وابتعدت ووقفت سيارة اجره !
وقلبي للحين يدق بقوه،!
ناظرت السائق يسألني وين يروح ؟!
حاولت اتذكر الطريق
حسيت كل عقلي طار مو مجمعه حرف !
ولمح بذهني المستشفى للي كان داخل فيه زوجي ويشتغل عزام فيه !!
***
***
•••
***
لي ساعه جالسه بالانتظار انتظر عزام عنده عمليه !
احس بالتوتر وقلبي يدق بقوه مو راضي ينتظم !
معقول ناويين يقتلوني !
حسبي الله كله بسبب خلف رماني وشفط الفلوس !
وانا
سكتت
للحظات لما شفت واحد واقف قدامي !
تجمدت للحظه من الخوف لما صور لي عقلي انهم عيال ابو زيد
و بتلقائية رفعت عيوني بخوف
وبسرعه نزلت نظري !
وانا أسمع كلامه الساخر : الظاهر انه الشايب تعبان !
ما رديت ما ادري وش يحس لما يسخر مني !
يا ليتني ما شفته ولا عرفته !
صادق خلف عيالي عمي الغرور يمشي بعروقهم !
الظاهر مل وقبل ما يروح تكلم بجديه : اذا بغيتي شيء انا موجود !
تنفست براحه بعد ما راح !
وقررت اتوجه اتجول بالمستشفى الظاهر عزام مطول !
وصلت للطوارئ ووقفت على جنب وانا اناظر الناس !
حمدت ربي على نعمة الصحه وانا اشوف المرضى !
فجأة فز قلبي برعب
وانا اشوفهم
والله
نفسهم نفسهم عيال ابو زيد !
ابتعدت عن المكان بسرعه وانا اشوفهم
طلبوا نقاله !
متأكده انه ابو زيد !
وش صار بعد ما طلعت !
لما دخلوا البيت اشكالهم ما كانت تبشر بخير !
فركت يديني برعب وقررت اراقب الوضع من بعيد !
***
***
***
ام محمد حاسه بفقد ساره بالبيت
وقررت تجيب شغاله تسد عن ساره
لانها ما تقدر لشغل البيت والطبخ !
نفسها تعرف كل التفاصيل !
كيف تزوجت ومتى كتبت الكتاب ؟!
اخخخ لو تشوف خلف للي صار ملح وذاب !
لو تعرف وين ساكن زوجها إلا تروح وتمسح فيها الارض !
كيف تستغفلها ؟!
دخلت ام عمار عليها تتفقدها بما انها لوحدها الحين !
وبدأت ام محمد تحقيق : ما سمعت شيء عن ساره ؟!
ام عمار ما حبت تتكلم بهذا الموضوع : الله يوفقها
ام محمد بقهر : عاجبك شغل زوجك بدون علمي !
ام عمار ببرود : والله لما اشتكي منه توقفين معه وتدافعين عنه !
وحطي في بالك ترى ابوي واخواني متحلفين فيه بعد سواد وجهه !
ام محمد ما طاب لها بولدها : تتكلمين وكأنه مو زوجك !
ام عمار بتشفي: خله يلاقي جزاء اعماله !
كيف قلبه طاوعه يزوج اخته الصغيره لواحد شايب مرمي بالمستشفى !
الله يأخذ الفلوس للي بتعمي العيون !
ام محمد بدفاع : هذي جزاء ولدي دبر لها عريس !
انت تعرفين الناس ما رح تقربها !
قاطعتها ام عمار بقهر : ساره مو اول وحده ولا اخر وحده !
ترى سعاد إذا تذكرينها توفى خطيبها والعرسان على بابها ما وقفوا والحين متزوجه ومبسوطه مع زوجها !
ام محمد عفست ملامحها : الحين جايه تغثيني بكلامك !
**
**
**
**

دخل ابو زيد العنايه الحثيثه !
ناظرته من خلف القزاز بحزن على حاله
قررت تشوف عزام اكيد كمل عملياته
خلاص رح ترجع لبيت خالتها مستحيل تجلس دقيقه تخاف يذبحونها عياله !
بعد ما التفتت بلعت ريقها بصدمه وهي تشوف عياله يناظرونها
والشر يطلع من عيونهم : هلا والله !
زيد بحده : خلينا نتفاهم على بلاطه !
قررت اهرب منهم اسلم لي
بس فزعت لما مسك يدي : مو بالسرعه هذي !
اذا ما تبغين نذبحك بدم بارد !
تعالي نتفاهم !
هزيت راسي بالرفض بخوف ما اضمن وين رح يأخذوني !
طلع اوراق من مخبأته : حتى تضمنين سلامتك نبغى تنازل منك على كل حقوقك من ابوي !
ويا دار ما دخلك شر !
وناولني القلم : بسرعه وقعي !
ما املك القوه حتى اوقف بوجههم وما اتنازل عن حقي !
وش ابغى بالفلوس اذا رح يطاردوني طول حياتي !
مسكت القلم بيد ترتجف بس وقفني صوت قوي : وش فيه،؟!
**
**
**
*•
[/size][size=32] انتهى البارت ....ألقاكم يوم الجمعه بإذ ن الله ...دمتم بخير[/size]

[size=32]واقفه وصوتها مهزوز بس تتظاهر بالفرح : ما اقدر اتركه !
[/size][size=32] هذا زوجي !
عزام بغضب ماسك قبضة يده ما يضربها : انت غبيه ؟!
كيف توافقين على هالزواج !
هزت كتوفها وش ترد وش تقول او تعترض وخلف مزوجها بدون علمها وكل شيء منتهي !
عزام وهو ماسك اعصابه : امشي معي وباكر تتطلقين منه فاهمه !
اوجعني قلبي ارمله ومطلقه بنفس السنه !
اخذت نفس اجمع قوتي قدام عزام : ما اقدر اتركه مريض يحتاج من يرعاه !
هزها بقوه : ليه هو متزوج ممرضه متنقله !
نزلت عيونها ما عندها القوه تواجه عزام !
وتهديدات خلف قدام عيونها !
وبنبره رجاء لعزام : اتركني عنده ما اقدر اتركه حرام مريض!
طالعها بقهر وبتوعد : مستحيل تبقين على ذمته ولو على جنازتني !
وتركها وغادر المستشفى !
نعم انا بالمستشفى الحين !
مرافقه مع زوجي الجديد !
اخذني خلف له هنا !
عمركم شفتم عروس كذا !
دخلت غرفته وناظرته وزفرت بضيق من ضعف شخصيتي !
أتمنى يكون عندي القوه وما اسكت لخلف !
كيف يزوجني لشايب !
ويحضرني للمستشفى أرافق معه !
ما ادري كم دفع هالشايب مهر لخلف !
اتمنى ألاقي مكان فاضي وافرغ كل الكبت للي بداخلي !
ما ادري عن اقداري وش مكتوب لي !
صديت بوجهي لجهة الباب لما شفته فتح عيونه بضعف !
حاله يبكي الصخر الله يعافينا ويكفينا شر الجلطات !
يا رب ادم علينا نعمة الصحه !
ناظرته وهو يتكلم بضعف : ابغى مويه !
ناولته بهدوء وانا اشوف يدينه ترتجف من الضعف !
دخل الدكتور المشرف على حالته!
وطمنه انه في تحسن !
وباكر رح يخرجونه
بعدها طلع ورجعت وجلست مكاني بملل اندب حظي !
للحين مقهوره من خلف !
تبغون الصراحه ام عمار وقليله عليه !
قهرني كيف يزوجني ويرميني كذا !
وانا كنت حاسه كلامه بالسياره مو لله !
اكيد الحين خالتي فرحانه وتشمت فيني على هالزواج !
بس للي متأكد منه عمي ابو راكان ما رح يسكت لخلف ورح يخلصني من هالورطه !
**
**
**
مسك يد سلمان وبابتسامه ماكره : تعال ابغى أسلم على عمي !
سلمان بقرف : يا اخي فكني !
ما اصدقت اكمل الماده حتى اخلص من وجهه !
تبغاني اروح له برجليني !
يا اخي هالدكتور غثيث !
ماجد : تعال خليني انغص عليه تعرف انه ما يطيقني هههه
مشى خلفه سلمان على مضض
طرق الباب بهدوء وهو يبتسم : يقال اني مؤدب !
دخل لما سمعه يقول : تفضل !
نزل ابو سعود نظارته وعفس ملامحه وهو يشوف ماجد : نعم !
ماجد يستخف دمه : اشتقتلك يا دكتور
قصدي يا عمي !
وبوقاحه جلس على الكنبه!
أبو سعود بغيض : وش تبغى بسرعه تراني مشغول !
ماجد وهو يريح على الكنبة ويؤشر لسلمان : تعال اجلس
وناظر ابو سعود : امممم ابغى قهوه !
ضرب ابو سعود المكتب بيده وبغضب : انت وش تبغى مني ؟!
متى تجوز عن حركاتك الوقحه !
احترم منصب ابوك هنا على الاقل !
فتح عيونه ماجد وهو يمثل الصدمه : علامك عصبت يا عمي !
هذا وانا تارك محاضراتي وجاي اسأل عن خطيبتي !
ارتفع الضغط عند ابو سعود واشر على الباب : اطلع لا بارك الله فيك !
وبتوعد : لو على جثتي ما تزوجتها ولا لمحت لها خيال !
والحين انقلع ولا ابغى اشوف رقعه وجهك يالداشر !
دفه خارج المكتب بغضب وقفل الباب !
طالعه سلمان بشماته : عجبك الحين !
ماجد بكل وقاحة : اهم شيء نكدت عليه !
ولعب حواجبه بانتصار !
سلمان هز راسه باسف : الظاهر انك استخفيت !
وللحين عمي عامل عليك حصار !
ماجد بضيق : شيء يقهر !
وقسم بالله السالفه ما تستاهل !
والله اني مشتاق لجدي ولجدتي !
سلمان بلقافه : ما خبرتك ساره تزوجت! .
ماجد كش عليه : يا سخفك !
سلمان وهو يكتم ضحكته : والله تزوجت بعد ما طلعت من العده
فتح ماجد عيونه بصدمه : صدق ؟؟؟؟
سلمان سحبه : تعال نجلس واعطيك التفاصيل !!
***
***
***
**
**
**
اليوم كتبوا له خروج
مشيت بالممرات وانا اجر العربايه ما أدري وين عياله ؟!
ما أحد زاره من اهله ؟!
تذكرت الاجر بمساعدة هالشايب وربي رح ييسر من يساعدني لما اصير بعمره
ابتسمت لفعل الخير وانا اردد ربي يكتب لي الاجر
وقفت العربايه على جنب وبهدوء : كلمته وابتسمت له وانا أشوف ملامح الحزن بوجهه : دقيقه اصرف الدواء !
اقتربت من الصيدليه
ومديت الوصفه بهدوء وانا عيوني على زوجي وابتسم له وبداخلي ابغى ابكي على حالي وحاله !
صديت برعب لما سمعت الصوت الساخر : عيونك لا يطيروا على الشايب !
احمر وجهي بفشيله وحرج وما رديت مسكت العلاج وقبل ما اغادر رجع تكلم بسخريه جرحتني : الله يرحمه مقدما !
سحبت الدواء وتوجهت للعربايه ودفيتها وانا ماسكه دموعي !
هذا ولد عمي الصيدلاني !
كيف ما انتبهت انه يشتغل هنا !
خبري فيه مسافر !
متى استقر هنا ؟!
وش يبغى يسخر مني !
مو رفضني وانتهى الموضوع !
وقفت عند البوابه الخارجيه والعبره بحلقي ما ادري مين للي رح يرجعنا ؟!
تكلم هالشايب وكأنه فهم سبب وقوفي : انا اتصلت بالسواق يرجعنا
طلعت للمواقف للحظه تمنيت تضربني سياره واموت وارتاح من هالدنيا !
الحين اكيد هزاع وأمه يتشمتون فيني !
مقهوره ابغى اموت وارتاح من الحياه !
**
**
**
**
مر اسبوع على زواجي للي فهمت انه مقاطع عياله وحلف يمين الا يقهرهم ويتزوج ويسجل كل الورث بإسمي !
لا تستغربوا من وين جبت هالمعلومات !
اكيد من الخدم !
للحين وضعه مستقر !
جلست بالصاله متربعه وعيوني على التي في !
استغربت من دخوله المفاجئ وبصراخ؛ وين ابوي ؟!
وصوت من خلفه : عملها وتزوج !
وقسم بالله ليندم ونذبحها قدام عيونه !
وناظروني بغضب: وين زوجته ؟!
انا من الخوف اشرت فوق
وبسرعه توجهوا يبحثون عن زوجته !
متأكده ظنوا اني من الخدم !
نظراتهم تقول كذا ؟!
شفتم فائده اللبس البسيط !
قاعده اهذر وحياتي بخطر !
باين انهم مو ناويين على خير !
وبسرعه توجهت لغرفتي لبست عباتي وطلعت من البيت والرعب تملكني !
لو استفردوا فيني ما اتوقع ابقى على قيد الحياه !
يا روح ما بعدك روح !
وقفت على الشارع وابتعدت ووقفت سيارة اجره !
وقلبي للحين يدق بقوه،!
ناظرت السائق يسألني وين يروح ؟!
حاولت اتذكر الطريق
حسيت كل عقلي طار مو مجمعه حرف !
ولمح بذهني المستشفى للي كان داخل فيه زوجي ويشتغل عزام فيه !!
***
***
•••
***
لي ساعه جالسه بالانتظار انتظر عزام عنده عمليه !
احس بالتوتر وقلبي يدق بقوه مو راضي ينتظم !
معقول ناويين يقتلوني !
حسبي الله كله بسبب خلف رماني وشفط الفلوس !
وانا
سكتت
للحظات لما شفت واحد واقف قدامي !
تجمدت للحظه من الخوف لما صور لي عقلي انهم عيال ابو زيد
و بتلقائية رفعت عيوني بخوف
وبسرعه نزلت نظري !
وانا أسمع كلامه الساخر : الظاهر انه الشايب تعبان !
ما رديت ما ادري وش يحس لما يسخر مني !
يا ليتني ما شفته ولا عرفته !
صادق خلف عيالي عمي الغرور يمشي بعروقهم !
الظاهر مل وقبل ما يروح تكلم بجديه : اذا بغيتي شيء انا موجود !
تنفست براحه بعد ما راح !
وقررت اتوجه اتجول بالمستشفى الظاهر عزام مطول !
وصلت للطوارئ ووقفت على جنب وانا اناظر الناس !
حمدت ربي على نعمة الصحه وانا اشوف المرضى !
فجأة فز قلبي برعب
وانا اشوفهم
والله
نفسهم نفسهم عيال ابو زيد !
ابتعدت عن المكان بسرعه وانا اشوفهم
طلبوا نقاله !
متأكده انه ابو زيد !
وش صار بعد ما طلعت !
لما دخلوا البيت اشكالهم ما كانت تبشر بخير !
فركت يديني برعب وقررت اراقب الوضع من بعيد !
***
***
***
ام محمد حاسه بفقد ساره بالبيت
وقررت تجيب شغاله تسد عن ساره
لانها ما تقدر لشغل البيت والطبخ !
نفسها تعرف كل التفاصيل !
كيف تزوجت ومتى كتبت الكتاب ؟!
اخخخ لو تشوف خلف للي صار ملح وذاب !
لو تعرف وين ساكن زوجها إلا تروح وتمسح فيها الارض !
كيف تستغفلها ؟!
دخلت ام عمار عليها تتفقدها بما انها لوحدها الحين !
وبدأت ام محمد تحقيق : ما سمعت شيء عن ساره ؟!
ام عمار ما حبت تتكلم بهذا الموضوع : الله يوفقها
ام محمد بقهر : عاجبك شغل زوجك بدون علمي !
ام عمار ببرود : والله لما اشتكي منه توقفين معه وتدافعين عنه !
وحطي في بالك ترى ابوي واخواني متحلفين فيه بعد سواد وجهه !
ام محمد ما طاب لها بولدها : تتكلمين وكأنه مو زوجك !
ام عمار بتشفي: خله يلاقي جزاء اعماله !
كيف قلبه طاوعه يزوج اخته الصغيره لواحد شايب مرمي بالمستشفى !
الله يأخذ الفلوس للي بتعمي العيون !
ام محمد بدفاع : هذي جزاء ولدي دبر لها عريس !
انت تعرفين الناس ما رح تقربها !
قاطعتها ام عمار بقهر : ساره مو اول وحده ولا اخر وحده !
ترى سعاد إذا تذكرينها توفى خطيبها والعرسان على بابها ما وقفوا والحين متزوجه ومبسوطه مع زوجها !
ام محمد عفست ملامحها : الحين جايه تغثيني بكلامك !
**
**
**
**

دخل ابو زيد العنايه الحثيثه !
ناظرته من خلف القزاز بحزن على حاله
قررت تشوف عزام اكيد كمل عملياته
خلاص رح ترجع لبيت خالتها مستحيل تجلس دقيقه تخاف يذبحونها عياله !
بعد ما التفتت بلعت ريقها بصدمه وهي تشوف عياله يناظرونها
والشر يطلع من عيونهم : هلا والله !
زيد بحده : خلينا نتفاهم على بلاطه !
قررت اهرب منهم اسلم لي
بس فزعت لما مسك يدي : مو بالسرعه هذي !
اذا ما تبغين نذبحك بدم بارد !
تعالي نتفاهم !
هزيت راسي بالرفض بخوف ما اضمن وين رح يأخذوني !
طلع اوراق من مخبأته : حتى تضمنين سلامتك نبغى تنازل منك على كل حقوقك من ابوي !
ويا دار ما دخلك شر !
وناولني القلم : بسرعه وقعي !
ما املك القوه حتى اوقف بوجههم وما اتنازل عن حقي !
وش ابغى بالفلوس اذا رح يطاردوني طول حياتي !
مسكت القلم بيد ترتجف بس وقفني صوت قوي : وش فيه،؟!
**
**
**
*•
[/size][size=32] انتهى البارت ....ألقاكم يوم الجمعه بإذ ن الله ...دمتم بخير[/size]

[size=32]السلام عليكم ....اتمنى الجميع بخير ....واشكركم على الردود والمتابعه ....اسعدني تواجدكم دائما....
[/size][size=32]

بسم الله
!!!
!!!
!!!
!!!
!!!

بارت 13

~~
~~~
~~
~~~

ليست كل الاقنعة كذب فبعضها يكون لاخفاء الاحزان.......
""""
""""
""""
""""

دخل ابو زيد العنايه الحثيثه !
ناظرته من خلف القزاز بحزن على حاله
قررت تشوف عزام اكيد كمل عملياته
خلاص رح ترجع لبيت خالتها مستحيل تجلس دقيقه تخاف يذبحونها عياله !
بعد ما التفتت بلعت ريقها بصدمه وهي تشوف عياله يناظرونها
والشر يطلع من عيونهم : هلا والله !
زيد بحده : خلينا نتفاهم على بلاطه !
قررت اهرب منهم اسلم لي
بس فزعت لما مسك يدي : مو بالسرعه هذي !
اذا ما تبغين نذبحك بدم بارد !
تعالي نتفاهم !
هزيت راسي بالرفض بخوف ما اضمن وين رح يأخذوني !
طلع اوراق من مخبأته : حتى تضمنين سلامتك نبغى تنازل منك على كل حقوقك من ابوي !
ويا دار ما دخلك شر !
وناولني القلم : بسرعه وقعي !
ما املك القوه حتى اوقف بوجههم وما اتنازل عن حقي !
وش ابغى بالفلوس اذا رح يطاردوني طول حياتي !
مسكت القلم بيد ترتجف بس وقفني صوت قوي : وش فيه،؟!
التفتت وانا اشوف طوق النجاة
وبسرعه توجهت خلف عزام احتمي فيه منهم !
تقدم زيد والشرار يطلع من عيونه : تعالي وقعي أحسن
قاطعه عزام بحده : نعم ؟!
الظاهر انك مخربط !
زيد وهو يبغى الشر : لا مو مخربط !
تعالي وقعي !
ويا دار ما دخلك شر !
إلتفت لي عزام يبغى يعرف السالفه
خفت يضرون عزام رديت بصوت يرتجف : ما في شيء !
وبسرعه سحبت الورقه ابغى اوقع واخلص من هالسالفه ما ابغى فلوس و لا مشاكل !
سرعان ما انسحبت الورقه من يدي واستقرت بيد
عزام !
تصفحها للحظات وبعدها ناظرنا
ببرود
وخلال ثواني
كانت الاوراق بوجه زيد
ارتدت على الارض !
ناظرت الورق وبعدها ناظرت عيال ابو زيد اشوف رد فعلهم!
طالع عزام عيال ابو زيد بقوة عين: خلي ابوك يرسل ورقة طلاقها وقتها رح نتنازل عن كل شيء !
عزام مسك يدي واعطاهم نظره تحدي !
وهم بالمغادره !
تناول زيد الاوراق من الارض وبوعيد : كلامي ما يتكرر !
ابعدت يد عزام بسرعه وتوجهت
لزيد سحبت الاوراق وهي ترتجف : وين اوقع !
قاطعها صرخه من عزام : ساره !
وقف بطريقه ولد ابو زيد
واستغل الفرصه زيد وبسرعه اشر لها مكان التوقيع
ما إلتفتت له لانها متأكده رح تضعف
اذا ناظرته
وخلال ثواني وقعت على الاوراق
بلعت ريقها لما حرر نفسه عزام و مسكها من يدها بقوه : غبيه !
زيد بابتسامة نصر : كذا شاطره !
والحين تقدرين تجلسين عند البابا وتهتمين فيه !
واعطاها نظره احتقار!
وغادروا بكل برود !
مسك عزام يده لاخر لحظه ما يضربها !
ما تعرف تتصرف ورح تبقى غبيه طول عمرها !
تكلم وهو يشد على أسنانه :-قدامي على البيت !
غمضت عيونها لعلها تستجمع قوتها
لمتى رح تبقى بهذي السلبيه؟!
لازم تعبر عن رأيها
قاطعها عزام بنفاذ صبر : امشي قدامي !
تبخرت قوتها قدام عزام !
ثلاث أشخاص ما تقدر تعارضهم بشيء
_ خلف
_ عزام
_ خالتها
لما شافها واقفه مثل الصنم سحبها بقوه معه !
فتح المصعد واول ما دخلوا صرخ بقوه : وقسم بالله احش رجولك لو أشوفك معتبه باب غرفته !
نزلت نظري ما عندي القوه ارد عليه !
طالعني بقهر من تصرفاتي : نفسي اعرف ليه وقعتي ؟!
ها حقك ليه تتنازلين عنه ؟!
ليه تقبلين الزواج فيه اصلا ؟!
اعطيني بس جواب !
انفتح المصعد وطلعت خلفه وقلبها ما وقف من قوة الدق
توجهت معه للمواقف واشر لها تركب السياره من الخلف
دخلت بخوف وقلبها مقبوض !
خلف لو يدري عنها وش رح يعمل !
عمها ابو راكان أكيد زعلان الحين عليها !
والهم الأكبر خالتها !
كيف تواجهها ؟!
قطع تخوفاتها صوته : اكلمك ليه ما تردين ؟
انخطف لونها لما شافت عبدالله جالس من الامام !
ما حست بوجوده
_ الظاهر تفكرين بحالة زوجك بصراحه يكسر الخاطر !
حست نبره السخريه بكلامه
وكالعاده ابتسمت بإحراج وتوتر شتمت نفسها ما له داعي لهذي الابتسامه
وش تعمل بنفسها غبيه وعبيطه !
دخل عزام معصب وحرك وهو ينافخ
وقلبها يتراقص من الخوف !
عم الصمت في السياره طول الطريق!
**
**
**
**
نزلت من السياره وغمضت عيونها وهي تسمع عزام يتوعد فيها : وقسم بالله اذا سمعت إنك رايحه للزفت
ناظرته ساره وهي تهز راسه بطاعه وتبتسم بتوتر خايفه خالتها تسمع صوته وتشوفها !
وحركت بسرعه باتجاه بيت خلف تهرب من خالتهابس وقفها عزام : وين رايحه؟!
ناظرت بيت خالتها وحطت اصبع الشاهد على فمها وبنظره توسل انه يسكت !
ضحك عبدالله على طريقتها وبلعانه تكلم : تراها خالتي متحلفه فيك !
عزام حزن عليها اشر لها : خلاص روحي !
وبسرعه ركضت بإتجاه بيت خلف
انحرج عزام من ركضها وناظر عمه : ما ادري متى تعقل هالبنت ؟!
تفكر نفسها بزر تركض !
زفر بضيق وتابع كلامه : تدري اني أحزن على حالها !
ضحية طمع وجشع خلف !
قلبها طيب وتفكر كل الناس كذا !
ما تدري إنه الخبث يسري بدم الكثير !
ترضى بالقليل حتى تكمل هالحياه !
ابتسم عزام وهو يشوف عمه متأثر
: الظاهر انك تأثرت!
اكتفى عبدالله بشبح ابتسامه بدون كلام !
**
**
**
من وقت ما دخلت ومسكتها جودي تحقيق
ساره بتأفف : وبعدين !
جودي مقهورة : كيف طاوعتي خلف وتزوجتي هالشايب!
وبعدين ليه هو بالمستشفى ؟!
ساره بضحكه تخفي آلامها وحزنها : انصدم من جمالي واصابته سكته قلبيه !
يقول معقول في احد بهذا الجمال !
ضربتها جودي على فخذها : بدون زناخه!
ليه داخل المستشفى؟!
ساره مطت شفتها بطريقه مضحكه : يا اختي انا وش عرفني ؟!
الظاهر ابوك خربط بدل ما يأخذني لفندق اخذني للمستشفى !
جودي بلقافه: طيب زوجته وين ؟!
ساره بضحك : اتوقع إنها حاجزه بالغرفه للي جنبه !
وضحكت بصوت عالي و هي تقول : تخيلي شكلهم كل واحد بغرفه بالمستشفى
جودي ما اخذت منها لا حق ولا باطل : يعني الحين زوجته بالمستشفى ؟!
هزت ساره كتوفها وهي تضحك : ما ادري عنها !
يمكن عايشه ويمكن ميته !
قرصتها جودي : سخيفه وانا صدقت انها بالمستشفى !
طيب عياله وين ؟!
وش رد فعلهم على هذا الزواج !
تربعت ساره وهي تشبر بيدينها : لو شفتيهم يراكضون خلفي بالمستشفى
وينادوني ماما ماما !
تأثرت جودي : يا حرام يمكن امهم ميته !
وفتحت عيونها باستنكار لما شافت ساره ارتمت على الارض من الضحك !
قاطعتهم ام محمد وهي تردح : ايا قليله الحياء تضحكين بعد سواد وجهك !
ما تستحين صوت ضحكاتك للشارع واصله !
اذا ما ربيتك اليوم واخليك تمشين على الصراط المستقيم !
وقفت ساره بسرعه وهي تعدل ملامح وجهها الضاحكه وبداخلها تردد
اللهم سكنهم مساكنهم !
من وين طلعت لي هالعجوز !
لا وبعد معها عصا !
وبسرعه نقزت فوق الكنبه لما شفتها متوجه لي وناويه تضربني !
ابتسمت براحه لما وقفتها ام عمار يا حبي لها !
ام عمار كانت واقفه قريب وتسمع سوالف ساره
تحسها تمزح وتضحك مع جودي وليان !
اما قدام الكبار تكون هاديه وعاقله !
اضطرت توقف خالتها لما شافتها ناويه تضرب ساره وبقهر من خالتها تكلمت : يا خالتي تراها مو صغيره تضربينها !
ام محمد بصراخ: بعد سواد وجهها تبغيني اسكت !
طالعت خالتي وانا رافع حاجب حسسوني وكأني خاطفه وراجعه !
تابعت ام محمد كلامها : اذا اخوانها تاركينها على راسها تشرد !
انا ما رح اسكت ابدا !
اشرت لها ام عمار تسكت شوي لما رن جوالها
ردت بهدوء وهي تناظر خالتها
لثواني قفلت الخط وناظرت خالتها : ابوي عند الباب يبغى يدخل !
زفرت بقهر ام محمد ما طلعت حرتها للحين : ان شاء الله
بلعت ساره ريقها بإحراج من عمها كيف تكلمه وتناظره بعد هالسالفه !
دخل ابو راكان وخلفه ام راكان !
نزلت ساره عن الكنبه وبتردد اقتربت وسلمت عليهم !
حست عمها سلم عليها بجفاء !
جلست لما اشر لها تجلس وهي خايفه من القادم !
ما تدري وش يبغى منها ؟!
بس اكيد يبغاها تطلب الطلاق !
انتظرته يتكلم وبعد لحظات بدأ يتكلم بكل برود : شوفي يا ساره انا كثير نبهتك ما تمشين وراء خلف لانك انت الخسرانه !
هو يبلع الفلوس وانت الخسرانه !
دوبك دخلت 16 وصرتي ارمله للمره الثانيه !
رفعت نظرها بصدمه وبهتت ملامحها وتردد بداخلها ارمله للمره الثانيه !!
ابو زيد مااااااات !!
**
**
**
**
جالسه بالصاله تناظر من حولها بصمت
ما تنكر ولا دمعه نزلت من عيونها !
لانها متوقعه موت ابو زيد بأي لحظه !
بلعت غصتها وهي تمثل لامبالاه من كلام خالتها وام راكان !!
_ والله سمعت يقولون عمره بالخمسينات مو مريض وصحته مثل الحصان !
صارت مشكله بينه وبين زوجته !
طبعا عياله وقفوا مع امهم ضد أبوهم !
ويقولون حلف الا يقهرهم ويتزوج على امهم !
ام محمد تكمل عن ام راكان : ايه سمعت حتى يقولون مو باين عليه العمر !
ولما خطب هالمنحوسه _ واشرت على ساره _ يقولون ثاني يوم من العقد اصابته جلطه وصار مثل الجثة بالمستشفى !
والله ما ظنيت احد يقربها بعد هالسالفه !
قبرت اثنين !
ما ادري وش النحس عليها !
من يومها منحوسه !
ام راكان ناظرت ساره بحزن على حالها صغيره ومترمله مرتين وبصوت هادي : ان شاء الله ربنا يعوضك
قاطعتها ام محمد : مين هذي المجنونه للي رح تستغني عن ولدها وتزوجه لهذي النحسه!
ام عمار : يا خالتي كل شيء اقدار ربنا كتبها !
كل واحد مكتوب له عمر رح يعيشه !
اميره جالسه من البدايه تناظر ما اعجبها كلام امها واول مره تحس نفسها تبغى تبكي على اختها الصغيره
دوبها ورده فتحت وتترمل مرتين !
واكثر شيء يخليها تبغى تبكي وهي تشوف ساره تناظرهم بلا مبالاه
ولا كأنه الامر يهمها !
متأكده انه ساره مثلها ما تظهر مشاعرها
تكون من الداخل منفجره وفوق هذا تبتسم ولا كأنه صاير شيء وبصوت فيه نبره حنان : وش رأيك يا ساره تيجي عندي
قاطعتها بفزع وغضب ام محمد : لا
وين تأخذينها ؟!
بعدين زوجك مو محرم لها !
ما تخافين تسرق منك زوجك !
وبعدين العده رح تقضيها بالقريه عند نادر !
واليوم العصر نازلين للقريه !
حسمت خالتها امرها وما في مجال للنقاش !
المره الأولى لما توفى هاني كانت تبغى تبعد عن هذا المكان وما تشوف نظرات الشفقه !
اما اليوم ما تبغى تطلع من هنا !
خلاص ملت من حياه التشتت !!
حست قلبها وقف لما شافته دخل والشرار يطلع من عيونه !
متوجه لها وكأنه بركان
بأي لحظه رح ينفجر فيها !
غمضت عيونها ورفعت يدها تغطي وجهها لانه ملامحه تؤكد لها انه ضاربها ضاربها !
وصدق حدسها لما انهال عليها بالضرب ويصرخ بأعلى صوته بالشتائم !
تقدمت ام راكان بفزع وهي تصرخ عليه تحاول تبعده عن ساره
وخلف مستمر بالطق
والكل يجهل سبب ثوران خلف على ساره !
فلتت شيلتها وشدها من شعرها وهو يرفعها لفوق وبصراخ : ليه تنازلتي عن حقوقك لعيال الكلب !
هزها بقوه : ليه يا كلبه !
وقسم بالله لطلع الفلوس من عيونك !
صرخت عليه ام راكان بقهر وهي تشوف ساره تحاول تخلص شعرها من قبضته وعيونها تلمع من الالم: إنت ما تخاف ربك !
ما تفرد عضلاتك الا على هاليتيمه !
اتركها جعل يدينك للكسر !!
وبصرخها من اعماقها: اتركهاااااااااا
خلف للي ما طلع حرته بساره وجكر بخالته زاد العيار ونزل يطق فيها من جديد !
ما فكها منه الا عيال ام عزام خلصوها من هالوحش للي انقض عليه بدون ذنب اقترفته !
ابتعدت خطوات عن خلف لما بعدوه عنها !
وبسرعه عدلت شيلتها وهي تشوف عيال عمها ابو راكان داخلين !
وزادت شياطين خلف لما شافهم !
ولعانه فيهم فك نفسه و رجع هجم على ساره وضربها وطالعهم وهو يصرخ بوجههم: أختي وما احد له دخل !
اذبحها اموتها ما احد له دخل !
ابعد يد عزام عنه بقوه وناظر ساره بتوعد : حسابك بعدين يا حيوانه !
وطلع وهو يناظر عيال عمه بقرف !
تحس بالاحراج الكل يطالعها ويناظرها
اكيد بشفقه
وقع نظرها على خالتها جالسه على الكنبه ومبتسمه وكأنه عاجبه للي صار !
نزلت نظرها من الاحراج وصارت تتأكد انه شعرها مغطى !
وقفت وناظرت جودي وليان يبكون عليها !
اقتربت جودي وهي تتفقد فيها !
ابتسمت ساره وبضحكه : علامك تتفقديني !
تراني ما زلت على قيد الحياه !
وغمزت لها بابتسامه حزينه !
ليان بتأثر : يوجعك شيء !
ساره بمكابره : اصلا ما يوجع !
وقلب وجهها بالالوان وهي تشوف عيال عمها مسلطين نظرهم عليها !
خيم الصمت بالصاله والانظار عليها فقط !
زفر بضيق وسأل وهو يناظر جدته : ليه ضربها ؟!
ام راكان وجعها قلبها من هالموقف : حسبي الله عليه هالطماع !
ضربها لأنها متنازله عن حقوقها لعيال ابو زيد !
هز راسه وطالع اعمامه : ما له داعي وقفتنا هنا !
وخلال ثواني انسحبوا من المكان !
جلست ساره جنب جودي وضحكت على شكل جودي ساحت الكحله : ههههههه
جودي ابتسمت على ضحكتها : تضحكين على شكلي يا دبه !
كله بسببك !
قاطعتها أم محمد : انت ما عندك احساس !
دوبك ماكله طق وجالسه تضحكين !
على الاقل احترمي هالحريم للي جالسات يعزونك !
والا نسيتي اذكرك !
تراه عزاء زوجك الثاني يا عديمة الاحساس !
شوي احترام لزوجك للي دوبهم دفنوه !
ساره طالعتها وابتسمت بتمرد لاول مره : إلي مات الله يرحمه !
ام محمد اكره ما عليها تشوف هالابتسامه امنيتها تشوفها مكسوره مذلوله والابتسامه ما تعرف طريقها وبحقد ردت : والله الواحد صار يخاف يجلس معك من نحاستك !
يا وجه البوم
قاطعتها نوره للي كانت جالسه من البدايه مستمعه : استغفري ربك يا عمتي !
وش هالكلام ؟!
كتمت عبرتها ووقفت وعيونها تنذر بالدموع !
اول مره تشوف احد يضرب اخته بهذي الوحشيه !
ما تلوم ابوها واخوها لما يتعاملون مع خلف باحتقار !
لانه فعلا احقر انسان شافته على الارض !
ام محمد مطت شفتها بسخريه : علامها راحت !
ما كنت ادري انه اخوي عنده بنت حساسه لهذي الدرجه !
ام راكان بضيق : خلاص اسكتي والله وجعني قلبي على هاليتيمه !
يا ليتها بقت عند اهل امها ولا جاءت هنا وضاقت المر بحياتها مع عيالك الفاشلين !
حرام عليكم تراها يتيمه !
شوفي ووجهها كيف انتفخ من ابنك الثور !
بعدها بعمر الزهور دفنتوها وهي عايشه !
بس ما اقول الا حسبي الله
حركت ام محمد شفتها ترد
بس قاطعتها اميره بقهر : خلاص يمه لا ترقعي للزفته خلف !
وقسم بالله اني اخجل من افعاله !
ام محمد بهجوم : انت اخر وحده تتكلمين !
على الاقل خلف اشوفه كل فتره
اما انت يالعاقه
بالشهور ما اشوفك 24 ساعه مسافره!
حتى عيالك ما اذكر ملامحهم !
من سنين ما شفتهم !
هزت اميره رأسها بفقدان امل من امها !
مستحيل تعترف بغلطها !
ام عمار ما تبغى تصير مشكله ثانيه : خلاص قفلوا الموضوع !
وفكونا من المشاكل !
***
***
***
***
***
بعد العصر
راكبه جنب خالتها وتناظر من الشباك
والعبره خانقيتها
احداث اليوم كانت صعبه عليها
وزاد عليها خلف لما طقها !
تتمنى تستفرد بنفسها وتفرغ كل الكمت للي بداخلها !
امنيه بسيطه صعب تحقيقها طول ما خالتها مرافقيتها مثل ظلها !
مسكت دموعها حتى ما تنزل كيف تتحمل كلام خالتها وام هزاع !
ما رح تقدر تتحمل !
تخاف تنهار ويتشمتون فيها !
غمضت عيونها لازم تتغير
ويصير لها شخصيه توقف خلف عند حده !
كافي لهنا !
قلبها طق من اعماله !.
صارت مثل السلعه يتاجر فيها !
حنت لجدتها ام سعيد تتمنى ترجع وتعيش معها
وقابله بعيشه الفقر !
وش فائده الاكل ومحرومه أشياء كثيره !
بس للي محيرها كلام ام راكان « يا ليتها بقت عند اهل امها »
اهل امها ؟!
مين اهل امها ؟!
هي ما تعرف الا جدتها ام سعيد !
معقول ام راكان خربطت ؟!
لازم تسأل عن اهل امها !
بس كيف ومين تسأل؟،
***
***
***
***
ابو راكان بصراخ يكلم بالجوال بعد ما فقد صوابه : وقسم بالله يا خلف لو اسمع انك مقرب من ساره ما يحصل لك طيب .......ايه اعتبره تهديد وإنت تدري اقدر ادمرك ......ايه رح اذلك لاخر يوم .....الخلاصه تترك ساره بحالها ......وقسم بالله لو اسمع انك مزوجها الا ادفنك بيديني ....صدق انك احقر ما شفت بحياتي
وقفل الخط بغضب : اوقح من كذا ما شفت !
ابو عزام بهدوء : وش قالك؟
ابو راكان جلس على الكنبه بغضب : يبغى فلوس علشان ما يقرب من ساره !
شفت احقر من كذا ؟!
ابو ماجد بهدوء : انا اقول ليه ما تزوجها عن طريقك يبه يمكن ترتاح
قاطعه ابو راكان بفقدان امل : مين يقبل يتزوج وحده مترمله مرتين !!
خلينا واقعين لو عندك ولد تزوجه لها ؟!
ابو ماجد بغرور : اكيد لا !
يكفي ماجد الزفت للي خطبت له من ذيك العائله !
ابو راكان : والله عائله ابو سعود ما عليها كلام !
ناس سمعتهم طيبه ومتعلمين !
مو مثل عيال اخوي للي يفشلون !
ابو ماجد بترفع : بس انا كنت راسم له نسرين !
ما رح الاقي احسن من ابنة اخوي ابو عزام !!
ابو عزام : كل شيء نصيب !
مناف رفع اصابعه وهو يؤشر باتجاه اخوه : تراه ولدك مو صاحي ؟!
ويبغاله تربيه من اول وجديد!
ابو ماجد بقهر : هذا للي قهرني والا واحد صاحي ينشر هالاشاعه قدام الدكاتره حتى يقهر دكتوره !
لا والحين طالع لي بسالفه يبغى يشوف خطيبته ويزورها !
لكن حامض على بوزه !
ابو تالا ببرود: طيب افسخ الخطبه
ابو ماجد بحده وحزم : وقسم بالله ما تنفسخ
انا متأكد انه ندمان على خباله بهذي السالفه !
بس خله يتحمل نتائج خباله!
والبنت بعدها صغيره متى ما تخرج
وقتها يصير خير !
ام راكان : يا ولدي إذا ما كان له خاطر بالبنت لا تجبره !
ما ألقى بال لكلام امه للي دوم بصف العيال !!
***
***
***
***
جودي وهي تمسح دموعها : نفسي احس اني مثل باقي البنات عندي اب !
ليه هو قاسي لذي الدرجه!
لهدرجه يكرهنا؟!
نفسي اشوفه يزورني علشان يتطمئن علي !
ليان بضيق : لما يسألني زوجي عنه ليه ما يزورنا ما ادري وش ارقع له!
ام عمار تنهدت : يا ماما يعني من لما تزوجته وعقله كذا ما تغير !
ولا رح ييجي يوم يتغير !
وش اقول للي دفنت نفسي معه ؟!
احمدوا ربكم ازواجكن متفاهمين ومتعلمين !
مو مثلي تزوجت هالهمجي !
انا احمل درجه الدكتوراه ومع ذلك تركتها
حتى ما انحرج اذا احد من زميلاتي عرفت إنه خلف زوجي !
الفرق بيننا كبير !
كان طموحي اتزوج شاب متعلم ومثقف مثلي !
نكمل الحياه بالتفاهم والحب والاحترام !
انهدمت كل احلامي بزواجي منه !
وش اقول لما
سكتت ام عمار وهي تمسح دموعها من جروح الماضي !
جودي بكت على حال امها اول مره تفضفض لهم !
تابعت ام عمار بألم : صرت اختصر التجمعات حتى ما تلتفت لي الانظار
زوجة النصاب!
وقسم بالله قرفت الحياه معه !
والله ما صبرني عليه غيركم !
جبرت نفسي اتحمله علشان اغلى 3 على قلبي
جودي
ليان
عمار
***
***
***
***

***
***
***
***
[/size][size=32] يتبع ...[/size]

حطت الكتاب بضجرمن الدراسه
وقررت تطلع تجلس مع نهى واسماء
طلعت من غرفتهاوابتسمت على كلام نهى للي داهمها : واخيرا طلعتي من معتكف هالدراسه !
اسماء بسخريه : تراك اولى ثانوي !
حسستيني انك ثالث ثانوي !
نهى تتمسخر : تخيلي بعد هالتعب عريس الغفله يمنعها من الدراسه !
جلست عائشه وبابتسامه : يطلع له يعمل للي يبغاه
وانا انفذ كلامه بكل طاعه !
وبنغزه مو مثل بعض ناس ما تيجي الا بالطق !
ولعبت بحواجبها !
اسماء تحرك كف يدها للامام والخلف : يمه يمه جيل بعبع !
على حساب طول وقتك نازله اشعارات
دراستي ودراستي والدكتوره عائشه
قاطعتها نهى بضحكه وهي تضرب فخذ اسماء : تخيلي ترسب
وضحكت بصوت عالي !
عائشه رفعت حاجب بثقه : الحمد لله عارفه نفسي !
اسماء بغيره : مين قدك زوجك يدرس طب !
ما بقى عليه كثير ويتخرج !
مو مثل حظي عامل حاله تاجر وهو من جنبها !
من خساره لخساره
وللي يقهر لما يقول اهم شيء نطلع رأس المال !!
حاشر نفسه بالتجارة بالغصب وهو ما يعرف يجمع رقمين على بعض !
نهى بغيره : على الاقل حظك احسن من حظي !
ما اقول الا مالت علي وعلى حظي متزوجه حمار لا يصد ولا يرد !
عائشه بانتقاد : عيب عليك تتكلمين على زوجك كذا !
لازم يكون فيه احترام بينكم !
نهى بجعرفه : لازم تقلبين وجهك عني !
تراك من صغرك تتفلسفين كثير !
ما احد حاس بمعاناتي !
الاقيها من زوجي الحمار
والا من امه الحربايه !
والا من اخواته الخبيثات !
يا اختي انا عمري ما شفت مثلهن !
قدامك عسل ينقط ومن خلفك
افاعي تنقط سم !
عائشه : حرام تظلمي الناس !
نهى مطت شفتها : اسكتي اسكتي إنت وش عرفك !
ما احد خبر زوجي اني اطلع عالسوق لما ازوركم بدون اذنه غيرهن !
تذكرين لما طلعنا وبالصدفه شفت اخواته بالسوق !
ما لحقت اطلع من السوق الا الزفته متصل يزف فيني ويتحلف !
ووقتها حصلت منه طراق
وعضت على شفتها بقهر كله منهن هال.....
اسماء : اعوذ بالله تعالي قولي لي !
مثل هالحربايه للي عندي ما فيه !
يا كرهي لامه !
على بالها ابوي مزوجني لهم شغاله !
تبغاني اخدمها !
وكتيبة البنات للي عندها وش فايدتهن !
بس انا اسماء !
ودقت على صدرها بفخر
وقفتها عند حدها !
على بالها بنات الناس شغالات عندها !
بس بنت ال ..... كل يوم تعملي مشكله مع زوجي !
منكده علي !
الله يأخذها ويريحني منها !
وقفت عائشه بضجر : اففف قسم بالله للي يجلس معكم يحصل ذنوب
كله شتم وحش بالناس ؟!
مسكت يدها اسماء : خلاص اجلسي
وقبل ما تجلس تكلمت نهى بحماس وهي تناظر اسماء : ما قلتلك ؟!
فوزيه وحماتي مولعه بينهم !
فوزيه عرفت انه حماتي تتكلم عليها !
وتروح لها للبيت وتمسح فيها الارض ! ياه فشت غلي فيها !
حتى بناتها مسحت فيهم الارض وطلعت القديم والجديد وهي تردح لهم !
وانا اناظر واضحك بداخلي !
اسماء بحماس : طيب وفوزيه وش عرفها ؟!
دقت بفخر على صدرها نهى : انا قلت لها حماتي وبناتها يتكلمون عنك كذا وكذا
مع شوي من البهارات من عندي !
هزت راسها عائشه بأسف على حالهن : غيبه، نميمه ،وكذب !
تذكري يا نهى لا يدخل الجنة قتات !
وقررت تتركهن وترجع لدراستها مو ناقصها ذنوب !
**
**
**
**
سعديه من اول ما دخلت مسكتها تحقيق وهي تناظر خدود ساره فيها انتفاخ : لا تقولين لطمتي خدودك علشان هالشايب !
ناظرتها ساره بنص عين : سخيفه !
سعديه بضحكه : لذي الدرجه عز عليك الشايب ولطمتي خدودك !
الله يصلحك ما تدرين انه لطم الخدود حرام !
وبتحقيق : خلف للي ضربك ؟!
ساره ابتسمت بسخريه : لا انا لطمت خدودي من حزني على فراق الشايب !
سعديه ضربتها على راسها : سخيفه !
عفست ملامحها اوجعتها الضربه راسها وشعرها للحين يوجعها من يدين خلف !
سعديه مطت شفتها : يالمجرمه تزوجتي اثنين وانا مو ملاقي احد يناظر خشتي !
لا وللي قاهرني هالهزاع بعده مصمم يخطبك !!
ناظرتها ساره وهي رافعه حاجب بتكذيب : مو قلتي لي انه رافضني ذيك المره !
حكت رأسها بضحكه وهي تفكر كيف ترقع كذبتها الاولى !!
ساره اشرت لها : لا تطلعين كذبه ثانيه !
ما يهمني لا هزاع ولا غيره !
اشبعي فيه !
ادري انك تحومين حوله !
مبارك عليك !
فتحت فمها بصدمه ما توقعت انه ساره كشفتها وبترقيع سريع : مين قالك اصلا !
ما بقى الا هزاع اناظره !
تدرين انه هزاع خطبني 3 مرات ورفضته !
ولما فقد الامل صار يراكض خلفك !
ما تشوفين كيف يناظرني بقهر لاني رفضته !
ساره بتسليك : صادقه !
شهادتك هالقد جالسه تتشرطين !
سعديه رفعت حاجب بحده : وش قصدك ؟!
ساره تنهدت : الحال من بعضه !
على قولتك لو ييجي شايب يخطبنا يا حظنا !
الكل الحين يبغى متعلمه وموظفه وحلوه !
واتوقع حنا نفتقد هالعلامات 3
سعديه تنفش ريشها :يا اختي كل وحده تتكلم عن نفسها !
وبنغزه: انا لو عندي عيال عم كان زمان تزوجت !
ساره انقهرت منها وكأنها تذكرها برفض عبدالله لها
كتمت قهرها وما حبت تجرحها بالكلام !
وقررت تسكت احسن لها !
مو ناقصه جروح للي فيها مكفيها !
تتذكر نظرات ام راكان وبنات خلف ونوره لما كانوا يطلعونها ويبكون!
وهي ما قدرت تبكي على نفسها !
لمتى تكابر وترسم ابتسامه مزيفه !
ذبحها الحنين للماضي !
مشتاقه لجدتها ام سعيد تبغى ترمي نفسها بحضنها وتشكي لها هالحال!
مشتاقه لعائشه صديقة الطفوله!
تمسك يدها وتخبرها بكل شيء اوجعها وجرحها !
تنهدت وهي تناظر سعديه تتكلم بموضوع ثاني ولا كأنه صار بينهم شيء قبل لحظات !
هذي عادتها من طفولتهم!
**
**
**
**
في اليوم الثاني
نادر وهو يمسح على راسها بحنيه وهي حاطه راسها على فخذه : لا تهتمين لكلام الناس !
عيشي حياتك مثل ما تبغين انت وارمي كلام الناس وراء ظهرك !
لأنه باختصار رضى الناس غايه لا تدرك !
ناظرته وابتسمت بألم ودموعها تنذر بالنزول ....نادر اخوها للي ما رح تلاقي احن وارقى منه !
الكل يتكلم عليه وينتقد طريقه حياته !
ومع ذلك طنش الكل وعاش مثل ما يبغى هو ....وما سمح لكلام الناس يتحكم فيه !!
بس هي ضعيفه ألف واحد يتدخل بشؤونها وبنبره ضعيفه : اي حياه تتكلم عنها ؟!
ناظر عيونها اللامعه بالدموع : لا تخلين حياتك تتوقف هنا !
بعدك صغيره وتقدرين تصنعين مستقبلك بيدك !
ردت بنبره متشائمه منكسره : خلف ما ترك لي مستقبل !
مسح بإصبعه دمعه اخذت مجراها على خدها : ليه الدموع يا ابوي !
دفنت وجهها على فخذته وكأنها الكلمه للي فجرت كل الكمت للي بداخلها وبصوتها الناحب : ليه انا ما لي اب مثل باقي البنات !
وين ابوي وين امي !
وين جدتي ام سعيد كلهم تركوتي لخلف وخالتي !
دمروا مستقبلي !
للي بعمري الحياه دوبها فتحت لهم الحياه !
وانا قفلت بوجهي !
يا ليت متت معهم لا عشت دقيقه عند احد !
الكل يتحكم فيني ويمشي حياتي على كيفه !
مسحوا شخصيتي ما اقدر أطالب بحقوقي !
حتى ما أقدر أدافع عن نفسي !
أبلع المر والقهر واسكت وابتسم !
حتى تمشي حياتي !
خلاص تعبت تعبت
ودخلت بنوبة بكاء قويه
مسح على رأسها وهو يسمع شهقاتها !
تتمنى يكون ابوها موجود !
وهو يتمنى طفل يناديه بابا !
كل واحد فيهم يتمنى شيء مستحيل !!!!!
ساره طفله
وعيت على الدنيا لا أب ولا أم !
يتيمه !
لكن خلف ما رحمها !
يتمنى يخفف من آلامها واحزانها !
تنهد الظاهر مكتوب عليها الشقى طول حياتها !
***
***
***
***
قريب المغرب
جالسه بالحوش وتناظر غروب الشمس وتتمنى ما تنتهي ايام العده !
تخاف من مفاجآت خلف !
قلبها مقبوض كل يوم يمر تتمنى انه ما ييجي اليوم للي بعده !
استغربت لما سمعت طرقات على الباب : مين ؟!
_ افتحي انا عمك سلمان !
فتحت الباب وناظرته بنص عين : عمي مره وحده !
سلمان وهو ينفش ريشه : مو عاجبك !
ابتسمت ساره : يقال اني خالتك !
عفس ملامحه بتكبر : تخسين ما بقى الا بزر تكون خالتي !!
ضحكت ساره على تعليقه !
ابتسم على ملامحها : اشوفك مبسوطه !
ودفها للداخل : مطوله وانت لاطعيتني عند الباب ؟!
ساره بفرح لشوفته : وين تحب تجلس؟!
سلمان بسخريه : للي يسمعك يقول من كبر البيت !
تراني اذا جلست هنا رجولي ألاقيهم عند الجيران !
ساره بابتسامة: كأنك تبالغ !
سلمان بلامبالاه جلس على الكرسي للي بالحوش : ما علينا!
المهم اخبارك ؟!
جلست ساره مقابل له : بخير !
طالع حوله باستغراب: وين جدتي وخالي!
_ خالتي عند الجيران ونادر بالبقاله ومها عند صديقتها !
كمل عنها : وانت محبوسه هنا !
وبابتسامه: وضعك ذكرني بماجد !
عمي عامل عليه حصار ممنوع يطلع
من البيت للجامعه ومن الجامعه للبيت !
ساره بتذكر : ما خبرتني كيف خطب ؟! ومتى ؟!
سلمان و هو يخز فيها بمزح : لا تقولين حاطه عينك عليه ؟!
اقولك من الحين ترى الرجال عنده طموح واحلام
وانا ما اقدر ابعد عنه وافقده و يموت !
حتى لو كان مزح جرحها كلامه وكالعاده وضعت قناع لامبالاه وابتسمت وهي تعلق : سخيف !
مين خطب ؟!
سلمان وهو يحك راسه : ابنة دكتور نزل عنده ماده !
وبتذكر : قال لي عزام انه ابوها كان جار لكم
ساره بلهفه : وش اسمه ؟!
وقبل ما يتكلم سألت : ابو سعود ؟!
سلمان عفس ملامحه لذكره : ايه
ساره بلهفه وفرح : اي وحده من بناته ؟!
سلمان عقد حواجبه : انا وش عرفني ؟!
ساره برجاء : بالله بالله اتصل بماجد وشوف وش اسم خطيبته ؟!
لما شاف سلمان لهفتها ما حب يكسر بخاطرها : انتظري اكلمه
طلع جواله واتصل عليه وبعد لحظات وصله صوته : هلا هلا بالمحبوس .....ههههههه ......والله انا بالقريه ........متى ما انتهى الحصار وقتها تعال اعتب علي !
اشرت له ساره يسأل بسرعه !
طيب طيب ماجد ابغى اسألك .....لا عاد بلا ثقل دم ......ايه خطيبتك وش اسمها ؟! ...... هههههه لا ما ابغى اخطبها .......لا انا اسألك ......ما تعرف اسم خطيبتك .....والله انك نكته ........ايه ايه فهمت اصغر وحده
قاطعته ساره بفجعه وهي تصرخ : عيشه عيشه عيشه
طالعها سلمان : وش فيك انجنيتي !
ساره بفرح واخيرا رح تلتقي عائشه : ماجد خاطب صديقتي !
رجع سلمان يتكلم وهو غاسل يده منها : غبيه فرحانه طلعت خطيبتك صديقتك .......ههههه معك حق تتركها دام ساره صديقتها .....تخيل تكون كوبي بيست عن ساره .......ههههه تراك حطيت نفسك بورطه بسبب خبالك ......طيب خلاص انقلع
قفل الخط
وارتفع ضغط سلمان من لقافة ساره
اول مره يشوفها بهذي السعاده ...
قاطعهم دخول مها ناظرته وهي رافعه حاجب !
انحرج سلمان وبسرعه وقف : اخبارك يا خالتي !
مها بهدوء : هلا حياك الله !
وش أخبارك واخبار اهلك !
سلمان : بخير الله يسلمك !
مها : خذ راحتك
واستأذنت ودخلت بهدوء !
رجع جلس سلمان وهو يلتفت حوله ما يبغى احد يسمعه : احسها زوجة خالي نكديه وشريره و
قاطعته ساره : بالعكس حبوبه وت
قطعت كلامها وهي تشوف خالتها داخله
ناظرت سلمان وابتسمت وبداخلها ما في نكديه وشريره غير جدتك !
سلمت ام محمد وبعصبيه ناظرت ساره قبل ما تجلس : قومي جيبي الضيافه !
جالسه وفاتحه حلقك للسوالف!
هذا للي فالحه فيه !
سلمان بهدوء ناظر ساره لما دخلت
وبعدها إلتفت على جدته : راعي مشاعرها
قاطعته بشراسه : خليك بنفسك ولا تتدخل بأمور ما تخصك !
وبعدين ليه جاي هنا ؟!
وما اعطيتني خبر !!!
وامك اليوم اتصلت فيها ما ترد !
قاطعها سلمان بمزح : بإسم الله اكلتيني بقشوري !
وش فيك هبيتي فيني!
ام محمد بصراخ : يا ساره يا زفته !
ساااااره !
طلعت ساره بسرعه : نعم خالتي !
ام محمد بغضب : جهزي اغراضي بسرعه !
ناظرتها ساره باستغراب
وسرعان ما تحركت لما صرخت عليها : تحركي
سلمان عقد حواجبه : وش فيه ؟!!
ام محمد بغضب : ام هزاع الكلبه انا اروايها !
قوم رجعني لبيتي !
تحرم علي هالقريه بعد اليوم !
قوم تحرك خلصني !!
حطت ساره الاغراض لها وعلى رأسها علامة تعجب بس ما قدرت تسآلها لما شافت ملامحها الغاضبه !
وقفت ام محمد وبحزم : من يوم ورايح لا اعرفك ولا تعرفيني !
اخوانك وعمك اولى فيك !
خلاص انا رفعت يدي منك !
وبيتي يتعذرك !
وناظرت سلمان بأمر : قوم بسرعه وصلني !
سلمان انصاع لامرها وهو مو فاهم شيء !
ناظرت ساره زول خالتها وهي طالعه تتحلطم !
مو مصدقه عيونها !
تحس انها سمعت الكلام غلط !
اكيد هي بحلم !
مو قادره تصدق !!!
واخيرا حصلت على الحريه ؟!!!
تبغى تصرخ بأعلى صوتها وتعبر عن مدى فرحتها !
بس الغريب وش صار خلاها تنقلب بهذا الشكل ؟!!!
قفزت بفرح وتوجهت للداخل تناقز من الفرحة وتنادي على مها تخبرها
احلى خبر كانت تنتظره من زمان !
**
**
**
**
خلال دقائق كان الخبر منتشر في بيت ابو راكان !
ما قدر سلمان يسكت حتى يوصل ويذيع هالخبر !
نشر هالخبر على الواتس !
ام عزام مو مصدقه : معقول امي بعد هالسنين تتركها ؟!
طيب وش صار ؟!
ام راكان : ما خبركم سلمان عن السبب !!
نسرين : بس كتب كذا وقال التفاصيل بعدين !
ام راكان براحه : احسن شيء عملته !
فكت هاليتيمه من شرها !
ابو ماجد ولا مره إلتقى بساره عقد حواجبه : الحين هي عند نادر ؟!
عزام بهدوء : ايه عند خالي!
زم شفته بفوقيه : والله لولا اختي ام عمار والا زمان كان طيرتهم من هالمكان !
ونرتاح من خلف وإخوانه !
هالقرابه ما نبغاها ولا يشرفونا !
ام راكان باستخفاف لكلام ولدها : يا ولدي البيت والارض بإسمهم ما يطلعلك تطيرهم !
وبلوم : احترم ام عزام تراهم إخوانها !
ابو ماجد بقرف : لو مكانك زمان تبريت منهم وخاصه هالخلف !
ابو تالا : اذا انت ما تطيقهم تراهم اخوانها !
وش عليك منهم ؟!
ام تالا ناظرته بحده : ما احد طلب منك تكون محامي دفاع عنهم !!
ابو تالا بغضب من نظراتها : وش رأيك أحطك محاسب على كلماتي استأذنك قبل ما اتكلم !
تر
قاطعه عزام : يا عمي اذكر الله !
وفكونا من المشاكل ؟!!
لفت ام تالا وجهها بزعل وهي تعيش حياه رعب من بعد ما مات زوج ساره !
كل ما تقول خلصت منها تطلع لها من جديد !
ما تدري متى تنتهي من هالكابوس ؟!!
**
**
**
**
**
مرت ايام العده وهي تحس براحه كبيره
رحيل خالتها اكبر هم انزاح من حياتها !
وكأن الحياه ابتسمت لها من جديد !
اهم شيء تنام وتصحى بدون ما تسمع صوتها النشاز او كلماتها الجارحه !
بس متخوفه تكون لفتره وبعدها ترجعها !
انتهت العده وهي متحيره وش تعمل ؟!
مرتاحه بالعيشه عند نادر بعيد عن خلف وخالتها !
قررت تطلع اليوم وتمشي بالشارع زمان ما طلعت !
كل يوم كانت سعديه بوجهها تسليها
صحيح تغثها احيانا بكلامها ...بس تسلك لها ما عندها غيرها ....من ذاك اليوم ما شفت أم هزاع
سمعت انها ثاني يوم جاءت لهم للبيت بس مه تكفلت وطردتها ومن يومها
ما رجعت !
نفسها تعرف وش للي صار بين خالتها وام هزاع ؟!!
فتحت باب الحوش وناظرت حولها وهي تحس نفسها مشتاقه تطلع وتركض !
عدلت شيلتها وهي ناويه تلف بالحاره وبعدها تمر على نادر بالبقاله !
تناظر حولها ومبتسمه تحس نفسها خلاص نسيت الماضي وبدأت حياه جديدة !
عبست ملامحها لما وقفها صوته : زمان القمر ما بان !
مطت شفتها ما تطيقه وما تدري وش للي معلقه فيها ؟!
حسب كلام سعديه تقول انه يرسم على ورثتي!
الاخ يفكر انها غنيه ما يدري انها ما تملك فلس واحد !
تكلم وهو يجاريها بالمشي : الظاهر انك طلعتي من العده ؟!
عاد ما قلتي لنا مين الميت الجاي ؟!
انقهرت منه ما احد رح ينسى وبكل كره نطقت : انت الجاي !
ابتسم هزاع بفرحه : يعني موافقه علي !
خلاص باكر نيجي نخطبك رسمي
ونملك و
قاطعهم تصفيق من خلفهم : ما شاء الله !!!
طالعت خلفها وانخطف لونها وهي تناظر .....

يتبع يوم الجمعه بإذن الله ...دمتم بخير

[size=32]السلام عليكم ....اتمنى الجميع يكون بخير ....اشكركم على الردود والمتابعه ....
[/size][size=32] **
***
**
يتبع بارت 13

**
**
**

تناظر حولها ومبتسمه تحس نفسها خلاص نسيت الماضي وبدأت حياه جديدة !
عبست ملامحها لما وقفها صوته : زمان القمر ما بان !
مطت شفتها ما تطيقه وما تدري وش للي معلقه فيها ؟!
حسب كلام سعديه تقول انه يرسم على ورثتي!
الاخ يفكر انها غنيه ما يدري انها ما تملك فلس واحد !
تكلم وهو يجاريها بالمشي : الظاهر انك طلعتي من العده ؟!
عاد ما قلتي لنا مين الميت القادم ؟!
انقهرت منه ما احد رح ينسى وبكل كره نطقت : انت الجاي !
ابتسم هزاع بفرحه : يعني موافقه علي !
خلاص باكر نيجي نخطبك رسمي
ونملك و
قاطعهم تصفيق من خلفهم : ما شاء الله !!!
طالعت خلفها وانخطف لونها وهي تناظرها الحين اكيد رح تفسر على كيفها
وخلال ثواني كان صوتها يلعلع : انت
ما تستحين على وجهك طالعه من العده وقاعده تشبكين خيوطك !
وبالشارع لا فيه خجل ولا حياء!
والا غاب القط إلعب يا فار !
شفتي خالتك تركتك وصرتي تلعبين بذيلك وتطلعين على حقيقتك !
والحين جايه ناويه تذبحين ولدي !
بس حامض على بوزك الحين اتصل بأهلك خلهم يمسكونك عن عيالنا !
وطلعت الجوال ناويه تتصل وبسرعه
تناوله هزاع بهلع : انت انجنيتي يمه ؟!
ام هزاع باصرار : خلهم يجون يشوفنها وهي تواعد الشباب !
هزاع : تبغينهم يذبحوني ؟!
ما احد واقف معها غيري !
رجعت لصوابها اكيد لو اتصلت رح يعرفون انه هزاع واكيد ما رح يرحموه !
وبحده ناظرت ساره : لولا ولدي والا كان خليتهم يشوفون ابنتهم وين داشره
سكتت فجأة لما شافت ساره مسكت حجر من طرف الشارع وبتهديد : وقسم بالله كلمه افلع راسك بالحجر !
ام هزاع تعرف انها ساره شخصيتها ضعيفه وما تقدر تؤذي نمله وبقوه تخصرت لها : إفلعي رأسي اشوف وش رح يطلع منك !!
مسكت وشدت عليه بقهر من نفسها
ضعيفه قلبها ما يطاوعها تؤذي احد
ومع ذلك حصلت الاذى من للي حولها
وبالاخص ام هزاع دوم حاطه ضدها
ما عملت لها شيء ليه تتبلى عليها بالكلام وهي عارفه ابنها مو تاركها بحالها
شدت على الحجر اكثر وغمضت عيونها بقهر ليه الناس ما عندهاضمير فرغت كل قهرها وهي ترم الحجر بعيد بقوه !
فتحت عيونها بخوف على صراخ ام هزاع وهي تشوف الدم ينزل بغزاره
كيف ما تدري !
رجعت للخلف خطوه بخوف لما صرخ عليها هزاع بحقد : والله لاشرب من دمك يا بنت...
وخلال ثواني ركضت هاربه من المكان
وقلبها يدق طبول من الخوف والرعب !
مستحيل تكون هي ؟!
كيف ضربها الحجر ما قصدت تصيبها
كانت تبغى ترميه بعيد !
بس كيف ضرب فيها !
تحس نفسها مفزوعه بعد ما شافت منظر الدم !
قلبها الرهيف ما تحمل هالصوره !
فز على حيله لما شافها بهذا المنظر
وجهها احمر وتبكي وكأنه مصيبه حلت فوق راسها وبخطوات سريعه اقترب منها وسألها برعب : وش فيه ؟!!!!
مها صار لها شيء ؟!!
هزت رأسها بالنفي وجلست بعد ما استنفذ الركض طاقتها !
ما يدري وش فيها !
وش صار حنى يصيبها كذا ؟!
معقول خلف جاء هنا يأخذها ويبغى يزوجها وهربت منه ؟!
وبسرعه سألها : خلف هنا ؟!
ورعب نظرت حولها تبحث عنه !
بالرغم من الموقف ضحك على شكلها المرعوب : انا اسألك خلف جاء ؟!
بلعت ريقها وهزت راسها بالنفي !
وقف نادر بهدوء وتوجه للثلاجه كلع علبة مويه واعطاها تشرب بعد ما فتحها لها : سمي واشربي حتى تهدي شوي !
بعد ما شربت ناظرها حتى تتكلم وتخبره وش صار ؟!
ساره بصوت يرتجف : خبيني !
ابغى اهرب !
قبل ما تيجي الشرطه وتأخذني !
بالله لا تسلمني للشرطه والله ما كان قصدي !
قلبه وقع وش تهذر شرطه وتهرب وبسرعه هزها : وقعتي قلبي وش صاير ؟!
وليه الشرطه تأخذك ؟!
فهميني السالفة ؟!
ساره بتوتر وخوف : مو قصدي بغيت ارمي الحجر بعيد ما ادري كيف وصل ام هزاع وفلع راسها
ورجعت تبكي من جديد !
ضحك نادر : هذي هي السالفه ؟!
وعامله مناحه علشان كذا ؟!
يا ليتك كسرتي رأسها وارتحنا منها !
ساره انقهرت من بروده: الحين ىح يشتكون علي !
يمكن تموت ؟!
والله ما كان قصدي
قاطعها نادر ببرود : يا بنت الحلال روقي قومي اشتري للي بنفسك
وانسي هالسالفه !
ساره اخذت نفس وهي تمسح دموعها براحه بعد كلامه : يعني ما رح يشتكون علي !
نادر بلامبالاه : خلهم يشتكون وقتها توقعين على تعهد وانتهت السالفه !
وابتسم وغمز لها !
ضحكت براحه ما عمرها شافت مثل نادر حتى ما كلف نفسه يسأل عن سبب المشكله !
فرق بينه وبين خلف لو كان خلف موجود كانت بعداد الموتى !
فتحت الثلاجه وطلعت علبه عصير نشف ريقها والسبب ام هزاع نكدت عليها
مع انها كانت رايقه ومبسوطه وتحس بسعاده بداخلها ما تدري عن سببها !!!
ناظرها وابتسم لما شاف ملامح الراحه اكتست وجهها تكلم بصوت حاني : كملي العصير علشان نرجع للبيت !
يمكن مها الحين تحاتيك !
هزت رأسها بطاعه وهي تشرب عصير مثل الاطفال خايفه تخلص العلبه !!
***
***
***
***
في بيت ابو راكان كان الوضع مختلف من شهور !
وقف بقهر من رفض أهله : يبه انا من شهور اقنعك بالموضوع وبإمكاني اتزوجها واحطكم بامر الواقع بس انا ابغى رضاكم
!
ابو راكان بجديه فيها حزم : دام تبغى رضاي ورضى امك شيل الموضوع من راسك !
ام راكان من شهور ودموعها ما تجف خوف على ولدها : اذا لي خاطر عندك يمه فكنا من هالموضوع !
رد بنرفزه : يمه ترانا متعلمين !
مو جهال !
وش هالتطير هذا ؟!
ربنا كتب انه يموت زوجها وش دخل هذا بهذا ؟!
وناظر الموجودين : علامكم يا جماعه كل هذا اقدار مو لذي الدرجه يوصل فينا الجهل !!
ابو راكان يعرف انه كله اقدار بس قلبه ناقز من هالفكره وبنفس الوقت رفضه لاسباب اخرى وهذي المسأله زادت الرفض عنده وبحكمه تكلم : يا ولدي انت متعلم والبنت مو متعلمه فرق بينكم ؟!
باكر عيالك مين يعلمهم ؟!
فكر بمستقبلهم ؟!
تأفف: يا يبه قلت لك انا مستعد اخليها تكمل دراسه تراها بعدها صغيره ورح تدخل جامعه وتتخرج ..
يعني العقبة هذي امسحها
ابو راكان بمعارضه : اقول لك ما تنفعنا
حياتها مختلفه عن حياتنا !
انا لي مكانه بالمجتمع وتصير مناسبات ويلزم حضور زوجات عيالي
تبغى تفشلني !
لو تشوفها لما تجلس على الاكل وكأنها طالعه من مجاعه !
والاكل يوصل للساعد وحول فمها كله اكل !
وحتى مشيتها ولباسها ابد ما يناسبنا !
البنت بريئه وعقلها طفولي ما تناسبك ابدا!
اخذ نفس بمحاوله اقناع اخيره : يبه خذها على بلاطه
انا غير ساره مو متزوج
ابو راكان بنرفزه؟: وش للي اعجبك فيها ؟!
مو رفضتها بالشوفه !!
وش للي تغير الحين !
عبدالله يتكلم بصراحه: انا لما رحت للشوفه وقتها ما ناظرتها ولا كنت ادري عن شكلها او اي شيء يتعلق فيها !
كنت وقتها عندي هدف اتخلص من الموقف للي حطني فيه خلف
وحتى أثبت له اني ما انغصب على شيء !
بعد الرفض شفتها اكثر من مره وقتها حسيت فعلا هي للي تناسبني
انا ما ابغى وحده كبيره
انا ابغاها صغيره امشيها على كيفي،! ابغاها ورده مغمضه وانا اعلمها الصح من الغلط !
وفوق هذا البنت حلوه طويله ونعومه
وبشوشه وهذا اهم شيء !
ما ابغى وحده نكديه تنكد حياتي !
قاطعه ابو تالا بسخريه مبطنه بقهر : طلع الاخ عاشق !
طنشه عبدالله وناظر ابوه : وش قلت يبه ؟!
تنهد ابو راكان : لا تظن يا عبدالله لما اعارض على ساره اني ما احبها ؟! بالعكس والله إنها غاليه علي واعتبرها مثل بناتي !
بس الزواج فيه اسس
قاطعه عبدالله وهو على اعصابه : وش قلت يبه ؟
اتركنا من الاسس !
وانا مستعد اغيرها واخليه
قاطعه ابو ماجد بتكبر : حتى لو تغاضينا عن الفروق بينك وبينها !
تبقى اكبر عقبها وما رح نوافق عليها !
اخوانها !
كيف تقبل يكون عيالك خالهم خلف !
والا ناسي المثل ثلثين الولد لخاله !
والا نادر للي
قاطعه بقهر : لا تنسى تراه متزوج اختنا هالخلف !
وابو عزام اخوال عياله خلف ونادر
قاطعه بتصميم: يختلف الوضع
عيال ابو عزام خلف مو خالهم من ام واب !
ترى للي يربط بينهم الرضاعه بس !
ولا تنس
قاطعه ابو راكان وهو يشوف عبدالله مصمم وما يبغى تكبر السالفه وتصير مشاكل بين عياله وبحزم تكلم : خلاص
مثل ما تبغى يا عبدالله اخطبها !
بس بعدين لا تندم وتتحسف على نسب خلف الي يشرف !
واعطاه نظره عدم رضى !
ام راكان بفجعه : حرام عليكم ولدي صغير ما اقدر فراقه !
مناف تنرفز من امه : وبعدين مع هالسالفه !
حسستوني انها ساره ملك الموت !
استغفر الله !
خله يموت واذا ما لقى احد يرجع !
وش هالتفكير ؟!
كل واحد حر بقراراته اتركوه بحاله !
يقولكم المواصفات للي يبغاها موجوده فيها !
يا عالم افهموا هو للي رح يتزوج مو انتم !
ابو ماجد رفع حاجب : وعلامك معصب !
وقف مناف نفض يدينه بقرف : كلامك يرفع الضغط !
وتركهم وطلع!
ابتسم عبدالله على موقف مناف فش غله فيهم
قهروه طول الفتره واقفين بوجهه !
انمحت ابتسامته وهو يشوف خالته ام محمد داخله و ملامحها تدل على وجود مصيبه !
ما خاب ظنه لما بدأت تشبر بيدينها وتصرخ : جالسين هنا !
وتاركين العالم خلفكم !
وقف أبو راكان ونشف الدم بعروقه من اسلوبها : وش فيه وش صاير ؟!!!!
ام محمد وهي تضرب راسها : يا فضيحتنا !
اقترب ابو عزام وهزها وقلبه يدق بقوه : وش صاير ؟!!!
ام محمد تكمل بنفس الاسلوب المفزع : هذي اخرتنا بناتنا يدخلون السجون !
يا فضيحتنا
قاطعها ابو راكان ما بقى فيه عقل : اقول جعل الثور ينطحك !
وش صاير !
جالسه تولولي مثل البومه !
ناظرته ام محمد بعد ما فشلها بكلامه وبشماته تكلمت : روح شوف ابنة اخوك !
قتلت حرمه من القريه والحين الشرطه تبحث عنها حتى يمسكونها
قاطعها ابو راكان بفزع : وش تقولين ؟!
ام محمد ابتسمت بشماته : هذا للي جاك !
ترى الشرطه مليانه بالقريه تدور عليها !
كل الانظار متسلطه على ام محمد بعد هالاخبار
والصدمه تعتلي ملامحهم !
مستحيل ساره تعملها !
ساره صاحبه القلب الرهيف والرقيق تقتل حرمه ؟!
ما تحب تجرح احد بالكلام كيف تقتل !
اكيد بالموضوع فيه غلط !
وصار إلتباس بالموضوع !
ابو عزام وجهه بهت : طيب ليه تقتلها ؟!
وش السبب ؟!
وكيف قتلتها ؟!
واصلا وين ساره الحين ؟!
ام محمد تبث سمها : يقولون هاربه مع و
قاطعها ابو راكان وهو يطلع من المكان مصدوم !
عقله مو قادر يستوعب انها ساره تقتل !!!!
***
***
***
***
دخلت البيت وابتسمت لما شافت مها واقفه تنتظرهم بالحوش
مها بتوتر : وش صاير ؟
جاء ولد ام هزاع يهدد !
نادر بلا مبالاه : جهزتي الاغراض ؟!
ناظرتهم ساره بضياع مو فاهمه شيء : اغراض ؟!
نادر : نسيت اقول لك انه اليوم رح ننقل من هنا !
مها تعدل كلامه : مو نسينا
بس تعمدنا ما نخبرك
علشان لسانك ما يزل قدام سعديه !
عقدت حواجبها بعدم فهم
طنشها نادر وهو مستعجل : يلا بسرعه خلينا نطلع من الباب الخلفي !
توجهت معهم تأخذ الاغراض وهي مثل الاطرش بالزفه !
مو فاهمه شيء ولا تدري عن شيء !
وين متوجهين ما تدري !!
***
***
***
هزاع بتهديد : والله ما نتنازل عن حقنا!
واذا ما رميتها بالسجن مثل الكلبه ما يكون اسمي هزاع !
طالعه ابو ماجد بفوقيه ولوى بوزه !
عبدالله رفع اصبعه بتهديد : كلمه وحده عن خطيبتي اقص لسانك !
تفهم !.
انقهر هزاع بعد كلام عبدالله
ما امداها تخطب !
وبنغزه لعبدالله : الله يرحمك مقدما !
تقدم عبدالله خطوه وهو ناوي عليه !
بس وقفته يد ابوه واشر له بعيونه يطنشه !
زفر بغضب وما تحرك إحترام لابوه !
عزام بهدوء : كل للي حصلت عليه امك ضربه بسيطه على راسها
وعامل لنا هالعرس وحالتك حاله !
ولا ومشتكي للشرطه !
هزاع بحده : تفكرنا خبل نتنازل عن حقنا !
ابو راكان بهدوء : تعال نجلس ونتفاهم !
هزاع خلال ثواني حسبها بعقله وهز راسه بالموافقه
***
***
***
جالس فوق راس امه ومبسوط : والله الظاهر ابغى ساره كل يوم تفلع راسك !
جحظت عيونها ام هزاع : يا قليل الحياء !
هزاع بفرح : حصلنا مبلغ حلو مقابل هالحجر !
هذي تجاره والا بلاش !
تكلمت بغضب : ليه قالوا لك راسي تجاره !
وافرض اني متت من الضربه !
بضحكه قصيره : وقتها نطلب الديه
ونعيش حياتنا وننبسط ونطلع من هالخرابه للي عايشين فيها !.
ضحك بصوت عالي لما شافت رد فعل امه ومسكت الكآس تبغى تضربه !

***
***
***

ماجد بسخريه : والله ما توقعتها هالساره كذا !
عبدالله ينفخ ريشه : حرم عبدالله قول وفعل !
سلمان بإحباط : يعني يا عمي ما حلي لك الا تتزوج« خلف »
عقد عبدالله حواجبه بعدم فهم !
ماجد بضحكه : قصده ساره !
بس حنا نناديها خلف !
عبدالله بحده لسلمان : تراها خالتك يا قليل الحياء
وناظر عزام للي مستلقي على الكنبه : عاجبك كلام اخوك !
عزام بابتسامه : تراه معه حق !
ضربه بالخداديه: سد حلقك !
قال خلف !
وش جاب الثرى للثريا !
اعتدل عزام بجلسته : ما لقيتوا العروس الضائعه !
عبدالله عفس ملامحه : ما لقيناها !
رحنا لبيت نادر وما احد رد علينا البيت فاضي !!
حتى سألنا عن البقاله بس مقفله !
ماجد بتفكير : وين راح ؟!
سلمان ابتسم : بسيطه هذي !
اتصل بخلف وخبره بموافقة جدي
وانا متأكد رح يطلعهم من تحت الارض !
ابتسم عبدالله لهذي الفكره : صدقت !
الحين اشوفه !
عزام إلتفت على ماجد،: وش صار بالحصار ؟!
ماجد بملل : بس اليوم سمح لي اطلع !
عزام مو مرتاح لخطبه ماجد وبتوجس،: انت تعرف خطيبتك ؟!
ماجد بقهر وحسره : من وين اشوفها ؟!
وابوها المعقد موجود !
وكمل بحماس وهو يعدل جلسته : نفسي ازورها علشان اقهره واطلع المر بحلقه !
عزام وهو يتذكر ايام نهى ما نسي ذاك الموقف مو عاجبه هالنسب : طيب سآلت عن اهل البنت او عالاقل سألت عن البنت ؟!
ماجد باستخفاف : ترى ابوها دكتور دراسات اسلاميه !
وش تتوقع بناته يكونون ؟!
عزام مط شفته وما حب يتكلم ويوقع الشك بقلب ماجد ويمكن البنت تغيرت !
وبتفكير سأل : اي وحده خطبت من البنات ؟!
ماجد رفع حاجب بانتقاد : ليه تسأل ؟!
واردف بالاجابه : الصغيره !
فتح عزام عيونه بفجعه : الصغيره ما غيرها !
و بتعزيه : الله يكون بعونك يا ولد العم !
ناظروه باستغراب : تعرفها !
عزام ابتسم على نظراتهم : اعرفها لما كانت صغيره اعوذ بالله قرده من القرود ولسانها اطول منها !
هز ماجد راسه بإحباط : ما ادري وش هالورطه للي ورطت نفسي فيها !
وبرجاء ناظر عزام : كلم ابوي يمكن يغير رأيه ونفسخ الخطبه !
عزام بشماته : من هالحال وازفت ان شاء الله !
طالعه بحقد : من يومك لئيم !
وسكت وهو يشوف عبدالله يكلم بالجوال ومعصب : مو على كيفك !.....والله .....قلت لك نفس الاتفاق وكل شروطك رح انفذها .... طيب كيف باكر وحنا ما ندري عن مكانهم ؟! ..... طيب طيب يصير خير .....مع السلامه
قفل الخط وتفل وكأنه خلف قدامه : الله يأخذك يا كلب !
يبى يذلني !
عزام بضحكه : كنسل الموضوع وانت الربحان !
رمقه عبدالله بقرف وجلس : تفكرني مثلك ومثل اعمامك وولد خالي !
ترى افكاركم هذي اخر اهتمامي !
جمال المراه لما تجلس بالبيت وتهتم بزوجها وعيالها مو طول وقتها دايره بشغلها !
عزام ابتسم : حرام تشبهنا بوليد !
عبدالله بسخريه : ولا رح اشوف مثله
يبغى يتزوج 4 حريم
وحده دكتوره والثانيه مهندسه والثالثه دكتوره بالجامعه والرابعه صيدلانيه !
عليه افكار غريبه !
عزام : يعني حنا وسط مو مثل طلبات وليد
ولا مثلك !
حنا نبغاها متعلمه فهم
قاطعه عبدالله بقرف : خلاص تراك غثيتني !
وانت بالجامعه واخوي يبغى زوجك
وطول هالسنين ما لقيت وحده تعجبك !
غير نوره !
مالت عليك وعليها
رافعه خشمها وشايفه حالها كا ادري على وش
قاطعه ماجد : تراك تتكلم على خالتي ما اسمح لك !
عزام اشر لماجد : اتركه هذا من غيرته
ما لقى دكتوره تناظره
وابتسم وهو يحرك حواجبه
ماجد بسخريه : وش يبغى بالدكتوره وساره معها شهاده المتوسط وضحك بصوت عالي !
ناظره عبدالله باستياء هذي الأمور ما تهمه !
اهم شيء يملك على ساره ما يدري ليه دخلت قلبه وما يبغى غيره !
***
***
***
في اليوم الثاني
دخل وهو رافع خشومه وبعجله تكلم: يا اخي انت كل يوم بخرابه !
نادر باستغراب : انت وش عرفك بمكاني !
خلف وهو يناظر ساعته : المهم وين ساره
ونادى بصوته الجهور: ساره يا ساره
يا زفت
قاطعه نادر : وش بغيت فيها ؟!
خلف ناظره باستخفاف من سؤاله : ابغى اسفرها تغير جو!
وبحده: يعني وش ابغى فيها ؟!
اليوم ملكتها !
وقف نادر بعصبيه : يا اخي انت ما تستحي على وجهك !
متى تترك هالبنت بحالها ؟!
ومين الزفت للي رح تزوجها إياه هالمرخ !
خلف ابتسم بخبث : لا تخاف هالمره صيده مرتبه !
عبدالله ولد عمي !
نادر بعدم تصديق : عبدالله !
وبنبره شك : عبدالله معه خبر والا تلبيس مثل ذيك المره !
خلف : لا تخاف هو للي ادوشني طول العده وهو ينبه علي ما ازوجها لانه يبغاها !
نادر مو مستوعب : معقول عبدالله !!
وعمي موافق !
خلف بضجر : وبعدين مع تحقيقك !
خلها تطلع مو قاضي عندي شغل !
نادر بحزم : ساره مو طالعه من هنا !
أول شيء نسألها عن رأيها
قاطعه بغضب: هذا الناقص !
ارمله وتتدلل اصلا تحمد ربها انه عبدالله ناظر وجهها !
نادر سكت ويحس كلامه صحيح فرصه لساره تأخذ عريس بهذي المواصفات وبهدوء تكلم : طيب قول لهم الملكه هنا
قاطعه بغضب : وبعدين مع عقلك!
خلها تلبس وتطلع رح نملك بالمحكمه!.
نادر بشك : وش يضمن لي انك تضحك علي وتزوجها واحد من اشكالك !
خلف : اشكالك !
على الاقل اما اشتغل بتعب مو مثلك عايش على الصدقه !
نادر طنش كلامه : انا رايح معك
قاطعه بعجله : تهال بس ما رح ارجعك ترجعون لوحدكم مو فاضي لكم !
ناظره بقهر من تصرفاته عمره ما رح يتغير !
***
***
***
***
***
[/size][size=32] يتبع..... [/size]

[size=32]

تمت الاجراءات واقفه ما تشعر بالفرح ولا كأنه الامر يهمها !
ما تدري معقول هذي اخر مره تدخل المحكمه !
متى تستقر وتعيش مثل باقي البنات ؟!!
مو قادره تستوعب عبدالله خطبها ؟!
وكيف وهو للي رفضها بالشوفه المره الاولى !
وش صار حتى يخطبها مره ثانيه ؟!
ممكن عمها ابو راكان غصبه عليها ؟!
الفرق بينهم كبير كيف تنازل وخطبها !!
معقول خالتها تدري ؟!
وش رد فعلها ؟!
رفعت نظرها لما وقف جنبها نادر وبهدوء كلمها : تعالي
ناظرت عبدالله للحظات ونزلت نظرها وهي مستغربه الابتسامه شاقه حلقه !
ليه مبسوط لذي الدرجه ؟!
عقلها مو قادر يستوعب !
تحس نفسها ما تستحق تكون له !
هي ما تناسبه !
بنظرها لازم يخطب فتاه مثل نوره !
على كلام سعديه شايب وكثير عليها !
توقعت تتزوج اعزب ومتعلم !
كل توقعاتها بالعريس القادم يكون شايب !
واذا تكرم عليها الشايب و وافق بعد ما يسمع عن حظها النحس !
زفرت بضيق وهي تناظر عمها واقف مع عبدالله !
مستغربه لما سلم عليها عمها ابو راكان كان مكشر والابتسامه لما سلم عليها بالغصب طلعها !
وش السبب ؟!!!
تحس في شيء ناقص مو قادره تربط الاحداث ببعضها !
**
**
وقف مع ابوه دقائق وبعدها توجه
لنادر وابتسم له : تفضلوا اوصلكم بطريقي !
نادر : ما نبغى نغلبك
قاطعه عبدالله : ما في غلبه يا رجال !
امشي وانا احس الارض مو واسعيتني من الفرح !
وكأني ملكت الدنيابمجرد ما كتبت الكتاب !
ناظرت للخلف وشتفها تمشي وعيونها بالارض ابعى اصرخ بأعلى صوتي وأقول قمر يا عالم !
والله إنها قمر كل شيء فيها جذاب وخاصة طولها !
ما انكر مشيتها ملفته للنظر وما تقرب للاناقه بشيء
ومع ذلك تعجبني بكل شيء !
ما ادري سبب لهفتي وكيف دخلت قلبي بهذي السرعه !
كل للي أعرفه مستحيل أفرط فيها
ولو على جثتي !!!
اول ما ركبت بالسياره بدأت أرحب فيهم
نزلت راسها باحراج مني !
يا جمال البنت الخجوله !
احلى ما فيها انها بسيطه
قاطعني نادر وهو يبتسم : حرك حرك كله كلام خطوبه !
بعد الزواج كل هالخرابيط تتطير !
ضحكت على كلامه : انا غير عن الكل !
مستحيل اتغير !
قاطعني رنين الجوال ابتسمت وانا اشوف رقم امي كل شوي تتصل فيني وتتطمئن علي
رديت انا ابتسم : هلا والله ....والله بخير ....ما صار علي شيء ...ههههه تعوذي من الشيطان ......يصير خير ....مع السلامه !
***
***
***
ام راكان قفلت الخط وهي تبكي : يا خوفي عليك يا ولدي !
ام محمد بخبث : جنيتي على ولدك !
لو وقفتي ومنعتيه من هالزواج !
زوجتيه وكأنك ما تدرين عن نحاستها !
يا حسرتي عليك يا عبدالله بعدك بعز شبابك !
زاد بكي ام راكان من كلامها وهي تحس خلاص فقدت ولدها وبأي لحظه يوصلها خبره!
ام عزام بنرفزه : يمه وبعدين مع هالكلام ؟!!
ما يصير !
ام محمد الغيره والقهر ذبحها وهي تشوف ساره تملك على عبدالله !
ما رح تتركها تتهنى فيه !
ورح تكمل انتقامها منها من بعيد لبعيد وبكره تكلمت : وين صارت هذي ارمله مرتين تتزوج واحد بعز شبابه واعزب !
عبدالله تناسبه بنت فهمانه واعيه متعلمه وفوق هذا تكون حلوه مو جوكر مقرفه بشعه !
ام عزام هزت راسها بفقدان امل من سوالف امها : حرام عليك والله انها
قاطعتها ام محمد : بلاك ما تشوفين وجهها كله حبوب وكآنه كله حصى !،
ام عمار : هذي الحبوب فتره وتعدي
لانها بفتره مراهقه !
ام راكان والحزن كله مخيم فوق راسها خايفه على عبدالله !
ما تقدر تتحمل فكره فقدانه !

***
***
***
**
جالس ويناظر الخرابه للي ساكنها نادر
وهو مستغرب كيف حال وضع عيال عمه !
فرق شاسع بينهم !
ما ينكر انه ما يحب عيال عمه ولا يعترف فيهم !
بس ساره غير من اول مره شافها !
ابتسم لما دخلت لابسه عبايتها ومعها القهوه
وخدودها اكتست باللون الاحمر من الخجل : السلام
رحب فيها : هلا والله !
كيفك وش اخبارك ؟!
ساره بابتسامة خجوله : بخير !
ناظر المكان وسألها باستغراب : مو كنتم ساكنين بالقريه ؟!
دخل نادر على سؤاله وجاوب بسرعه : ايه بس انتقلنا
لقيت هنا شغل افضل !
عبدالله بتأييد :هنا افضل اقرب لكم
واقرب لخالتي لو بغت تزورك !
مطت ساره وهي تدعي بنفسها «الله لايجيب الطريق للي رح تجيبها» !
ارتشف نادر من القهوه وبإبتسامه: اروح اشوف الاكل وش صار عليه ! وطلع وتركهم بالمجلس
قاطعه رنين الجوال رد بهدوء : هلا ......سخيف ايه بعدني عايش .....انقلع مو فاضي لك .. ايه غداي عندهم ....محتر .....طيب طير
وقفل الجوال !
نزلت نظرها بضيق من المكالمه
كان الصوت طالع
صوت عزام جرحها كلامه !
يتفقد عبدالله لذي الدرجه يشوفونها شؤم عليهم !
وللي زاد جرحها لما قال ما تنقرف تأكل عندهم !
لهذي الدرجه يشوفهم قذرين ؟!!!
رفعت نظرها وابتسمت بألم لما نادى عليها : نعم !
استغرب حالها : وش فيك ؟!
هزت كتوفها : ما في شيء !
حس انها سمعت المكالمه ما عرف كيف يرقع ؟!!
سألته بتردد : ما تخاف تموت وتنتهي حياتك بزواجك مني ؟!
تفاجئ من سؤالها وبنفس الوقت حزن عليها لما حس بصوتها نبره حزن يتمنى يلجم لسان الكل عنها حتى ما تحزن او يصيبها ضيق
اخذ نفس يعدل ملامح الضيق للي ظهرت على ملامحه وابتسم لها بمحبه : حياتي بدأت اليوم بعد ما ملكنا !
تفاجأت من إجابته !
كمل وهو يناظرها بإبتسامه : اذا رح تسمعين لكلام الناس رح تتعبين !
طنشي الكلام وعيشي حياتك
والاعمار كلها بيد رب العالمين !
كاتب لكل واحد عمره !
وما احد يموت ناقص عمر صح ؟!
ابتسمت لكلامه وهي تشعر براحه
وهي تحس خلاص بدأت الحياه من اليوم تبتسم لها من جديد !
ما رح تضيع الفرصه ورح تعيش
وتنبسط بكل لحظه !
***
***
***
***
رايحه جايه بالصاله مو مرتاحه
لما سمعت انه عبدالله طاير فيها
وطول اليوم جالس عندهم
وما رجع الا لما اتصل فيه ابو راكان وطلب منه يرجع
وما رجع الا بعد ساعه من اتصاله !
مستحيل تشوفها مبسوطه وتسكت !
بس وش يطلع بيدها !
عقلها مسكر مو قادر يفكر بشيء !
رح تصيبها جلطه اذا ما تصرفت بسرعه !
قررت تتصل بخلف وتطلع حرتها فيه !
**
***
***
***
ابو راكان مو عاجبه الوضع : انت ما تستحي من صباح ربنا وانت جالس عندهم !
عبدالله حاس بوزه : وش فيها ؟!
ابو راكان بغضب : يا ثقل دمك !
دوبك اليوم ملكت عليها وهذا حالك !
وبعدين اخوها يمكن عنده مشاغل
حاشره بالبيت معكم !!!
ابتسم عبدالله بداخله "لو يدري انه طول اليوم جالس معها لوحدنا ونادر ما شفته الا دقائق بعد الاكل ! "
ابو تالا بانتقاد : خلك ثقيل شوي !
ابو ماجد لوى بوزه بسخريه : ما ادري جالس طول يومك عندهم !
ماجد طالعه باستخفاف وهو يكتم ضحكته : الحين يا عمي طول الوقت جالس مع ساره !
وطالع سلمان وانفجروا من الضحك مع بعض !
طالعه عبدالله وهو رافع حاجب انقهر من سخريته وضحكه : بعض ناس محتره لانه للحين ما شاف خطيبته !
ماجد انقهر وناظر ابوه : شفت يبه !
الكل يتشمت فيني !
لمتى هالحال !
خلاص اذا ما شفت خطيبتي وزرتها
وقسم بالله الا اطلقها باكر وما علي من احد !
ابو ماجد ناظر عبدالله وهو يجاكر بماجد بعيونه : خلاص باكر اكلم ابوها
ونروح كلنا ونزورها !
ماجد قفز مو مصدق مثل البزر : صدق يبه !
عبدالله حاس بوزه : بزران اخر زمن !!

**
**
**
**
ام سعود عامله بالبيت طوارئ بعد ما خبرها ابو سعود بزياره اهل ماجد !
عائشه وهي تساعد امها: طيب مو قلتي بعد الثانويه
ام سعود وهي ترتب البيت : ابوك يقول اتصل فيه ابو ماجد واحرجه انهم جايين !
وتعرفين ابوك ما قدر يعترض لانه ابو ماجد عميد الجامعه واكيد يحسب له حساب اذا رفض له طلبه !
عائشه وقلبها يدق بقوه : طيب وش قال لما قلت له اني ادري بموضوع الخطوبه !
ام سعود بلامبالاه : ما قال شيء
اصلا ما توسعت معه بالكلام لانه معصب
ما يبغى الموضوع يتم !
عائشه باحراج وخجل : صعبه اجلس معه وانا اول مره اشوفه !
ام سعود : باكر تتعودين وتصيرين سيف ابو حدين بالدفاع عنه
ولسانك معه مترين !
كل البنات كذا !
عائشه ابتسمت على كلام امها : مو لذي الدرجه !
ام سعود بهم : الله يكون بعوني ابوك مو متقبل الموضوع !
يقول عمره ما كره انسان مثله !
عائشه بضيق وهي مستمره بالترتيب : بابا ما يصير كذا لازم يحاول يتقبله !
قاطعتهم اسماءوهي داخله وهي تردح : انا غريبه ما أحد يخبرني !
ام سعود تأففت ابو سعود نبه عليها اسماء ونهى ما احد يخبرهن !
ما تدري وين عرفت اسماء واكيد الحين نهى خلفها !!!!!
**
**
**
**
دخل البيت وهو ماسك يدها وينادي : يمه يمه !،
استحت ساره وحاولت تسحب يدها
بدون جدوى !
طلعت ام راكان وغصبت الابتسامه : هلا عبدالله !
فلتت ساره يدها وهمست له : ابغى اسلم !
سلمت على ام راكان بفرح
حاولت ام راكان ما تحسسها بشيء !
ورحبت فيها كالعاده !
دخل عزام وناظرهم بانتقاد : ساره هنا !

تقدمت ساره وسلمت عليه بابتسامه !
بارك لها وسألها بحزم : مين جابك ؟!
عبدالله مسك يدها بهدوء وتوجه للكنبه
بعد ما جاس ابتسم بفخر : انا جبتها بعد ما افطرنا بالمطعم !
عزام بحده : وش هذا التسيب ؟!
وين خالي نادر عنك دايره على كيفك ؟!
بلعت ساره ريقها بخوف من نظرات عزام لازم يعكر عليها وما قدرت ترد بحرف واحد
عبدالله باعتراض : هي ترى ما أسمح لك تكلم خطيبتي كذا !
وبعدين اخوانها ما عندهم اعتراض انت وش دخلك !
اعطى ساره نظره قويه مطنش عبدالله
ام راكان تلطف الجو : بعدين معك يا عزام!!!
ساره بتهرب من نظرات عزام وقفت وتناظر ام راكان : اجهز القهوه يا خالتي ؟!
وتحركت للمطبخ حتى تتخلص من نظرات عزام !
بعد ما طلعت عزام بحده : رجاء يا عمي هالحركات اتركها !
بعد ما تتزوج خذها وين ما بغيت !
عبدالله ما عجبه كلامه : عزام لا تتدخ
قاطعهم دخول ابو ماجد جلس وناظرهم باستغراب : وش فيكم !
ام راكان تقفل الموضوع : ولا شيء !
ابو ماجد بتذكير : لا تنسي يمه موعدنا مع الجماعه اليوم !
ام راكان بهدوء : إن شاء الله !
دخلت ساره بالقهوه مبتسمه باحراج
لما شافت ابو ماجد
حطت القهوه وناظرته بخجل : كيف حالك يا عمي!
ابو ماجد ناظرها بتقييم وسرعان ما فتح عيونه بصدمه
***
***
***
انتهى البارت ....انتظروني يوم الجمعه بإذن الله......دمتم بخير Smile

[/size]

[size=32]

تمت الاجراءات واقفه ما تشعر بالفرح ولا كأنه الامر يهمها !
ما تدري معقول هذي اخر مره تدخل المحكمه !
متى تستقر وتعيش مثل باقي البنات ؟!!
مو قادره تستوعب عبدالله خطبها ؟!
وكيف وهو للي رفضها بالشوفه المره الاولى !
وش صار حتى يخطبها مره ثانيه ؟!
ممكن عمها ابو راكان غصبه عليها ؟!
الفرق بينهم كبير كيف تنازل وخطبها !!
معقول خالتها تدري ؟!
وش رد فعلها ؟!
رفعت نظرها لما وقف جنبها نادر وبهدوء كلمها : تعالي
ناظرت عبدالله للحظات ونزلت نظرها وهي مستغربه الابتسامه شاقه حلقه !
ليه مبسوط لذي الدرجه ؟!
عقلها مو قادر يستوعب !
تحس نفسها ما تستحق تكون له !
هي ما تناسبه !
بنظرها لازم يخطب فتاه مثل نوره !
على كلام سعديه شايب وكثير عليها !
توقعت تتزوج اعزب ومتعلم !
كل توقعاتها بالعريس القادم يكون شايب !
واذا تكرم عليها الشايب و وافق بعد ما يسمع عن حظها النحس !
زفرت بضيق وهي تناظر عمها واقف مع عبدالله !
مستغربه لما سلم عليها عمها ابو راكان كان مكشر والابتسامه لما سلم عليها بالغصب طلعها !
وش السبب ؟!!!
تحس في شيء ناقص مو قادره تربط الاحداث ببعضها !
**
**
وقف مع ابوه دقائق وبعدها توجه
لنادر وابتسم له : تفضلوا اوصلكم بطريقي !
نادر : ما نبغى نغلبك
قاطعه عبدالله : ما في غلبه يا رجال !
امشي وانا احس الارض مو واسعيتني من الفرح !
وكأني ملكت الدنيابمجرد ما كتبت الكتاب !
ناظرت للخلف وشتفها تمشي وعيونها بالارض ابعى اصرخ بأعلى صوتي وأقول قمر يا عالم !
والله إنها قمر كل شيء فيها جذاب وخاصة طولها !
ما انكر مشيتها ملفته للنظر وما تقرب للاناقه بشيء
ومع ذلك تعجبني بكل شيء !
ما ادري سبب لهفتي وكيف دخلت قلبي بهذي السرعه !
كل للي أعرفه مستحيل أفرط فيها
ولو على جثتي !!!
اول ما ركبت بالسياره بدأت أرحب فيهم
نزلت راسها باحراج مني !
يا جمال البنت الخجوله !
احلى ما فيها انها بسيطه
قاطعني نادر وهو يبتسم : حرك حرك كله كلام خطوبه !
بعد الزواج كل هالخرابيط تتطير !
ضحكت على كلامه : انا غير عن الكل !
مستحيل اتغير !
قاطعني رنين الجوال ابتسمت وانا اشوف رقم امي كل شوي تتصل فيني وتتطمئن علي
رديت انا ابتسم : هلا والله ....والله بخير ....ما صار علي شيء ...ههههه تعوذي من الشيطان ......يصير خير ....مع السلامه !
***
***
***
ام راكان قفلت الخط وهي تبكي : يا خوفي عليك يا ولدي !
ام محمد بخبث : جنيتي على ولدك !
لو وقفتي ومنعتيه من هالزواج !
زوجتيه وكأنك ما تدرين عن نحاستها !
يا حسرتي عليك يا عبدالله بعدك بعز شبابك !
زاد بكي ام راكان من كلامها وهي تحس خلاص فقدت ولدها وبأي لحظه يوصلها خبره!
ام عزام بنرفزه : يمه وبعدين مع هالكلام ؟!!
ما يصير !
ام محمد الغيره والقهر ذبحها وهي تشوف ساره تملك على عبدالله !
ما رح تتركها تتهنى فيه !
ورح تكمل انتقامها منها من بعيد لبعيد وبكره تكلمت : وين صارت هذي ارمله مرتين تتزوج واحد بعز شبابه واعزب !
عبدالله تناسبه بنت فهمانه واعيه متعلمه وفوق هذا تكون حلوه مو جوكر مقرفه بشعه !
ام عزام هزت راسها بفقدان امل من سوالف امها : حرام عليك والله انها
قاطعتها ام محمد : بلاك ما تشوفين وجهها كله حبوب وكآنه كله حصى !،
ام عمار : هذي الحبوب فتره وتعدي
لانها بفتره مراهقه !
ام راكان والحزن كله مخيم فوق راسها خايفه على عبدالله !
ما تقدر تتحمل فكره فقدانه !

***
***
***
**
جالس ويناظر الخرابه للي ساكنها نادر
وهو مستغرب كيف حال وضع عيال عمه !
فرق شاسع بينهم !
ما ينكر انه ما يحب عيال عمه ولا يعترف فيهم !
بس ساره غير من اول مره شافها !
ابتسم لما دخلت لابسه عبايتها ومعها القهوه
وخدودها اكتست باللون الاحمر من الخجل : السلام
رحب فيها : هلا والله !
كيفك وش اخبارك ؟!
ساره بابتسامة خجوله : بخير !
ناظر المكان وسألها باستغراب : مو كنتم ساكنين بالقريه ؟!
دخل نادر على سؤاله وجاوب بسرعه : ايه بس انتقلنا
لقيت هنا شغل افضل !
عبدالله بتأييد :هنا افضل اقرب لكم
واقرب لخالتي لو بغت تزورك !
مطت ساره وهي تدعي بنفسها «الله لايجيب الطريق للي رح تجيبها» !
ارتشف نادر من القهوه وبإبتسامه: اروح اشوف الاكل وش صار عليه ! وطلع وتركهم بالمجلس
قاطعه رنين الجوال رد بهدوء : هلا ......سخيف ايه بعدني عايش .....انقلع مو فاضي لك .. ايه غداي عندهم ....محتر .....طيب طير
وقفل الجوال !
نزلت نظرها بضيق من المكالمه
كان الصوت طالع
صوت عزام جرحها كلامه !
يتفقد عبدالله لذي الدرجه يشوفونها شؤم عليهم !
وللي زاد جرحها لما قال ما تنقرف تأكل عندهم !
لهذي الدرجه يشوفهم قذرين ؟!!!
رفعت نظرها وابتسمت بألم لما نادى عليها : نعم !
استغرب حالها : وش فيك ؟!
هزت كتوفها : ما في شيء !
حس انها سمعت المكالمه ما عرف كيف يرقع ؟!!
سألته بتردد : ما تخاف تموت وتنتهي حياتك بزواجك مني ؟!
تفاجئ من سؤالها وبنفس الوقت حزن عليها لما حس بصوتها نبره حزن يتمنى يلجم لسان الكل عنها حتى ما تحزن او يصيبها ضيق
اخذ نفس يعدل ملامح الضيق للي ظهرت على ملامحه وابتسم لها بمحبه : حياتي بدأت اليوم بعد ما ملكنا !
تفاجأت من إجابته !
كمل وهو يناظرها بإبتسامه : اذا رح تسمعين لكلام الناس رح تتعبين !
طنشي الكلام وعيشي حياتك
والاعمار كلها بيد رب العالمين !
كاتب لكل واحد عمره !
وما احد يموت ناقص عمر صح ؟!
ابتسمت لكلامه وهي تشعر براحه
وهي تحس خلاص بدأت الحياه من اليوم تبتسم لها من جديد !
ما رح تضيع الفرصه ورح تعيش
وتنبسط بكل لحظه !
***
***
***
***
رايحه جايه بالصاله مو مرتاحه
لما سمعت انه عبدالله طاير فيها
وطول اليوم جالس عندهم
وما رجع الا لما اتصل فيه ابو راكان وطلب منه يرجع
وما رجع الا بعد ساعه من اتصاله !
مستحيل تشوفها مبسوطه وتسكت !
بس وش يطلع بيدها !
عقلها مسكر مو قادر يفكر بشيء !
رح تصيبها جلطه اذا ما تصرفت بسرعه !
قررت تتصل بخلف وتطلع حرتها فيه !
**
***
***
***
ابو راكان مو عاجبه الوضع : انت ما تستحي من صباح ربنا وانت جالس عندهم !
عبدالله حاس بوزه : وش فيها ؟!
ابو راكان بغضب : يا ثقل دمك !
دوبك اليوم ملكت عليها وهذا حالك !
وبعدين اخوها يمكن عنده مشاغل
حاشره بالبيت معكم !!!
ابتسم عبدالله بداخله "لو يدري انه طول اليوم جالس معها لوحدنا ونادر ما شفته الا دقائق بعد الاكل ! "
ابو تالا بانتقاد : خلك ثقيل شوي !
ابو ماجد لوى بوزه بسخريه : ما ادري جالس طول يومك عندهم !
ماجد طالعه باستخفاف وهو يكتم ضحكته : الحين يا عمي طول الوقت جالس مع ساره !
وطالع سلمان وانفجروا من الضحك مع بعض !
طالعه عبدالله وهو رافع حاجب انقهر من سخريته وضحكه : بعض ناس محتره لانه للحين ما شاف خطيبته !
ماجد انقهر وناظر ابوه : شفت يبه !
الكل يتشمت فيني !
لمتى هالحال !
خلاص اذا ما شفت خطيبتي وزرتها
وقسم بالله الا اطلقها باكر وما علي من احد !
ابو ماجد ناظر عبدالله وهو يجاكر بماجد بعيونه : خلاص باكر اكلم ابوها
ونروح كلنا ونزورها !
ماجد قفز مو مصدق مثل البزر : صدق يبه !
عبدالله حاس بوزه : بزران اخر زمن !!

**
**
**
**
ام سعود عامله بالبيت طوارئ بعد ما خبرها ابو سعود بزياره اهل ماجد !
عائشه وهي تساعد امها: طيب مو قلتي بعد الثانويه
ام سعود وهي ترتب البيت : ابوك يقول اتصل فيه ابو ماجد واحرجه انهم جايين !
وتعرفين ابوك ما قدر يعترض لانه ابو ماجد عميد الجامعه واكيد يحسب له حساب اذا رفض له طلبه !
عائشه وقلبها يدق بقوه : طيب وش قال لما قلت له اني ادري بموضوع الخطوبه !
ام سعود بلامبالاه : ما قال شيء
اصلا ما توسعت معه بالكلام لانه معصب
ما يبغى الموضوع يتم !
عائشه باحراج وخجل : صعبه اجلس معه وانا اول مره اشوفه !
ام سعود : باكر تتعودين وتصيرين سيف ابو حدين بالدفاع عنه
ولسانك معه مترين !
كل البنات كذا !
عائشه ابتسمت على كلام امها : مو لذي الدرجه !
ام سعود بهم : الله يكون بعوني ابوك مو متقبل الموضوع !
يقول عمره ما كره انسان مثله !
عائشه بضيق وهي مستمره بالترتيب : بابا ما يصير كذا لازم يحاول يتقبله !
قاطعتهم اسماءوهي داخله وهي تردح : انا غريبه ما أحد يخبرني !
ام سعود تأففت ابو سعود نبه عليها اسماء ونهى ما احد يخبرهن !
ما تدري وين عرفت اسماء واكيد الحين نهى خلفها !!!!!
**
**
**
**
دخل البيت وهو ماسك يدها وينادي : يمه يمه !،
استحت ساره وحاولت تسحب يدها
بدون جدوى !
طلعت ام راكان وغصبت الابتسامه : هلا عبدالله !
فلتت ساره يدها وهمست له : ابغى اسلم !
سلمت على ام راكان بفرح
حاولت ام راكان ما تحسسها بشيء !
ورحبت فيها كالعاده !
دخل عزام وناظرهم بانتقاد : ساره هنا !

تقدمت ساره وسلمت عليه بابتسامه !
بارك لها وسألها بحزم : مين جابك ؟!
عبدالله مسك يدها بهدوء وتوجه للكنبه
بعد ما جاس ابتسم بفخر : انا جبتها بعد ما افطرنا بالمطعم !
عزام بحده : وش هذا التسيب ؟!
وين خالي نادر عنك دايره على كيفك ؟!
بلعت ساره ريقها بخوف من نظرات عزام لازم يعكر عليها وما قدرت ترد بحرف واحد
عبدالله باعتراض : هي ترى ما أسمح لك تكلم خطيبتي كذا !
وبعدين اخوانها ما عندهم اعتراض انت وش دخلك !
اعطى ساره نظره قويه مطنش عبدالله
ام راكان تلطف الجو : بعدين معك يا عزام!!!
ساره بتهرب من نظرات عزام وقفت وتناظر ام راكان : اجهز القهوه يا خالتي ؟!
وتحركت للمطبخ حتى تتخلص من نظرات عزام !
بعد ما طلعت عزام بحده : رجاء يا عمي هالحركات اتركها !
بعد ما تتزوج خذها وين ما بغيت !
عبدالله ما عجبه كلامه : عزام لا تتدخ
قاطعهم دخول ابو ماجد جلس وناظرهم باستغراب : وش فيكم !
ام راكان تقفل الموضوع : ولا شيء !
ابو ماجد بتذكير : لا تنسي يمه موعدنا مع الجماعه اليوم !
ام راكان بهدوء : إن شاء الله !
دخلت ساره بالقهوه مبتسمه باحراج
لما شافت ابو ماجد
حطت القهوه وناظرته بخجل : كيف حالك يا عمي!
ابو ماجد ناظرها بتقييم وسرعان ما فتح عيونه بصدمه
***
***
***
انتهى البارت ....انتظروني يوم الجمعه بإذن الله......دمتم بخير Smile

[/size]

[size=32]
ناظرن بعض بصدمه بعد كا طلعت ساره
_ تدرين انه اخوانها نصابين وواحد ثاني عايش على الصدقه !
_ وانت وش عرفك بعيال عمه ؟!
_ كنا بجمعه حريم وتكلموا عنهم !
_ يا اختي فعلا حظوظ هالدنيا
سمعة اخوانها بالارض ومع ذلك !
_ لا وفوق هذا ارمله مرتين !
_ انا اقول إنها تكذب علينا !
عمرها 16 وصارت ارمله ترة سالفتها مو داخله راسي !!
حتى اشك انها خاطبه يمكن جالسه تتغوث تعرفين سوالف المراهقات بهذا العمر !
هزت كتوفها : يمكن !
**
**
**
**
**
بعد ما طلعوا من بيت ابو سعود
وحرك ابو ماجد بهدوء
تكلمت ام ماجد : يا بختك يا ماجد فيها
ما شاء الله عليها تجنن اداب واخلاق !
ماجد مط شفته بسخريه وبنفسه «اداب ! كثري منها عاد »
تابعت ام ماجد كلامها : بس مستغربه من بعد ما جلست معك ما رجعت وما شفتها !
ماجد بنفسه «بقلعتها» ومجامله لامه : يمكن استحت !
ام ماجد : يمكن !
تدري انها الاولى على مدرستها !!!
حتى عمتي ام محمد عجبتها حيل !
تقول مو مثل الناقه الجوكر ساره !
ابو ماجد مط شفته بسخرية : ساره جوكر ؟!!!
والله خالتي الغيره ذابحيتها !!!
ماجد : يا ليت كل العالم بطيبة قلب ساره !
كان كل الاحقاد والاضغان اختفت !
هالبنت على البركه بس تبغى تعيش
وترضى بالقليل !
ام ماجد بتذكر : وانت ليه ما لبست خطيبتك الشبكه ؟!
تذكر ماجد ردها عن الشبكه وانقهر بزياده وبدون نفس رد وهو يكذب من عنده : تقول ابوها ممنوع عنده هالحركات !
ابو ماجد بهدوء : تدري يا ام ماجد يعجبني الاب الي يكون كذا !
لازم يكون فيه تشديد على الخطيب
صحيح انه عاقد العقد بس المجتمع ما يرحم
اعرف واحد يقول لي وحده من قريباته مخطوبه وكاتبه الكتاب
وخطيبها اخذ راحته الظاهر
وبعد فتره ربنا قدر وتوفى خطيبها
طلعت البنت حامل !
وصارت سوالف طويله واهل خطيبها ما اعترفوا بالحمل ووصلت قضيتهم للمحكمه
والناس ما رحمتها بكلامها !
ام ماجد بتأييد : صادق لازم يكون فيه تشديد !
**
**
**
**
دخلت عند ام راكان بابتسامه : تأخرت عليك يا خالتي ؟!
ام راكان بتعب : اتصلي على عبدالله ابغى اكلمه!
هزت راسها بطاعه واتصلت عليه
ما رد عليها
طالعتها بهدوء : ما رد علي
ام راكان تعبت بزياده وبدأت الافكار السوداء تتجمع بعقلها وتحشش
اكيد صار له شيء !
وبصوت يرتجف خايفه من الصدمه : اتصلي مره ثانيه !
اتصلت ساره للمره الثانيه وما رد عليها
ام راكان خلاص ما عادت تتحمل
وتحس نفسها رح تغادر هالحياه بأي لحظه !
ما رح يتحمل قلبها فراق عبدالله وزاد عليها كلام ساره : معقول صاير شيء عندهم ؟!
ناظرتها ام راكان وتبغى تصرخ بوجهها انت سبب الشؤم علينا
بس سكتت لما شافت الجوال يرن !
ساره بفرح : هذا عبدالله !
ردت بابتسامه : هلا
وسرعان ما عبست ملامحها : وش تقول ؟!
هنا حست ام راكان قلبها توقف وهي تشوف ملامح وجه ساره !
ارتخت ملامحها شوي وهي تسمع ضحكتها !
لو كان فيها حيل كان قامت وشدتها من شعرها !
يكفي انها اكبر كابوس من لما خطبها عبدالله !
ساره بابتسامة مدت الجوال لام راكان : خالتي خذي كلمي عبدالله !
كلمته ام راكان وتآكدت انه بخير
وبأمر لما طلب منها تعطي الجوال لساره : جوالها ما في شحن !
خلاص قفل وباكر تكلمها !
حاست ساره بوزها بدون ما تشوفها ام راكان !
كيف رح تضيع وقتها هنا !
حتى نادر ما يدري انها بالمستشفى !
اخذت الجوال من خالتها وجلست بإحباط وهي تشوف ام راكان تغمض عيونها !!
**
**
**
**
دخلت الصاله عند ابوها بعد ما طلعوا اهل ماجد
وجلست بهدوء وهي ترتب الكلمات قبل ما تبدأ
بس قاطعها سؤال ابوها : كيف شفتي اهل ماجد ؟!
عائشه اخذت نفس وتكلمت بهدوء : اهله ما شاء الله عليهم !
انا ما ادري يا بابا كيف تمت الخطوبه
ووافقت ترميني كذا ؟!
ابو سعود باستنكار : رميتك ؟!
عائشه وش هالكلام ؟!
تراني ابوك اذا ناسيه قاعده تكلميني كذا ؟!
عائشه حاولت تتحكم بأعصابها : وش تسمي هالمراهق للي مزوجني له ؟
ابو سعود بحزم : الرجال ما يعيبه شيء !
وانتهينا !
عائشه انقهرت كيف يقول كذا انتهينا ؟!
وبمحاوله لضبط اعصابها ما تدري اليوم مو قادره تمسك اعصابها : ما انتهينا !
ناظرها بعدم فهم : كيف ؟!
عائشه بتصميم : تتصل فيهم وننفصل بالمعروف ويا دار ما دخلك شر !
ابو سعود بغضب : اقول جعل الجني يدخلك !
تبغين تفضحيني !
ام سعود إلتزمت الصمت وهي متوقعه هالشيء بعد ما شافت ماجد
ومستحيل عائشه تقبل فيه !
عائشه بقهر : مو إنت من قبل كنت ناوي تطلقني !
وطول وقتك تذم فيه !
وش للي تغير الحين وصار رجال ما يعيبه شيء!
ابو سعود وهو ماسك نفسه : عائشه طيري من وجهي دام النفس عليك طيبه !
وطلاق ما فيه !
وانتهينا !
عائشه وقفت بقهر وحاولت تتكلم بهدوء : هذي حياتي وما رح اسكت !
وطلعت وهي مولعه من القهر
ابو سعود فتح عيونه باستنكاو وهو يناظر زوجته : اعوذ بالله اشوف عائشه الصغيره الملسونه قدامي !
وانا طول هالسنين فكرتها عقلت وتغيرت !
ام سعود بضيق : الله يسامحك ما زوجته الا لعائشه !
والله من اول ما شفته توقعت ما تقبل فيه !
هذا يناسب نهى او اسماء مو عائشه !
ابو سعود بلامبالاه : الحرمه هي للي تجيب الرجال لطريق الصحيح !
ام سعود خزته بعيونها : نفسي اعرف وش للي غيرك وانت كنت تتوعد وحالتك حاله !
وما خليت شتيمه واي شيء عاطل الا وحطيته فيه قدامها
والحين جاي
قاطعها بضجر : اوفففف وبعدين !
خلها تقرقر من هنا لباكر اخرها ترضى بأرض الواقع !
هذي نهى مثل الارنب مع زوجها
ام سعود وهي عارفه عائشه : ما ظنيت تكمل
طول هالسنين تعطي محاضرات لاخواتها وحامله شعارات للصبر والتحمل
وشوفها من اول عقبه فقدت اعصابها وحالتها حاله !
تراك ما شفتها قبل ما تيجي !
ابو سعود بحزم : هذا الموضوع بالنسبه لي منتهي منه !
رح تسكت وتمشي مثل الأرنب أعرفها باكر رح تيجي تعتذر وتستسلم للامر الواقع !
هي بس الحين منصدمه وانا توقعت هالشيء !
تراها عائشه تختلف عن اخواتها ملتزمه وعارفه الصح من الغلط
وطول وقتها تعطي اخواتها مواعظ عن طاعه الزوج بالرغم من صغر سنها
تراها عاقله مو مثل المجنونه نهى !
**
**
**
**
صحيت الصبح على حركه الممرضه بالغرفه
وقفت وهي تحس جسدها مكسر من الكرسي نايمه وهي جالسه
والبرد خر عظامها !
توجهت تتوضأ وتصلي الفجر فاتتها الصلاه
طول الليل نومها كان متقطع ما عرفت تنام !
بعد ما صلت ناظرتها خالتها نايمه
تمنت تنام مكانها تحس جسمها مهلك
والتعب بدأ يغزو جسدها !
رفعت نظرها لما دخل ابو راكان
ابتسمت له وسلمت عليه !
ابو راكان بابتسامة دافيه بادلها
لها معزه بقلبه !
يحسها على نياتها وما تعرف للمكر والحقد طريق
ما زالت البراءه تسري بدمها : تعبناك معنا يا ابنتي !
ساره جلست قريب منه : ما في غلبه يا عمي !
اذا ما خدمتكم مين اخدم ؟!
هز راسه وناظر زوجته : كيفها الحين ؟!
ردت بهدوء : الحمد لله بخير !
ابو راكان : وش رايك ارجعك للبيت ترتاحين !
هزت رأسها بالرفض : ما رح ارجع الا لما تصحى وأتآكد انها بخير
ابو راكان بامتنان : الله يرضى عليك !

**
**
**
**
انصعق لما خبره زميله !
اكره ما عليه احد يعرف بحياته الخاصه !
بس وش عرفهم بذي التفاصيل
إلتفت على زميله وهو يستخف فيه : انت من عقلك خاطب وحده مترمله 2
ما تخاف تكون 3
اعطاه نظره غضب : ما يخصك !
وطلع من مكانه وهو يفكر مين الوقح للي يطلع اسراره وينشرها بمكان عمله !
وقف مع عزتم وخبره بالسالفه !
ابتسم عزام على جنب : ومين غيرها
اكيد الخبله للي خاطبها !
عبدالله اعطاه نظره قويه : كل تبن !
ما احد خبل الا انت وزوجتك !
وتركه وتوجه لغرفة امه
دخل بعد ما طرق الباب
ابتسم لما شاف ابوه
رد السلام وجلس بهدوء
ابو راكان بتذكر لما شاف عبدالله : وش سالفة الطلعات لوحدكم ؟!
واعطى عبدالله نظره قويه !
عبدالله وهو يحك ذقنه : وش فيها ؟!
ابو راكان بحزم : فيها الف شيء !
حنا مو مانعينك تجلس معها
بس سالفه الاسواق ما ابغى تتكرر !
عبدالله باعتراض : بس يبه
ابو راكان بحزم : ولا كلمه !
عبدالله تنرفز : اخوانها موافقين
قاطعه ابو راكان بزعل : تبغى تقول وش دخلني صح ؟!
تعتبر المتخلف واخوه المتسول اخوه ؟!
تراهم
قاطعه عبدالله : خلاص مقل ما تبغى بس اخر مره نطلع علشان تشتري الشبكه
ابو راكان : لما تطلع امك من المستشفى يصير خير !
اما الحين لا !
عبدالله باستسلام : ان شاء الله
وقف ابو راكان : انتبه على امك انا طالع !
بعد ما طلع ابو راكان سحبها من يدها وابعدها عن امه وبتحقيق: انت وش مهببه ؟!
ناشره سيرتنا الذاتيه بالمستشفى !
ساره ببراءه : انا ما قلت هم سألوني !
قاطعها بقهر : وانت بضغطة زر نشرتي كل شيء !
وبقهر ضروري الكل يعرف انك ارمله 2
ما ادري تنشري هالسوالف ومفتخره بهذا الشيء ؟!!
والحين الكل يعرف ان
قاطعته تبغى ترتاح من ذي السالفه
مهما تنسى لازم يذكروها بنحاستها
وبصوت هادي : انا اسفه
لو ادري انه الموضوع يضايقك كان ما خبرت فيه

**
**
[/size][size=32] **[/size]
[size=32]يتبع يوم الجمعه بإذن الله ..دمتم بخير Smile

[/size]

[size=32]السلام عليكم ....عندي نقطه بدي اوضحها
[/size][size=32] الردود للي فيها انه ما ي تغيير ومن هاد الكلام اتمنى ما ينكتب لاني عنجد انزعج منه
عمر الانسان ما تغير بسرعه وخاصه من ناحيه الطباع ولا تستعجلوني بتسريع الاحداث او التغيير لأني رح اكمل على نفس النمط إلي رسمته ....وبنفس الوقت اشكركم على متابعتكم وردوكم إلي بتسعدني Smile

"""
""""
""""-بسم الله

ابتسم : عندما تجلس مع عائلتك ..
فهناك من يتمنى عائلة ..
ابتسم : عندما تذهب إلى عملك ..
فالكثير ما زال يبحث عن وظيفة..
ابتسم : لأنك بصحة وعافية ..
فهناك من المرضى من يتمنى أن
يشتريها بأغلى الأثمان ..
ابتسم : لأنك حي ترزق ..
فالأموات يتمنون الحياة ليعملوا
صالحا .
ابتسم : لأنك بأمان ..
وغيرك يتمناه
واحمد الله علي كل شي
###
##
###
###
###
يتبع بارت 14

بعد ما طلع ابو راكان سحبها من يدها وابعدها عن امه وبتحقيق: انت وش مهببه ؟!
ناشره سيرتنا الذاتيه بالمستشفى !
ساره ببراءه : انا ما قلت هم سألوني !
قاطعها بقهر : وانت بضغطة زر نشرتي كل شيء !
وبقهر ضروري الكل يعرف انك ارمله 2
ما ادري تنشري هالسوالف ومفتخره بهذا الشيء ؟!!
والحين الكل يعرف ان
قاطعته تبغى ترتاح من ذي السالفه
مهما تنسى لازم يذكروها بنحاستها
وبصوت هادي : انا اسفه
لو ادري انه الموضوع يضايقك كان ما خبرت فيه
ضربها على جبهتها بخفه وابتسم بعد ما شاف ملامحها ضاقت : خلاص لا تبكين علينا !
ناظرته وابتسمت وبداخلها ضيق ما تدري وش سببه : ما أبكي !
مسك يدها بخفه: الظاهر امي ساحبيتها نومه تعالي نفطر ونجيب لها فطور
تراها ما تحب اكل المستشفى !
ما ترك لها فرصه تعترض وخرجوا من الغرفه
بخطوات هاديه !
اهتمامه وهو يوصف لها كل شيء بالمستشفى يمشي من جنبه
ألقى بداخلها شعور الحرج !
منحرجه لانها تشوف نفسها ما تستحق هذا الاهتمام !
تحس نفسها صغيره وما لها أهمية بالمجتمع !
احيانا تستخف عقل عبدالله يضيع وقته معها يعرفها على كل شيء يمر من خلاله !
تحسه شيء كثير وهي ولا شيء !
عكس زوجة عزام تحس لها قيمه حتى بتواجدها ملفته للانتباه
بكل شيء
لانها
قاطعها وهو يؤشر قدام وجهها : وين سرحتي ؟!
ابتسمت بهدوء : ما في شيء مهم !
أشر لها تجلس على الكرسي وجلس مقابل لها : ايوه وين كنا نتكلم !
وما انتظر منها إجابه كمل حديثه : افكر انقل من هذا المستشفى !
وش رأيك ؟!
تفاجأت من كلامه !
يطلب منها رأيها ؟!
اكيد هي بحلم !
تحس رأيها مو مهم بمن حولها او حتى ما احد يهتم لرأيها !
بنظرهم اميه جاهله ما تفهم شيء بالدنيا !
ما تنكر ضيقها من هالنظره للي يناظرونها فيها ؟!
رفعت نظرها له بهدوء وهو يكلمها : ترى سألتك ما قلت لك اسرحي !
تابع كلامه وهو متأكد من نقطه ضعفها وبتشجيع : لا تستحين من اعطاء رايك بأي امور الحياه !
يمكن تظنين انه من حق اصحاب الشهادات فقط انهم يعبرون عن رأيهم !
وطبعا
هذا خطأ !
دام عندك عقل مثل غيرك لازم تبدين رايك وتعبرين عن كل ما يجول بخاطرك !
بدون خجل او احراج
وخلي عندك قوه بشخصيتك
والحين جاوبيني ؟!
شعرت بالخجل واكتست خدودها باللون الاحمر وبتردد : اممم انت مرتاح هنا ؟!
ابتسم خجلها : عادي !
رفعت حاجب باستغراب : اجل ليه تبغى تنقل ؟!
زم شفته بتفكير : اممم تقدرين من باب التغيير !
وبتذكر : لا تنسي لما ينتهي الفصل رح اقدم لك بالمدرسه حتى تكملين تعليمك !
ابتسمت بسخريه وما علقت
ما تدري بيت عمها ابو راكان عندهم الدراسه شيء اساسي
قاطعها بضجر : وبعدين مع سرحانك !
نفسي ادخل عقلك واعرف وش فيه ؟
قاطعه من خلفه وهو يجلس على الكرسي : اكيد فاضي رح تلاقي عقلها !
بفرح لرؤيته وطنشت كلامه : هلا عمي عزام !
عبدالله بانتقاد : ترى لما تقولين عمي عزام اناظر حولي مستغرب
انسى انك تقصدين هالمعقد هذا ؟!
المفروض يناديك «خالتي » مو انت تناديه وقلدها بسخريه «عمي عزام »
ضحكت ساره بخفه على تعليقه
ابتسم عزام وهو رافع حاجب : هذا الناقص !
اعوذ بالله انت 24 ساعه تضحكين او توزعين ابتسامات !
وبجديه ناظرها وهو يخزها : النيه انك مرافقه مع جدتي مو مع عمي عبدالله !
ساره ما ردت تعودت ما تدافع او تبرر موقفها
السكوت هو جوابها ويرافق سكوتها ابتسامه بلهاء ما لها معنى !
عبدالله تكتف بسخريه : والله نسينا ناخذ منك اذن خروج يا حضرة الدكتور !
عزام بنعاس تثاوب : اطلب لي معكم بالفطور ترى حدي جوعان !
والا بخبر جدي عنك
***
***
***
تمشي خلف ابوها بهدوء
من ذاك اليوم والوضع هدوء ما فتحت السيره وعقلها يدور ويبحث عن حل يرضي الجميع !
ما تبغى تعق ابوها ويزعل منها
وبنفس الوقت ما تبغى تكمل مع ماجد
بس كيف ما تدري ؟!
اليوم بدون تردد جهزت نفسها لما خبرتها امها رح تزور جدة ماجد !
ما يهمها ماجد ابدا
تحمست للزياره حتى تنال اجر زياره المريض !
تتمنى ماجد ما يكون موجود لانها ما تضمن نفسها !
هالانسان اول ما تشوفه تبدأ اعصابها بالانفلات !
وقف ابو سعود بهدوء واشر : هذي الغرفه
انتظر منك اتصال !
تركها وغادر
دخلت بهدوء وعفست ملامحها لما شافته واقف ومبتسم لها وجنبه رجال
حست قلبها يدق بقوه !
ماجد بترحيب : هلا والله
خذي راحتك هذا ابوي واشر على الرجال للي جنبه !
تنهدت براحه ظنته واحد من اعمامه
ومع ذلك قلبها ما زال ينبض بقوه
تقدمت من ام راكان وسلمت عليها وتحمدت لها بالسلامه !
وبعدها تقدمت من ابو ماجد وسلمت عليه بهدوء
وعادت ادراجها وهي مطنشه كلام ماجد حتى تسلم عليه !
ام راكان : اترك البنت بحالها احرجتها !
وطالعت عائشه بابتسامة : خذي راحتك يا ابنتي ما في احد !
ابغى اشوف خطيبة حفيدي !
ترددت عائشه ما تبغى تكشف
بس حست انها مو حلوه تجلس وهي متغطيه
رفعت الغطاء بهدوء وهي تناظر ام راكان بابتسامه وتكلمت حتى تطرد التوتر : اخبارك يا جدتي !
وكيف صحتك الحين ؟!
ام راكان ابتسمت لها بإعجاب : الحمد لله بخير !
الله يحفظك يا ابنتي !
وطالعت ابو ماجد : اخبارك يا عمي عساك بخير وصحه ؟!
ابو ماجد حس شخصيتها قويه : الحمد لله بخير !
اخبارك واخبار اهلك ؟ !
عائشه : الحمد لله بخير !
وناظرت ام راكان :أمي تسلم عليك وتعتذر منك
ما قدرت تيجي ...
قاطعتها ام راكان بتفهم : الله يسلمها !
كيف دراستك ؟!
عائشه بحماس تحب الدراسه وتحس نفسها مثل الشجر ما يرويها الا القراءه : الحمد لله بخير !
ابو ماجد بتشجيع : شدي حيلك علشان تحصلين نسبه ممتازه
انقهر ماجد وهو يشوفها مطنشيته ولا كأنه موجود وباسلوب استفزازي : ما في داعي تغلب نفسها بالدراسه وتتعب
لاني
زوجتي ما ابغاها تكمل دراسه !
ما أعطته عائشه اهتمام بالرغم انه كلامه ضربها بالصميم
كانت رح تنفجر فيه
بس لاخر لحظه مسكت نفسها وناظرت ام راكان بإهتمام : متى رح تخرجين من المستشفى ؟!
احتقن وجه ماجد بالغضب من تهميشها له وتكلم بغضب : شفت يبه بعينك كيف ما تحترمني !
ولا كأني آكلمها ؟!
ام راكان ما عجبها تصرف ماجد يهب فيها كذا وبنهر لماجد : علامك تكلم البنت كذا !
ابو ماجد بتآييد وبأسلوب حازم : اسمع يا ماجد هذي الأمور مو مكانها هنا تتناقش فيها ؟!
قفل على الموضوع وانتهينا !
شد ماجد على قبضة يده بقهر و هو يشوف بعيونها الانتصار : كيف اتفاهم معها واتناقش ؟!
انا ولا مره شفت الخطيب ممنوع يزور خطيبته ؟!
ابو ماجد بنفي لكلامه : ومين قال هالكلام ؟!
اهلها قالوا بأي وقت يزورها
وناظر عائشه : صح هالكلام ؟!
عائشه بهدوء ظاهري وبداخلها تغلي من فكره زيارتها : صح يا عمي !
ماجد بمكر : وش الفائده من الزيارات وهي من اول لقاء تبغى الطلاق وقاعده تنتظر ورقتها ؟!
تسلطت الانظار عليها باستنكار كيف تطلب الانفصال وبسرعه بديهيه ردت : والله انا دراستي من الأولويات عندي وما اتنازل عنها أبدا
وعن الطب ما اتنازل وماجد رافض دراستي
فخلينا على البر ويا دار ما دخلك شر !
ماجد انتفخ وجهه منها وبغى يتكلم قاطعه ابوه : رح تكمل تعليمها وبالتخصص للي تبغاه هي مو انت !
ماجد بتصميم : والله والله ما تدرس
وما تدخل رجلها الجامعه
لا طب ولا غيره وخلها منطقه بالبيت !
ابو ماجد بحزم : ماجد !
مو وقته هالكلام !
عائشه تنهي الموضوع بهدوء : بما اننا مو متفقين على امور كثيره انتظر منك
قاطعها ماجد : احلمي بالطلاق !.
والله ما اطلقك وما تدرسين !
ونشوف مين للي كلمته تمشي !
تنهدت عائشه وحبت تلطف الجو بعد ما احتد الوضع : انا كلمتي تركض ما تمشي !
وابتسمت بمرح : لي ساعه جالسه ما ضيفتوني !
ماجد للحين منغبن منها «جعلك بالسم » وبحده : الظاهر تظنين نفسك بالديوانيه !
تراك بالمستشفى !
ابو ماجد اعطى لماجد نظره قويه
وبعدها ناظرها وابتسم : حقك علينا !
ام راكان: الحق على هالخبل !
واشرت على ماجد !
كشر ماجد للحين مقهور ومتضايق ما يدري كيف رفعت ضغطه اليوم !
ناظرها وهي تصب لنفسها القهوه : هذا طلع لك يدين تصبين فيهم !
عائشه وهي ترتشف من القهوه : ليه قالوا لك ما عندي يدين !
ابو ماجد ما يبغى عائشه تجلس اكثر لانه متأكد ما رح تطلع من هنا الا وهي مطلقه !
**
**
**
**
عزام بضحكه حاول يكتمها بعد كلام سلمان للي انضم لهم
سلمان بتآكيد لكلامه : عزام مو انت شفت القمل؟!
ساره وجهها احمر من الاحراج كل يوم تكتشف ثقل دم سلمان
ما تدري وش يستفيد لما ينشر ماضيها المخزي بالنسبه لهم !
عزام قهقه مو قادر يتكلم
سلمان يتابع كلامه : تصدق انه عزام كان يشوف القمل براسها عن بعد كيلو!
عبدالله ناظرهم وهو يصغر عيونه : ابوك يالكذب !
انفجر عزام من الضحك وجهه احمر
سلمان طالع ساره بتذكير : تذكرين اول مره شفتك كنت قاصه شعرك مثل الاولاد !
حتى تتخلصين من الجيوش للي براسك !
وناظر عبدالله : تدري قبل سنتين كنا جالسين فجأه ناظرت ساره واستغربت في شيء يمشي بحواجبها
تدري وش لقينا ؟!
«قمله »
ضغط عزام على بطنه من الضحك
طريقة سلمان بالكلام والسرد بحد ذاتها مضحكه !
سلمان يصغر عيونه : يا رجال بحياتي ما شفت بحجمها !
حشى هذي مدرعه !
تدري ما ماتت الا بالحجر ؟!
يا عمي لمصلحتك العامه ومصلحة هندامك ابعد شوي عن ساره
ترى القمل عندها له خاصيه الطيران
لو كنت عن بعد 2كيلو !
عبدالله بملل : كملت سخافتك ؟!
سلمان ضحك على شكل ساره المنحرج : لا تقولين مستحيه
تراهم صديقاتك ولازم تفتخرين فيهم
عشرة عمر !
عزام يمسح دموعه من الضحك !
عبدالله طالع عزام وهو حاط يده تحت خده بضجر : تدري شكلك مثل زر البندوره ؟!
اقول خذ الرخمه معك وغادروا بإحترامكم !
حتى الفطور ما افطرنا بسببكم !
سلمان : احد منعكم تفطرون !
والا خايف سوير تستحي من وجودنا ؟!
وبتحذير انتبه يا عمي تبلع الصحون وتفشلك قدام الناس
ترى لها بالعاده
اذكر مره دخلت عليها لقيتها تلحس بالصحن مثل القطوه!
عاد انا رحمت الصحن وسحبته منها
وحطيته بالخزانه
ما له داعي ينغسل الاخت ما خلت فيه شيء جلته بلسانها !
انفجرت ساره بالضحك وهي تتذكر هالمواقف ما صارت ابد ما تدري من مخترعها !
عبدالله طالعه وهو رافع حاجب : تعرف تغادر قبل ما امسح وجهك بالطاوله !
سلمان وهو يرجع ظهره للطاوله ويتكتف : افف كل هذا لأني اخبرك بماضي خطيبتك ؟!
وبجديه : عمي انت من عقلك خاطب ساره ؟!
للحين مو قادر اصدق !!
لو خطبت اخت نوره زوجة عزام يقولون عليها جمال ذباح والحين قدمت تكمل دراسات عليا
بهتت ملامح ساره من وقحاته !
عبدالله بضجر : يا اخي روح اخطبها وفكني منك !
وناظر ساره وابتسم : احد يبدل هالقمر !
ناظرته وابتسمت بإحباط
روحها المعنويه صفر لو توصل المريخ ما رح يغيرون نظرتهم عنها !
وش تعمل إذا كان نمط حياتها كذا
عاشت من لما طلعت على الدنيا بالفقر والحرمان !
غصب عنها تأكل بشراهه قبل ما يختفي الاكل من قدامها !
حتى بعد انتقالها لام محمد ما تغير نظام اكلها لانها تعودت على هذا الشيء وصعب تغيره !
وانتقالهم للقريه ومصاحبة سعديه كان تغيرها للأزفت !
كانت تحاول تقلدها بكل شيء
اكلها
شربها
مشيتها
طريقتهابالكلام
بكل شيء قلدتها
وكانت المأساه
فتاه ابعد ما تكون عن الجمال والاناقه !
ما فيها شيء من تصرفاتها يوحي للانوثه!
كل تصرفاتها اقرب للهمجيه والتخلف والعباطه !
تتمنى تتغير بس كيف ؟!
وبنفس الوقت تعجبها حياتها بالرغم انه الاغلب يشوفها تخلف
بس بنظرها تشوف تصرفاتها اقرب للبساطه بدون تكلف !
المشكلة اهل ابو راكان هالحياه ما تعجبهم
تهمهم المظاهر !
قاطعت افكارها وهي تناظر ماجد يتكلم عن خطيبته
ما تدري متى جاء ؟!
وبلهفه واشتياق لصديقه الطفوله : عائشه هنا ؟!
ماجد عفس ملامحه بقرف : صكي حلقك ترى وصل للارض !
كل هذي اللهفه علشان هالعائشه ؟!
الحمد لله والشكر على نعمة العقل ؟!
ساره بحماس : وينها ؟!،
ابغى اسلم عليها !
ماجد مد بوزه : انقلعت اوه قصدي راحت !
ساره بإحباط : ليه ما خبرتني انها هنا ؟!
ماجد بضجر : وبعدين مع عقلك المصدي ؟!
تراها واصله معي لهنا !
واشر على انفه !
عبدالله : يا لطيف ليطق لك عرق !
الظاهر العروس مضيقه خلقك !
زفر بضيق ماجد وللحين يغلي من عائشه ووقع نظره على ساره وهي توقف تبغى تغادر حس الدموع تلمع بعيونها !
ما لها ذنب حتى يهب بوجهها كذا
ابتسم بدون نفس وهو يؤشر بإصبعه : وين يا خلف ؟!!
اقول اجلس اجلس !
ضحكت ساره على طريقته بالرغم انها تضايقت لما هب فيها
عبدالله تنرفز منهم : وبعدين معكم ما تحترمون احد !
وش هذي خلف ؟!
شايفها احد من ربعك تكلمها كذا ؟!
سلمان وهو يكتم ضحكته: لا والله شايفها خالي خلف !
وانفجر من الضحك
عبدالله بزعل : صدق انت وإياه ما تستحون على وجهكم !
وطالع عزام للي يكتم ضحكته : وانت عاجبك كلامهم ؟!
ماجد بدأ يروق : وش يعمل لك اذا خطيبتك نفس شكل اخوها خلف !
سحبها من يدها وتركهم وهو معصب
بعد ما ابتعدوا عنهم وباستنكار : انت مبسوطه على كلامهم وتضحكين بعد ؟!
إلتزمت الصمت بدون رد !
وش تقول له اصابها ادمان من كلامهم ما عاد تفرق معها !
وش تقول له انه كلامهم يجرحها من الصميم ؟!
وش تقول له ؟!
الافضل تسكت كالعاده افضل من الدخول بنقاش ودفاع وتبريرات ما لها داعي !
ما رح تقدم ولا تؤخر بنظرها !
ناظرته وهو يتوعدها : وقسم بالله لو اشوفك تكلمين هالزوج ماجد وسلمان ما يحصل خير !
واذا كلموك أبغى تمسحين فيهم الارض !
فاهمه !
هزت رأسها بطاعه !
مشى عبدالله بهدوء : ضيقوا خلقي
وما افطرنا بسببهم !
وش رايك نطلع برا المستشفى نفطر ؟!
ساره انسدت نفسها عن كل شيء ردت بهدوء: مو مشتهيه !
رجعوا للغرفه ردوا السلام
ابو ماجد بانتقاد : بالاسم مرافقه مع امي !
انا اشوف مرافقه لعبدالله !
عبدالله رد بدون نفس : طلعنا شوي صارت سالفه الحين ؟!
ابو ماجد بتكذيب : شوي ؟!
انا لي اكثر من ساعه جالس هنا !
عبدالله : والمطلوب ؟!
ابو ماجد بأمر : دامها مرافقه مع امي ما تتركها كذا بدون ما تخبر احد انها طالعه !
عبدالله ما يبغى يكبر الموضوع ويبقى اخوه اكبر منه رد بهدوء : ان شاء الله !
وبتساؤل : خطيبة ماجد كانت هنا ؟!
ابو ماجد : ايه
عبدالله بلقافه: كيف انطباعك عنها ؟!
ابو ماجد : ما شاء الله عليها البنت مثقفه والظاهر رح تتغلب مع ماجد لانه عقله طافي هالولد !
عبدالله بحقد على ماجد : ترى ابنك هذا ما يعرف يتكلم وما يحترم احد !
ابو ماجد وقف : باكر يعقل ان شاء الله !
انا راجع للبيت تبغى ترجع ؟!
عبدالله : 10 دقائق ويبدا شغلي
ابو ماجد : الله يوفقك !
وناظر امه وهي نايمه قبل ما يطلع
وبعدها غادر !
**
**
**
**
**
مر يومين وللحين ام راكان ما رخصوها
تحس جسمها تكسر من الجلسه على الكرسي طول الليل !
والمشكله ما احد تعذر يريحها !
متى يخرجونها وترجع للبيت !
تحس ام راكان تتدلع وما فيها شيء !
وهي واقعه فيها من المرافقه !
خايفه لو تطلب ترجع للبيت تريح ساعه يفهمون انها ما تبغى تجلس ويزعلون منها !
وهي من اولوياتها رضى عمها ابو راكان وعياله
تحبهم وما تبغى يزعلون منها !
بس المفروض يحسون فيها !
وكأنها جماد ما عندها احساس
ما تتعب ولا تمرض !
وقفت بهدوء لما طلبت منها ام راكان الجوال !
ناولتها بهدوء ورجعت جلست !
ام راكان : خلاص مليت المستشفى
خلهم يخرجونا !
وخلال ثواني وصلها صوته : هلا يمه ! .....الحمد لله .....ايه خلاص تعال خرجني ....خلاص ما ابغى اجلس هنا .....تعال ويصير خير ....لا تنسى تجيب لساره فطور !....ان شاء الله مع السلامه !
ام راكان بضيق : الجلسه بالمستشفى تجيب المرض !
احس نفسي مكسره !
أشوف اختي ام محمد ولا رجعت تزورني ؟!
تقول ما تطيق ريحة المستشفى !
يقولون اخوك خلف متطاوش معها
وصراخهم طالع !!
بس ما احد عارف السبب واختي متكتمه !
الله يستر وش المصيبه للي مهبهبها هالخلف !
اخخخخ يكفي هالمصيبه للي انرمت علينا!
زفرت بضيق وما كملت كلامها !ورجعت تسبح
ناظرت ساره لجهة الشباك وهي تحس بثقل على قلبها
ما عادت ساره الغبيه العبيطه للي ما تفهم الكلام ومغزاه !
هي تفهم وتعرف المقصد منه بس تقرر تطنش الكلام وكأنها ما تفهمه افضل لها من وجع الراس !
هي متأكده انها ام راكان تقصدها بالمصيبه !
اثقل عليها هذا الموضوع والنغزات للي فيه !
تتمنى لو انها ما انخطبت ابدا
كان الحين راسها صافي من النغزات !
كانت تتمنى تتزوج حتى تبعد عن خالتها ام محمد !
والحين تتمنى تعيش طول حياتها عند خالتها ولا هالنظرات السوداديه للي تشوفها من الاغلب!
مو مرتاحه بحياتها هذي بس تبغى مكان فارغ وتفرغ كل الكبت للي بداخلها !
ماسكه دموعها تنهمر وتعبر عن مدى تعاستهاوحزنها
بهذي الاوقات الحزينه تحس بمعنى اليتم !
تفتقد امها وابوها بقوه !
طلعت على الدنيا وما شافتهم !
هي غير عن سعديه صحيح يتيمه
بس عايشه مع امها وعاشت مع ابوها قبل ما يموت !
هي ما تعرفهم وما تعرف شيء عنهم !
كيف كانت حياتهم ؟!
كانوا متشوقين لشوفتها ؟!
اسئله كثير تدور براسها ما تلقى لها اجابات!!
اهل امها وينهم ؟!
ليه ما تعرف الا جدتها ام سعيد ؟!
معقول امها يتيمه مثلها ؟!!
تتمنى لها خاله تشبه امها تعيش معها وتعوضها عن حنان امها للي فقدته !
اوجعتها الدنيا بعمر صغير !
بأقل من سنه تعقد قرانها 3 مرات !
تتمنى حياتها حلم!!!
وتصحى منها وتلاقي نفسها عند جدتها ام سعيد !
همها تشتري لعبه وفستان مثل عائشه !
همها تلعب الطوف والغميضه وتطردها ام سعود لما تشوفها حاطه راسها لصق لراس عائشه !
بس تبغى ترجع و تحمل هموم طفله صغيره !
ما تبغى تكبر وتزيد همومها
يكفي للي حصلته من هالدنيا من وجع

**
**
**
**
يتبع.....
[/size]

[size=32] يمشي متوجه بهدوء استغرب لما شاف ساره واقفه بالممر!
نبه عليها ما تطلع من الغرفه وحدها
معقول صار شيء لامه
تقدم بخطوات سريعه ولفها لجهته بخفه !
خلال ثواني بهتت ملامحه ونطق باعتذار : اسف اختي مخربط !
وتركها وهو بدوامه سبحان للي خلق من الشبه اربعين !!
نفس الطول وحتى تشبه لها كثير !
ما انتبه على وليد وهو يؤشر له !
كان عقله مشوش !
تقدم منه وليد بسرعه وضربه على كتفه بخفه : عبود !
اضطر يقف وناظر وليد ما شافه : هلا !
وليد باستغراب : علامك ما عبرتني
اشرت لك
قاطعه عبدالله بذهن مشوش : ما انتبهت !
وليد بمرح : وش عرفك بذيك البنت !
وبغمزه : تراك خاطب !
وش رايك اخبر عنك !
ابتسم عبدالله : مخربط !
وانت وش عندك مرابط هنا مراقبه !
انت تعرفها ؟!
وليد هز راسه بالنفي : لا ما اعرفها !
بس الظاهر انها خريجه لاني اسمعها تتكلم بالجوال عن اوراق التخرج !
عبدالله وهو يصغر بعيونه : يا خوفي ترسم عليها ؟!
وليد بإحباط : متزوجه لابسه ذبله !
هز رايه عبدالله وابتسم : الله يوفقك
تأخرت على امي اشوفك بعدين !
تركه وتوجه للغرفه
ناظر امه بيدها السبحه وساره صاده لجهة الشباك وكأنها بعالم آخر : السلام عليكم !
حط الاغراض وجلس على الكرسي : كيفك الحين يمه !
ام راكان بهدوء : بخير !
صاده لجهة الشباك وهي تسمعه يتكلم
مسحت بخفه دمعه تسللت من عيونها الدامعه
اخذت نفس حتى ما تحسس احد بضيقها !
ما تحب احد يشوف دموعها !
إلتفتت له وهو يكلم ام راكان
اجبرت نفسها على الابتسام لما ناظرها !
تأمل الشبه بين ساره وبين البنت !
يحس الشبه كبير !
بس الفرق اعتناء البنت بنفسها وبمساحيق التجميل للي زادتها جمال !
يمكن ساره ملامحها فيها طفوله على عكسها انثى بمعنى الكلمه !
معقول خالتها ؟!
او من بنات خالها او خالاتها ؟!
معقول لها اخوال وخالات ؟!
طيب وينهم ؟!!!
توترت ساره من نظراته مسلط نظره عليها !
ام راكان بتنبيه : علامك اول مره تشوف ساره ؟!!!
عبدالله انتبه على نفسه وبضحكه مصطنعه : ايه اول مره اشوفها !
وبمزح : خلاص عجبتني يمه اخطبيها لي !
عفست ام راكان ملامحها من سوء اختيار ولدها !
عبدالله خاف امه ترمي كم كلمه وتجرح ساره تكلم يغير الموضوع : قلت لي تبغين تتخرجين !
ام راكان بنرفزه : و انا وش اقول من الصبح ؟!!!
طق كبدي هنا !
هز راسه : الحين اكمل اجراءات الخروج !
ام راكان بتذمر : خلصني بسرعه !
ابتسم : ان شاء الله !
طالع ساره : جهزي الاغراض ربع ساعه وراجع !
هزت راسها بطاعه ما قدرت تنطق حرف واحد
خافت اذا ردت تنفجر من البكاء ومن التعب !
**
**
**
ابو سعود رافع حاجب بانتقاد : اشوفك طول وقتك جالسه وما تدرسين ؟!
عائشه بخبث تبغى توصل لمربط الفرس : ليه اتعب نفسي بالدراسه وبالنهايه عريس الغفله رافض اكمل دراستي !
ابو سعود تنرفز : قلت لك الف مره ما عليك منه !
غصب عنه تدرسين مو بكيفه !
عائشه بهدوء متقن : بس انا اطيع زوجي وما ارفض له طلب !.
علشان كذا حتى الثانوي ما ابغى الشهاده !
يا زين الجلسه بالبيت !
ابو سعود بغضب : عائشه لا تجلطيني !
انا كلمت ابوه وقال رح تدرسين غصب عنه !
عائشه بحزم : دامني على ذمته ما رح اكسر كلمته !
واذا مهتم لمستقبلي ودراستي طلقني منه
قاطعه بعصبيه : هذا للي انت تبغينه !
لكن والله والله للي رفع السموات ما اطلقك منه !
وعمرك لا درستي ولا فهمتي !
خليك مثل الحماره جالسه بالبيت !
ناظرته وما عجبها رده : بابا ما يصير تشتمني !
الله يأخذ من حسناتك
قاطعها بغضب : الله يأخذك لزوجك ويريحني من لسانك الطويل !
كل شيء لازم تعلقين له !
تتكلمي وكأنك ملك منزل من السماء !
عائشه بدفاع : يا بابا كلنا نغلط بس انت احيانا اغلاطك كثيره كونك دكتور بكليه الدراسات الاسلاميه !
ابو سعود وقف وبدأ صبره ينفذ : يا صبر ايوب !
صدق المثل عمر ذيل الكلب ما انعدل !!!
وعمره لسانك الطول ما رح ينعدل
ترى على وضعك هذا ما رح تقدري تعيشين مع زوجك !
لانه مو كل الناس تتقبل اسلوبك هذا !
افهمي وحطيها بعقلك ترى كل الناس غلطها اكثر من صوابها !
ومستحيل تمشين الناس على كيفك !
فنصيحه لك اتركي الناس بحالها
واهتمي بنفسك فقط !
وربنا للي يحاسب الناس مو حضرتك!
هذي نصيحه لك بما انك طول وقتك
توزعين نصائح للناس !
وابتسم بسخريه قبل ما يطلع !
نهى واقفه اول الصاله وتتسمع
ضحكت بصوت عالي على شكل عائشه المنصدم من كلام ابوها !
عائشه بقهر : المشكله ما ادري كيف اخذ الدكتوراه !
لكن والله والله ما اتزوج هالمراهق للي مبسوط عليه !
رجع فتح ابو سعود الباب بعد ما سمع كلامها وابتسم يغيضها : المشكله مو
بالدكتوراه !
ا لمشكله بعقلك المصدي للي ما يعرف مصلحته !
جهزي نفسك اليوم ماجد جاي زياره لك !
وبتوعد : ويا ويلك اذا ما طلعت له !
***
***
***
***
نزلت ام راكان من السياره بمساعده عبدالله !
عبدالله : ساره نزلي الاغراض للي معك !
نزلت الاغراض بهدوء وناظرته بتردد : ابغى ترجعني للبيت !
ام راكان باعتراض وخوف : وين يوديك الحين ؟!
خلاص تعالي ادخلي عندنا وتغدي وارتاحي !
وبعدها يصير خير !
او اتصلي بعزام يوصلك !
ناظرت عبدالله يتحرك ويصمم يوصلها
بس اكتفى بالسكوت !
تكلمت بهدوء عكس داخلها : خلاص انا في بيت خلف !
عبدالله : تعالي عندنا وتغدي !
ساره بهدوء وهي تعطيهم ظهرها : مو مشتهيه !
تمشي بخطوات بطيئه عكس مشيتها المعتاده !
طرقت الباب بخفه ما كان فيه رد !
تذكرت انه ام عمار اكيد في بيت ابو راكان !
جلست على عتبه البيت بتعب وتحس حراره جسمها بارتفاع
وجسدها ينهار من التعب ليله البارحه كانت بارده
اثرت على جسدها !
تكورت على نفسها وانفاسها بدات تعلو وتهبط !
غمضت جفونها لعل النوم يأخذها لعالم الاحلام !
بدات الاحلام تتراقص امامها
ما زالت واقفه بين الواقع وبين عالم الاحلام
فز قلبها برعب من صوته الجهوري : ضاقت عليك الدنيا تجلسين على عتبة البيت !
ناظرته بعيون شبه مقفله مو مستوعبه هي اصلا وين ؟!
وش صاير !
الظاهر غفت لثواني معدودة !
خلف وهو عافس ملامحه : علامك مثل السكرانه !
حاولت تصحصح بصعوبه ابتعدت عن طريقه وهو يكلمها : اقول ادخلي اشوف
دخلت خلفه وتحس جبينها بدأ يعرق
رن جوالها تحس قوتها خارت مو قادره تطلعه من الشنطه !
خلف بضجر من رنين الجوال : ردي على الزفت ما تسمعين !
ضغطت على نفسها وطلعت الجوال
وقبل ما تشوف الاسم انخطف الجوال من يدها بقوه : واو جوال جديد ؟!
متى جابه ولد عمي «ّ
...»؟!
تراه بخيل ونحس في جوالات احدث واغلى من كذا !
وبتفكير وهو يحك ذقنه ويناظر الجوال: ومع ذلك ممتاز !
وخلال ثواني فتح الغطاء بعد ما اعطى مشغول
طلع الشريحه وكسرها تحت عيونها وبأمر : اذا حد سآلك عن الجوال قولي ما ادري عنه !
يا ويلك لو تقولين انه معي !
وكرتونة الجهاز اذبحك اذا اعطتيها لاحد فاهمه !
والحين روحي على غرفتك !
تركته وتوجهت للغرفه بدون نقاش
ما اهتمت لامر الجوال
ازدياد حالتها سوء ما سمحت لها تعترض او تجادل او تتكلم
تبغى السرير فقط ترمي عليه كل تعبها النفسي والجسدي
لعلها ترتاح !
ألقت نفسها على السرير غطت نفسها
وهي ترتجف من البرد
الظاهر اصابتها «البرديه »
غمضت عيونها وفكيها ترتجف من البرد
وامنيتها الوحيده تكون نومتها الاخيره
وتفارق الحياه وكل همومها
تبغى امها وابوها وام سعيد فقط لا غير !!

**
**
**
**
نهاية

البارت 14

[/size][size=32] ألقاكم قريبا بإذن الله في بارت جديد ....لا تنسوا ردودكم الحلوه ....دمتم بخير Smile

[/size]

» رواية يمينك سالمة بقلمي